Lucas 15:19 - Tagbanwa Calamian

¹⁹ Indi ra enged magkabag̱ay ang aningenaw pa nuyung ana mu. Maayen pa, ipaklerayaw ra ilem nuyung sasa ra ilem ang ubrirus mu.”’ Atia, ya ray ipinagkesen-kesen na tung isip na.

Lucas 15:19 Iomraidhean Croise

Lucas 15:18

Maayen pa magpanawaw rang mulik duun tung ni tatay. Maning taa yang bitalaenu tung anya, “Ama, nagbuataw ta kasalanan ang durug dakul tung Dios, pati tung nuyu.

Lucas 15:20

Kapurisu numanyan, nagpanaw ra ka man ang minulik duun tung ni tatay na. Numanyan atiing alawid-lawid pa tung baryu, nabandaw ra ni tatay na. Pagkabandaw na, inampayan da ta kaildaw nang duru. Anday duma, ya rag paglaksung pagpakigbag̱as tung ana na, ang pagkatapus ya ra ngalw̱u tung anyang inara-araan ta mupia.

Lucas 5:8

Pagkaita ni Simon Pedro tia, anday dumang binuat na, ya ra ngalw̱u tung tuud ni Jesus ang luminuud ang mag̱aning ang pagbitala, “Ay Ginuu, maayen pang pablag̱a ra ilem taa tung yeen. Indiaw magkabag̱ay tung nuyu, ay yuu telew̱aw ang pisan ta kasalanan,” mag̱aning.

1 Corinto 15:9

Ay yuu ray pinakaaranek ang pisan tung tanan ang mga kaarumananung mga apustul. Indi ra ka rin nganing magkabag̱ay ang aningenaw pang apustul ay natetenged pinagpamarasanu nganing yang mga tumatalig ang naa pala yay mga kinasakpan yang Dios ang matuud.

1 Pedro 5:6

Purisu magparanekamu rang pirmi tung Dios ang yay maktel ang magtaw̱ang tung mga tauan na ig maktel kang magpakigkuntra tung mapinalandawen ug̱ud kung kaw̱utun da nganing yang uras ang itinipu na, ipaabwatamu ra ka anyang padengeg̱an.