Lucas 20:34 - Tagbanwa Calamian

³⁴ Mag̱aning ti Jesus ang nagtuw̱al, “Simanyan tung panimpung naa, pagkarasawaan ka man yang mga tau.

Lucas 20:34 Iomraidhean Croise

Mateo 12:32

Kung tinu pay magduminar tung yeen ang pag̱aningen ang Maninga Tau, puiding patawaren pa yang Dios tung kasalanan nang atia kung pagsug̱atan na. Piru kung tinu pay mag̱enged ang magduminar tung Espiritu Santo ang yang pag̱urubraen na ya ray sawayan na, tay tia, indi ra ka enged mapatawad yang Dios tung panimpung naa pati tung panimpung kaw̱utun ang anda enged ang pisan ay katapus-tapusan na.

Lucas 16:8

Numanyan tung pagpakdul na yang mga listaan tung ag̱alen na, naskean da yang ag̱alen na kung unu pay binuat na. Pagkatapus ya rag dayaway na yang kubransadur na rin ang mandaraya, belag̱an natetenged tung pagdarayaen na, kung indi, natetenged ginamit na yang isip na. Kipurki duru ka man agtaku yang mga taung pamagpaguyud tung sistimang pangkaliw̱utan tung pagpakignunut nira tung mga masigkatau nira. Kung isip-isipenu, midyu magdereeg̱en nira ta kataku yang mga taung namampalakted da tung kasadlawan,” ag̱aaning.

Lucas 17:27

Kipurki atii kanay, baliwala ka ilem tung mga isip yang mga tau yang sintinsiang magkakaw̱ut da tung nira. Yang pinadayunan nirang pinabilug̱an ta mga isip nira, ya ka ilem yang mga pag̱urubraen nira tung pangaldaw-kaldaw ang katulad ka tung pagparanganen nira may yang pag̱irinemen nira may yang pagkarasawaen nira may tung pagparakasawaan nira tung mga ana nira. Ya ra ka ilem tii yang inintindi nira ang asta ra ilem kinaw̱ut yang uras ang ipinagsaay na Noe tung parka, ang pagkatapus kuminaw̱ut da yang palempan ang ya ra kay nalmesan nirang tanan.

Lucas 20:33

Ta, ag̱aaninga ka ang yang mga taung nag̱apatay mabui si kang uman. Kung matuud ang yang pitung atiang magpurutul pati yang baw̱ay pabungkarasen yang Dios tung uri, abir, tinu pa w̱asu tung nira ay magnatis ang may kasawa tung baw̱ay ang atia, sindu parariung nangasawa-kasawa ra tanirang pitu tung anya? Abir, kung unu pay matuw̱al mu asan,” ag̱aaning.

Efeso 5:31

Ibaliku ra kanay tung pagkarasawaen yang duruang magkasawa. May sasang bitalang napabtang tung kasulatan ang maning taa yang palaksu na: “Ya ra kay natengeran na ang kung mangasawa ra nganing yang sasang lalii, magpablag da tung ni tatay na may tung ni nanay na ang para magpakiunung da tung kasawa na ang pagkatapus tanirang durua, mag̱ing sa nga tinangunian da ilem,” mag̱aning.

Mga Hebreo 13:4

Igalang ta kang tanan yang pagkarasawaen ta ang talagang durung pisan agkasagradu. Yang pag̱arapenan tang magkarasawa amlig̱an tang indi ra enged mamansaan. Kipurki yang kumbaw̱aynen ubin kunlaliien pati yang kumpurming maglimbung tung kasawa na, ya ray sintinsiaan yang Dios tung kalainan.