Lucas 10:13 - Tagbanwa Calamian

¹³ Mag̱aning ti Jesus ang nagsugpat yang bitala na, “Iugtulu tung numyu, tung uri ta kaldaw, kanugun yang mabtangan yang mga taung tag̱a Corasin may yang tag̱a Betsaida. Kipurki kung duunaw ra rin tung Tiro may Sidon napagpalapus ta mga pruibang maktel ang pariu ka tung ipinagpaluaw duun tung mga lansangan nirang atia, siguru nabuay ra ka rin ang nangapanligna tung mga kasalanan nira. Nabuay ra ka rin ang nangapagsuut ta aw̱el ang magig̱ilek ang nangapagrumug ta kaw̱u tung mga tinanguni nira ang para asan da mamagpailala ang tanira pamanligna rang matuud.

Lucas 10:13 Iomraidhean Croise

1 Timoteo 4:2

Yang mga taung atia pagtulduk ta kabuklian ang ya ra ag̱aningay nirang yay kamatuuran. Indi ra maimung magsug̱at tung pag̱abuat nirang atiang kamali natetenged pinamateltelan da kang lag̱i nira yang pagbarasulun tung nira yang mga painu-inu nira ang asta maning pa tung namined da.

Ipinag̱ubligar 11:3

Dispuis may durua nga tauan ang mamagpaingmatuud tung mga tau ang pakdulanu ta katengdanan nirang magpalatay yang bitalaw tung seled san liw̱u may duruang gatus may enem ang puluk ang kaldaw (1,260). Yang suut nira, aw̱el ang magig̱ilek,” ag̱aaning yang Dios tung yeen.