Lucas 4:6 - Tagbanwa Calamian

⁶ Mag̱aning ti Satanas tung anya, “Yawa ray papgesenu ta kagaeman mu tung tanan ang atiang nag̱aita mung durug katitinlu. Kipurki tia, luw̱us dang ipinag̱intriga tung yeen. Purisu numanyan puiding ipakdulu tung kumpurming tinu pay nag̱alelyag̱anu.

Lucas 4:6 Iomraidhean Croise

Lucas 4:7

Purisu baskin yawa, basta magtuua ilem tung yeen, ipakdulu ra tung nuyu yang tanan ang atia,” mag̱aning.

Juan 12:31

Simanyan ang mga uras ang naa, ya ray uras ang ipagdeeg yang Dios tung sistima yang kaliw̱utan ang naang balaw̱ag ang pisan tung anya. Ay numanyan ya ra kay uras ang ipagpalagpak na tung pagmangulu tung sistimang atia.

Juan 14:30

Simanyan gesye ra ilem yang uras ang nag̱ipagpaamanu tung numyu ay natetenged ti Satanas ang yay pagmangulu tung sistima yang kaliw̱utan ang naang balaw̱ag ang pisan tung ni Ama, magkakaw̱ut da. Tung bag̱ay, anday pudir nang maggaem tung yeen.

Juan 8:44

Yamu, anday dumang pinakaama mi, ya ra ti Satanas. Kapurisu gustu ming mag̱usuy tung kalelyag̱an na. Ay ya pa ag̱ari, disti pa atiing primiru, durung kalelyag nang mangimatay tung mga tau. Dispuis andang pisan ay kalalabten na tung kamatuuran ay balaw̱ag kang lag̱i tung isip na. Kung magbukli ra nganing, natural na tia ay buklien kang lag̱i ig ya kang lag̱i ay pinakaama yang tanan ang mga buklien.

2 Corinto 11:14

Indiita ilem mabereng tia kipurki maskin ti Satanas nganing pagpasuad-suad ka ang tanya sasang angil ang masulaw yang pagkabetang na ang para aningen kang liit ka man tung Dios.

Efeso 2:2

Atii kanay, nagpaguyuramu pa tung sistimang pag̱andar taa tung kaliw̱utan ang naa ig nag̱usuyamu pa ka tung kalelyag̱an yang pagmangulu tung sistimang atia ang yay paggaraemen tung pamilat-pilatan ang pagkalalangan tung mga tau tung tinaluk ang para mamagkuntra tung Dios ig mamagpasilaw̱et ka tung yaten ang mga tau. Ya kay pagpaktel tung isip yang mga taung pamagpasuag tung kalelyag̱an yang Dios.

1 Pedro 1:24

Yang palaksu yang bitala na katulad ka tung sasang sinambit tung kasulatan ang mag̱aning, “Yang tanan ang mga tau magkapariu ka ilem tung ilamunun, Ig yang kadengeg̱an nira magkapariu ka ilem tung talay ta ilamunun. Pag nanlumpayeng da ngani yang ilamunun, Yang talay na magkarataktak da ilem. Piru yang bitala ni Yawi dumayun ang asta tung sampa,” ag̱aaning.

1 Juan 5:19

Nag̱askean ta ka ang ta yaten, yang may anya tung yaten ya ra yang Dios ig yang tanan ang mga tau ang pamagpaguyud tung sistimang pangkaliw̱utan yay nag̱akemkem ni Satanas.

Ipinag̱ubligar 12:9

Anday dumang binuat tung dragun ang dakulu, ipinlek da ilem ang ibinugsu tung katanekan, kasiraan da ka tanira yang mga angil ang pag̱apanuw̱ul na. Naang dragun ang naa, anday duma, ya ra mismu yang nagpairaw-iraw atiing primirung pisan atiing pag̱imu yang Dios tung tau.

Ipinag̱ubligar 13:2

Dispuis yang ayep ang atiang naitaw anggid tung tigri ang puntuk-puntuk ilem yang kulay na ang yay paggug̱uuyan tung leopardo. Yang kakay yang ayep ang atia durug dakul ang yang ukub na durug tarem ig abubwat ang katulad ka tung sasang ayep ang talunun ang paggug̱uuyan tung oso. Yang nganga na maninga nganga ta liun. Dispuis pinakdulan da yang dragun yang sadiling kagaeman nang durug kapuirsa ang para maggaraemen da tung intirung kaliw̱utan.

Ipinag̱ubligar 13:7

Dispuis tinugtan da ka yang Dios ang magkuntra ta maayen tung mga taung binuat nang mga tauan na ang asta pandeeg̱en na. Dispuis pa tinugtan na ra kang maggaraemen tung tanan ang mga tau, maskin unu pang nasyunay, maskin unu pang bitalaay tung bilug ang kaliw̱utan, sakep na rang tanan.