Lucas 23:19 - Tagbanwa Calamian

¹⁹ Naa pala ti Barabbas ang naang pag̱aingaluk nira, kinalabus natetenged tung gulung tinukud na tung siudad ang Jerusalem ang pagkatapus tung gulung atii, may tau pang inimatay na.

Lucas 23:19 Iomraidhean Croise

Marcos 15:7

Naa pala tung uras ang atii, may sasang taung nag̱aranan tung ni Barabbas ang nakalabus, kasiraan da ka tanira yang mga masigkaribildi na. Ay atiing pagbatuk nira tung gubirnu, may mga taung pinangimatay nira.

Lucas 23:18

Ang kasu ilem, belag ya mamagpauyun yang mga taung atiang buntun da tung nag̱aplanu ni Pilato, ya mamag̱intra kerendalen ang mag̱aning, “Yang taung atia dapat ang patayen da ilem! Ti Barabbas, yay gustu yamen ang palpasan mu,” ag̱aaning.

Lucas 23:2

Mamansikaw̱ut tanira duun, ti Jesus pinag̱intraan da nira bangdan ta sari-saring kasalanan. Mag̱aning tanira, “Maginuung Gubirnadur, yang taung naa nadeep yamen ang pagsulsul tung mga masigkanasyun yamen ang para mamagbatuk tung gubirnu ta. Nagngel da nganing yamen ang pagsunlug tung nira ang indi ra mamaggawad yang nag̱ipagpagawad ni Maginuung Adi Cesar duun tung Roma. Ay ya pa ag̱ari, pag̱ambu ang tanya unu yang pag̱aningen ang Cristo. Bilang tanya unu yang pinilik yang Dios ang maggaraemen tung yamen,” mag̱aning.

Lucas 23:20

Numanyan, kumus yang kagustuan ni Gubirnadur Pilato ang ti Jesus yay palpasan na, ya ra kay inulit na tung mga tau.

Lucas 23:5

Piru naang pamagbangdan, belag ya mamagpauyun tung disisiun ni Gubirnadur Pilato, ang indi, ya mamagpatireg̱es ang mag̱aning, “Piru elat kanay, Maginuung Gubirnadur, yang taung naa, ekel tung nag̱itulduk na tung mga tau, pagpausbung tung kulu nirang para mamagbatuk tung gubirnu ta. Ya ray nag̱abuat nang impisa pa atiing primirung paglua na duun tung sinakepan yang Galilea, pati tung intirung sinakepan mung naang Judea, asta ra ilem simanyan ang taa ra tung siudad ang naa,” mag̱aning.

Mga Binuat-buatan 21:38

Belag̱ana ka pala yang sasang tag̱a Egiptong atiing nagmangulu tan taa tung mga taung namansibatuk tung gubirnu? Ya tiing nagguyud tung epat ang liw̱u nga tauan na duun tung banwang kapas ang pulus mga manigpanaksak?”

Mga Binuat-buatan 3:14

Ta yamu, anday dumang pinangindian mi, ya ra mismu yang naulang tukaw ang yay piliken yang Dios ang magtalus tung tanan ang kalelyag̱an na. Ang pagkatapus yang iningaluk mi tung ni Gubirnadur ang palpasan na, ya ra yang sasang nangimatay ta mga tau.