Lucas 23:9 - Tagbanwa Calamian

⁹ Purisu numanyan duru-durung talimaan na tung anya, piru ti Jesus tanya, inding pisan nag̱iw̱ek-iw̱ek.

Lucas 23:9 Iomraidhean Croise

Mateo 27:12

Numanyan yang mga paring atiang arabubwat ta katengdanan may yang mga pamagpakigmaepet ya si ay namansisublang ang namagbangdan tung ni Jesus. Piru maskin unu pay nag̱ibangdan nira tung anya, indi kang pisan nag̱iw̱ek-iw̱ek.

Mateo 27:14

Piru ti Jesus tanya inding pisan natuw̱al tung anya may san tag̱ang bitala, ang ya ra kay naberengan yang Gubirnadur ta duru.

Mateo 7:6

Indi mi ikdul tung mga kiru yang sasang bag̱ay ang sagradu. Muya balikdenamu ra ilem nirang tengkaken. Indi mi ka iplek tung mga baw̱uy yang mga musia mi natetenged liked-likeran da ilem nira.”

Marcos 15:5

Piru ti Jesus, indi ra kang pisan nagliing-liing. Purisu ya ra kay naberengan ni Gubirnadur Pilato ta duru.

Lucas 13:32

Mag̱aning ka ti Jesus ang nagtuw̱al, “Durug kaidya pala yang Ading naa. Aningen mi ang papatandaan na ta mupia yang bitalaung naa. Yuu magpadayunaw pa kanay tung pag̱urubraenung naang pagpalayasaw tung mga dimunyu tung mga tau kag pagpamaayenaw tung may mga laru ig may uras ka man ang kaw̱utun ang ya ray ipagtapusu tung mga pag̱urubraenung naa.

Lucas 23:10

Numanyan yang mga paring arabubwat may yang mga sag̱ad, ya ray namagpakigtalunga tung Adi ang namag̱intra ra bangdan ta mga malelbat tung ni Jesus.

Juan 19:9

Dayun sing nagpakled tung palasiung nagtalimaan tung ni Jesus ang mag̱aning, “Yawa, tag̱a aria pa?” mag̱aning. Piru ti Jesus tanya, indi ra ilem nag̱iw̱ek-iw̱ek.

Mga Binuat-buatan 8:32

Numanyan yang sam bulus ang atiang nag̱abasa na tung kasulatan ang nag̱abew̱eklad na maning taa yang palaksu na: “Katulad tung sasang karnirung nag̱aguyuran dang patayen, katulad ka tung sasang sinday ang karniru ang nag̱atupian da yang bulw̱ul na, ya ra kay pambungun yang pag̱aningen nang turuw̱ulun na ang maskin unu pay buaten tung anya, indi ka enged mag̱iw̱ek-iw̱ek. Deeg-deeg̱an da nira ta mupia ig lepesan yang usgad ang ipakdul nira tung anya. Anday mapagpaintindi kung ayw̱a maning da tia ay buaten yang mga masigkanasyun na tung anya, ay tapusun da nira yang kalayunan na taa tung kaliw̱utan,” mag̱aning.

1 Pedro 2:23

Atiing tanya ininsultu yang mga tau, indi ra enged nangimalesan tung nag̱insultu tung anya. Atiing tanya pinapinitinsiaan ta malbat, indi ra enged nagpauras tung mga taung namagpapinitinsia tung anya, kung indi, itinalig na ra ilem yang tanan ang atiang malbat tung Dios ang yay pulus tama yang sintinsiang nag̱ipakdul na.