Lucas 18:4 - Tagbanwa Calamian

⁴ Nabuay ra yang pagpabalik-balik na, piru indi ra ka enged sinapet yang wis. Numanyan atiing masyadu ra enged yang pagpataw̱ang yang balu, napag̱isip da yang wis. Pinapagkesen-kesen na ra yang isip nang maning taa: ‘Yuu, tung bag̱ay anday pag̱eleru tung Dios, pagpadamelaw ra ilem yang ityuraw tung mga masigkatauu.

Lucas 18:4 Iomraidhean Croise

Lucas 12:17

Simanyan, pag̱akesen-kesen na yang isip nang maning taa: ‘Unu pa kaya ay maayen ang buatenu? Kulang yang pagluug̱anu yang patebas yang kaluakanu,’ ag̱aaning.

Lucas 16:3

Numanyan dayun dang luminampud yang maning kubransadur na rin. Yang mabtangan na ya ray ipinagkesen-kesen na tung isip nang maning taa: ‘Abaa, ya ra ag̱ari w̱asu taa, naang magkuatenaw ra pa man yang ag̱alenu tung pagkakubransaduru? Indiaw ka pa man makayan ang mag̱agsa, makakaeyak kang magpalimusaw.

Lucas 18:2

Mag̱aning yang pananglit na, “Numanyan may sasang wis ang pagtinir duun tung sasang lansangan. Yang wis ang naa, anday pag̱eled na tung Dios ig anda kay panggalang na tung mga masigkatau na, maskin tinu pa.

Lucas 18:3

Numanyan may sasang balung baw̱ay tung lansangan ang atii. Pirming pagpabalik-balik tung wis ang pagpataw̱ang enged ang mag̱aning, ‘Maginuung wis, taawaw si pagdangep tung nuyu, taw̱angay kang dipindiran tung taung atiing panlepes tung yeen,’ ag̱aaning.

Lucas 20:13

Numanyan pagkabalita yang may tanek, napag̱isip da ang mag̱aning tung sadili na, ‘Unu pa kayay maayen ang buatenu? Maayen pa siguru, yang anaung naang nag̱agegmaanu ta duru, ya si ay tuw̱ulunu ang mangay duun. Basi pa ra ilem ang ya ray galangen nira.’

Mga Hebreo 12:9

Dispuis pa pademdeman ta ra kanay yang pagpadakul tung yaten yang sadiling mga tatay ta. Atiing tinadlengita ra nganing nira, ginalang ta ra tanira ta mupia. Purisu mas pang magkabag̱ay rang pisan ang magparanekitang magpatadleng tung Ama tang sam bilug duun tung langit ang ya ray nagpaeyang tung yaten yang ipagpangabui tang baklu. Ay asan da nga tultulay ta yang pagpangabuing uyun tung nag̱auyunan na.