Lucas 16:4 - Tagbanwa Calamian

⁴ Aa, nag̱askeanu ra yang pagpalusutanu. Kung yay magdayun yang planuung naa, maskin paliitenaw ra nganing tung ubraw, may mga tau kang mag̱asikasu tung yeen tung mga pamalay-w̱alay nira,’ mag̱aning.

Lucas 16:4 Iomraidhean Croise

Lucas 16:3

Numanyan dayun dang luminampud yang maning kubransadur na rin. Yang mabtangan na ya ray ipinagkesen-kesen na tung isip nang maning taa: ‘Abaa, ya ra ag̱ari w̱asu taa, naang magkuatenaw ra pa man yang ag̱alenu tung pagkakubransaduru? Indiaw ka pa man makayan ang mag̱agsa, makakaeyak kang magpalimusaw.

Lucas 16:5

Purisu numanyan yang binuat na, yang tanan ang atiang mga agsadur ang may mga paraulikan tung ag̱alen na, luw̱us dang pinampaguuyan nang sasa may sasa ang kinsen. Numanyan yang primirung kuminaw̱ut, tinalimaan na ang, ‘Ta, magkatama ka taa yang paraulikan mu tung ag̱alenu?’

Lucas 16:9

Mag̱aning si ti Jesus tung nirang nagsugpat yang bitala na, “Taa numanyan, may gustuu pang ianing tung numyu. Gamiten mi yang manggad ming pangkaliw̱utan ang itaw̱ang tung mga putul ming pagparakaw̱utun natetenged tung yeen. Ay kung ya ray buaten mi, kung kaw̱utun da nganing yang uras ang anda ray kaministiran mi, yang kumpurming nagkarataw̱angan ming para magkatinir da ka ta kalibrian, duru rag sadya yang mga isip nirang mamagpakigbag̱as tung numyu duun tung sasang pamalay-w̱alay ang ya ray pagnatisan ming tanan ang asta tung sampa.

Santiago 3:15

Kipurki yang pagkamatakung maning tia, belag̱an paeyang yang Dios, kung indi, pangkaliw̱utanen ka ilem ang ya kang lag̱i ay nag̱ausuy yang mga tau ang yang mga kinaisipan nira indi pa nag̱aimaklu yang Espiritu Santo ig ya kay nag̱ipaisip yang mga dimunyu tung nira.