Juan 6:44 - Tagbanwa Calamian

⁴⁴ Anday masarang ang magdangep tung yeen kung indi yang kinaisipan na bekngen da ni Ama ang yay nagpangay tung yeen. Ang pagkatapus, yuu ray magpabungkaras tung taung atia tung uri ta kaldaw.

Juan 6:44 Iomraidhean Croise

Mateo 12:34

Yang kaalimbawaan mi, yamu maning pa tung mga iraw ang madaralit. Ya pa ag̱aring mapagbitalaamu ta matinlu atiang malainamu kang lag̱i? Ay simpri kumpurming unu pay nag̱ipabalay yang sasang tau tung isip na, indi maimu ang indi na ipaluang ibitala.

Mateo 16:17

Mag̱aning ka ti Jesus ang minles, “Simon, ana ni Jonas, teed mu tiag katinlu yang ipinagpabunayag yang Dios tung nuyu! Ay kipurki yang sinambit mung atia, belag̱an tau yang nagpaintindi tung nuyu, kung indi, mismu yang Amaw duun tung langit, ya ray nagpabunayag tung isip mu natetenged tung pagkabetangu kung yuu tinu pa.

Juan 12:32

Ay ta yeen, kung ipaabwataw ra nganing, asan da nga bekngayu yang kinaisipan yang mga taung maskin unu pang nasyunay ang para mampatapnay ra tung yeen,” mag̱aning.

Juan 5:44

Ya pa ag̱aring mapagtalig̱amu tung yeen ang maning da tiang pag̱amaal mi ang yamu magparabantug-bantug̱an? Piru ang yamu bantug̱un yang ultimung Dios ang yay indi mapakdingan, belag̱an ang yay magsikaren mi.

Juan 6:43

Mag̱aning ti Jesus ang nagngel, “Ustu ra tiang pagburutung-butungun mi.

Juan 6:45

Katulad tung isinulat yang sasang manig̱ula atiing tukaw ang may kaldaw unung kaw̱utun ang tanirang tanan pasanag̱an da ta mupia yang Dios mismu. Bilang kung tinu pay magpauyun tung nag̱ipagpasanag ni Ama tung anya natetenged tung yeen, asan da ngabteng yang isip nang para magdangep tung yeen.

Juan 6:65

Simanyan, mag̱aning ti Jesus ang pagsugpat, “Kapurisu, ya ray ipinag̱aningu tung numyu ta nungayna ang anday masarang ang magpalenget tung yeen kung indi paeyangan ni Ama ta ipagtalig nang bug̱us tung yeen,” mag̱aning.

Juan 8:43

Natetenged tung unu pa indi mi nag̱aintindian yang bitalaw? Anday duma, natetenged indiamu malelyag ang mag̱intindi tung yeen.

Filipos 1:29

Ay kipurki belag̱an da ilem ang pinakdulanamu ra anya ta pabur ang pinaeyanganamu ra anya ta ipagtalig mi tung ni Jesu-Cristo, kung indi, may sasa kang pabur bali ang ilinug̱ut na ka tung numyu ang yamu mapasaran ta pinitinsia arangan da ilem tung anyang pag̱akegngan mi.

Colosas 2:12

Yang inubra nang atia tung numyu, yang pisan ay pinananglitan ming nagpabenyag. Ay atiing yamung ipinadalem da tung wai, asan da nga pananglitay mi ang atiing pag̱apatay ni Jesu-Cristo, nagkasira-siraanamu ra kang napatay kag ipinalg̱ud tung leyang. Utru si, atiing yamung binangun da, asan da ka nga pananglitay mi ang atiing pagpabungkaras yang Dios tung anya, nagkasira-siraanamu ra kang binui si kang uman. Nagkamaninganamu ra ta maning tia ay natetenged itinalig mi ra kang lag̱i yang mga sadili mi tung Dios ang talagang kayananamu ra anyang imakluen ang katulad ka tung binuat na tung ni Ginuung Jesus ang tanya pinabungkaras nang pinaliit tung mga minatay.