Lucas 12:20 - Tagbanwa Calamian

²⁰ Numanyan mag̱aning yang Dios tung anya, ‘Naa pala, anday isip mung pagkatau! Indi mu nag̱askean? Muyang law̱ii, bawienu ra yang kabui mung ipinablesu ra ka ilem tung nuyu. Ta, yang tanan ang atiang pinagluug mu, tinu pa pa w̱asu ay makinaw̱ang?’ ag̱aaning yang Dios tung anya.

Lucas 12:20 Iomraidhean Croise

Lucas 11:40

Midyu baliskad dang pisan yang mga pag̱irisipen mi. Ayw̱a, yang nag̱imu tung sagpaw ang yag dawalay belag ba ang pati yang tung adalem ang indi maita ya kay inimu na? Belag bang dapat ang ya kay intindien ming insapuen?

1 Tesalonica 5:3

Ay magkadengan da tung uras ang ipagkeresen da yang mga tau ang malimeng da unu yang mga pagkarabetangen nira taa tung kaliw̱utan, anda ra ka unung pisan ay ag̱eldan nira. Pagkatapus inaling mataktakan ta sintinsia yang Dios ta ikalain nira. Mamanulad dang pisan tung sasang matung ang pagpasiit da ay indi rang pisan mapalikayan nira yang sintinsiang atia.

1 Timoteo 6:17

Kung natetenged tung mga tumatalig ang mga manggaranen asan, paamanen mu ang indi enged magralamkuen tung mga kaarumanan nira. Indi ka enged panalig̱an nira yang manggad nirang kalpes da ka ilem ang maplek, kung indi, dapat ang anday dumang pag̱ineteg̱an enged yang mga isip nira, ultimu ra ilem yang Dios ang yay durug kasalama. Kumpurming unu pay nag̱abtang tung pudir ta, ya ray ipinakdul na tung yaten ug̱ud asanita ra ka nga sadyaay.

1 Timoteo 6:7

Tutal atiing pag̱ingtau ta taa tung kaliw̱utan ang naa, andang pisan ay ekel ta ig kung manliitita ra nganing, anda ka.

Santiago 4:14

Abaa yang numyung atia, indi mi ilem ngani nag̱asiguru kung unu pay mabtangan mi andamal. Kipurki yang kalayunan ta, maning pa tung sasang ambun ang simanyan yag dawalay ta, ang pagkatapus, buay-w̱uay ilem ta gesye, magpuruwas da ilem.