Lucas 7:9 - Tagbanwa Calamian

⁹ Numanyan pagkagngel ni Jesus yang mga bitalang atia ni Kapitan ang pinag̱ulit nira tung anya, ya ray naberengan na ta mupia tung ni Kapitan. Dayun dang nagbira ang nanalunga tung mga taung atiang buntun ang pamagpakignunut tung anyang mag̱aning, “Iugtulu tung numyu, basin nganing tung numyung mga masigkanasyunu taa tung banwa tang naang Israel, anda pay nag̱abag̱asung maning takaag dakul yang pagtaralig̱en na tung yeen,” mag̱aning.

Lucas 7:9 Iomraidhean Croise

Mateo 15:28

Mag̱aning ka ti Jesus ang minles, “Ay ipag, talagang durug dakul pala yang pagtalig mung atia tung yeen. Magkamaningana ra tung nag̱alelyag̱an mung atia,” mag̱aning. Numanyan tung uras kang lag̱ing atii nagmaayen da ka man yang ana nang baw̱ay.

Mateo 8:10

Pagkagngel ni Jesus tia, nabereng da ta mupia. Dayun dang nagbitala tung mga taung atiang pamagpakignunut tung anya ang mag̱aning, “Iugtulu tung numyu yang kamatuuran, taa tung banwa tang naang Israel, anda pay taung nag̱apanawanung maning taag dakul yang pagtaralig̱en na tung yeen.

Mateo 9:33

Numanyan tung pagpalayas ni Jesus tung dimunyu, atiang lag̱i napagbitala ra yang taung atia. Ya ray naberengan ta mupia yang mga tau. Purisu namag̱araning-aningan dang mag̱aning, “Indiita pang pisan nag̱aita ta maning tia taa tung banwa tang Israel, kung indi, numaan ilem,” ag̱aaning.

Lucas 7:10

Numanyan yang mga taung atiang pinanuw̱ul ni Kapitan ang mamagpakigbag̱as tung ni Jesus, dayun dang namansibalik tung balay ni Kapitan. Pagkaw̱ut nira duun, maita nira yang turuw̱ulun na, maayen da ka man.

Lucas 7:50

Piru ti Jesus, belag ya mag̱intindi tung nira, ya magsugpat tung baw̱ay ang mag̱aning, “Ipag, tan taa pang pagtalig mu tung yeen yang mga kasalanan mu, tinapnaya rang lag̱i yang Dios. Purisu numanyan, ala mulika ra, may pagbakeran da yang isip mu,” mag̱aning.

Lucas 7:8

Kipurki maski nganing tanya unu, anad da ka unung magpalalang tung mas abwat tung anya, anad da ka unung magkalalangan tung mga sundalu nang mas aranek tung anya. Kung lalangan na unu yang sam bilug ang magpanaw, atiang lag̱i magpanaw ra ka man. Baskin yang sam bilug unu, kung guuyan nang magpalenget tung anya, atiang lag̱i unu magpalenget da ka man. Ang basin pa yang turuw̱ulun na unu, kung lalangan nang mag̱ubra ta sasang bag̱ay, atiang lag̱i, ubraen na ra ka man,” ag̱aaning.