Taa numanyan atiing panungulami rang tanan tung bukid ang atiang durung ayung pag̱aningen ang olibo, ang yang distinu yamen duun tung siudad ang Jerusalem, may sasang baryung nag̱alengtan yamen ang paggug̱uuyan ang Betpage ang alenget-lenget da tung siudad ang Jerusalem. Numanyan atiing nag̱alengetami ra tung baryung atia, nanuw̱ul da ti Jesus tung mga aruman yamen ang durua nga tauan ang mag̱aning, “Ala, mangayamu ra kanay tung baryung naang tung tukawan ta. Kung kumaw̱utamu ra nganing asan, ya rang lag̱i ay mapanawan mi yang sasang asnung inaen ang yag kekedked ang asan ka tung tepad na yang sinday na. Pamadbaren mi ra kanay ang pangguyuran tani tung yeen.
Lucas 22:39 - Tagbanwa Calamian39 Numanyan paglampud ni Jesus tung balay ang pinagyapunan nira, dayun dang nag̱angay duun tung tinenaran yang bukid ang atiang durung mga ayung pag̱aningen ang olibo. Ay ya ra kang lag̱i ay ug̱ali na kung mga law̱ii. Pati yang mga taung nag̱apangugyatan na, namagpakignunut da ka tung anya. Faic an caibideil |
Lucas 22:39
10 Iomraidhean Croise
Taa numanyan pagpakled ni Jesus tung siudad ang Jerusalem, dayun dang minangay duun tung pagtuuan ang pinakalusu ang nagpakled tung palayas na. Pagpakled na, naneleng-teleng da tung tanan ang pagkarainabu duun. Pagkatapus ta pagpaniid, kumus apun da, dayun dang luminuang nagbalik duun tung Betania, kasiraan da ka tanira yang mga tauan na.
Numanyan atiing duun da tanira na Jesus tung tag̱aytay yang bukid ang atiang durung ayung pag̱aningen ang olibo, ya rag kakarung ti Jesus. Ya rag bandaway nira yang pagtuuan ang atiang pinakalusu ang yag tatalunga duun tung duw̱aling bukid. Numanyan namagpalenget da tung anya na Pedro, na Santiago, na Juan, may ti Andres. Atiing tanira ra ilem ang lima, namagtalimaan da tung anyang mag̱aning, “Ameey, pakdekayami ka kung sanu pa magkamaning da ta maning tiang nainambit mu nungayna? Unu pang pruibaay ang sarang tandaan yamen ang makali rang magkarainabu yang tanan ang atia?”
Sanasan