Mateo 11:10 - Tagbanwa Calamian

¹⁰ Ay kipurki ti Juan ang naa ya ka man ay nag̱adapatan yang sasang inaning yang Dios tung sasang aruman na ang napabtang tung kasulatan ang mag̱aning, ‘May sasang taung tuw̱ulunung magpalatay yang bitalaw tung mga tau ang yay ipatkawu tung nuyu ug̱ud katulad ka tung sasang pagliway yang dalan, yay maning pa tung magliway tung mga isip nira ug̱ud simpan da tanirang mamampauyun da tung nuyu,’ mag̱aning.

Mateo 11:10 Iomraidhean Croise

Mateo 11:11

Iugtulu tung numyu, tung tanan ang mga manigpalatay ta namagtukaw ang mga panimpu, anda ray lumandaw tung ni Juan ang naang manigbenyag. Piru maskin pang maning tia, yang sasang tauanung napalg̱ud da tung palaksu yang paggaraemen yang Dios, maskin pag̱atelengan ang aranek ta pagkabetang, piru may nalandawan na pa ka enged tung ni Juan.

Mateo 11:3

Numanyan tung pagkaw̱ut nira, mag̱aning tung ni Jesus, “Minangayami ilem taa, ay gustu yamen ang magtalimaan tung nuyu kung yawa ka man yang pag̱aningen ang Cristong Mananapnay ang nag̱aelatan kang lag̱i yamen u kung may duma pang dapat ang elatan yamen?” mag̱aning.

Mateo 3:3

Ay ti Juan ang naa ya ra yang ipinaula yang Dios tung ni Isaias ang tukaw ang mag̱aning, “May sasang taung magparakaw̱utun tung mga tau duun tung banwang kapas ta maning taa: ‘Katulad ka tung pagsirimpanen tung sasang dalan ang panawan ta sasang Adi ang yag tadlengay, kaministiran kang simpanen mi ra ka ta mupiang tadlengen yang mga kinaisipan mi ang para magpauyunamu ra tung ni Ginuu tang magkakaw̱ut da,’ mag̱aning.”

Marcos 1:2

Atiing tukaw, may sasang isinulat ni Isaias ang sasang manigpalatay yang bitala yang Dios. Duun napabtang yang inaning yang Dios tung sasang tuw̱ulun na ang mag̱aning, “May taung tuw̱ulunung magpalatay yang bitalaw ang yay ipatkawu tung nuyu ug̱ud yay magliway tung mga kinaisipan yang mga tau ang para mampauyun da tung nuyu.

Lucas 1:76

Atii, dayun dang inaning ni Zacarias yang ana na ta maning taa: “Pati yawa duduy, puidia ra kang ulaanu ang buatena ra yang Dios ang makagag̱aem ang yaway sasang manigpalatay yang bitala na tung mga tau. Purki yaway mag̱ing palaskaw ni Ginuu ta ang para yang maning pa tung dalan ang panawan na simpanen mu.

Juan 1:23

Numanyan tung tuw̱al ni Juan, ya ra ilem ulitay na yang sasang naula ni Isaias ang yay sasang manigpalatay yang bitala yang Dios atiing tukaw. Mag̱aning yang tuw̱al na, “Anday duma, yuu ra yang pinag̱ula tung kasulatan ang ya unu ay maglua taa tung banwang naang kapas ang para magparakaw̱utunaw tung mga tau. Yang ianingu unu tung nira, ang katulad ka tung pagtaradlengen tung sasang dalan ang panawan ta sasang Adi, kaministiran kang panadlengen da ka nira ta mupia yang mga kainaisipan nira ang para simpan dang mampauyun tung ni Ginuu tang magkakaw̱ut da,” mag̱aning.