Lucas 3:6 - Tagbanwa Calamian

⁶ Kumpurming tinu pay magsimpan yang isip na ta maning tia, anday dumang mabilug̱an na, ya ra yang kalibrian ang pag̱iparawat yang Dios tung anya,’ mag̱aning.” Atia yay naula ni Isaias natetenged tung ni Juan ang naang nagparakaw̱utun.

Lucas 3:6 Iomraidhean Croise

Marcos 16:15

Pagkatapus dayun na rang sinugpatan yang bitala nang mag̱aning tung nira, “Magliliw̱utunamung magparakaw̱utun yang Matinlung Balita natetenged tung yeen tung tanan ang mga tau tung bilug ang kaliw̱utan.

Roma 10:12

May inaning nang bitalang “kumpurmi” ay natetenged yang tanan ang mga tau, mag̱ing mga Judio, mag̱ing mga tag̱a duma-rumang nasyun man, pantay-pantay ka ilem tung pagterelengen na. Sam bilug ilem yang mag̱ing Ginuu nirang may kalalangan tung nirang tanan ang ya kay magpaita ta kaildaw nang aw̱undang pisan tung kumpurming mag̱ambay tung anyang magpatapnay.

Roma 10:18

Piru elat kanay kung mangasarang, yang mga masigkanasyunung naang mga Israel, indi pa w̱asu nag̱agngel nira yang balitang naa natetenged tung ni Jesu-Cristo? Talagang nagngel da nira. Ay katulad tung mga tau tung maskin ay pang banwaay ang puiding mag̱intindi natetenged tung pagkadios yang Dios natetenged tung kalangitan ang inimu na ang yay nag̱atingara nira law̱iig kaldaw, maning ka tia tung mga masigkanasyunung naa. Ay maskin ay pang banwaay tanira nga wasak, puidi kang mag̱intindi tung Matinlung Balitang naa ay natetenged sarambung da ang katulad ka tung sasang bitalang napabtang tung kasulatan ang mag̱aning, “Yang nag̱ipagdiklara nira natetenged tung anya, sarambung da, maskin duun tung ay pang kabiw̱init-binitanay,” mag̱aning.