Lucas 7:49 - Tagbanwa Calamian

⁴⁹ Numanyan pagkagngel yang dumang pamagsararu asan, ya ray ipinagkesen-kesen nira tung mga isip nirang mag̱aning, “Abaa, tinu pa taang palangaasenay ang buat na pa pagpatawad ta mga kasalanan?”

Lucas 7:49 Iomraidhean Croise

Mateo 9:10

Taa numanyan nagkamaning da ang ti Jesus pagpakigsaru ra tung yeen duun tung balayu, kasiraan da ka tanira yang nag̱apangugyatan nang dati. Duru rang mga kaarumananung mga manigpanukut ang namansikaw̱ut da ka, kasiraan da ka tanira yang duma ang nag̱alamku ka ta kadaklan ang durug kakinasalananen. Pagkatapus dayun dang namagpakigsaru tung ni Jesus may tung yamen ang mga tauan na.

Mateo 9:3

Naa pala may mga tau asan ang yay mga sag̱ad tung mga urdinansang pinanubli tung mga kinaampu ta. Pagkagngel nira yang inaning ni Jesus tung taung atiang namamilay ra yang mga tinanguni na, dayun dang ipinagkesen-kesen nira tung mga isip nirang maning taa: “Abaa yang tau kang naa ka, ya rag pagtiwakaw tung pagkadios yang Dios!”

Marcos 2:7

“Abaa, yang tau kang naa ka, ayw̱at maning da takaa yang nag̱ianing na? Talagang ya ra pagtiwakaway na yang pagkadios yang Dios! Ayw̱a, tinu pa pay sarang ang magpatawad tung mga tau tung mga kasalanan nira kung belag̱an ultimu ilem yang Dios?”