Juan 21:5 - Tagbanwa Calamian

⁵ Simanyan kinendalanami ra anyang inaning, “Ta, mga mamula, naekelamu ra?” Mag̱aningami kang tuminuw̱al, “Bee, andang pisan!”

Juan 21:5 Iomraidhean Croise

Mateo 14:15

Taa numanyan atiing alenget dang masantek yang kaldaw, yaming nag̱apangugyatan ni Jesus, nagpalengetami ra tung anyang mag̱aning, “Alang-alang da yang uras. Naawita ra tung banwang kapas. Maayen pa pampapanawen mu ra ilem yang mga taung atia tung mga baryung alenget taa ang para mamangalang da ta mapangan nira.”

Marcos 8:7

Dispuis may pira pa ilem ang bilug ang mga ian ang gereg̱esye ang nasepet ka nira ang ya si kay pinasalamatan na tung Dios. Pagkatapus itinuw̱ul na ra ka dayun tung mga tauan nang ipamparawat-dawat da ka nira tung mga tau.

Filipos 4:19

Dispuis pa, yang Dios ang naang pagpaturuw̱ulunanu, inding pisan maluw̱us-luw̱usan ta itaw̱ang na tung yaten, maskin unu pay kaministiran ta. Purisu nag̱askeanung yay mag̱asikasu tung tanan ang mga kaministiran mi ang anday kulang natetenged ilem tung pagpakugmatay ni Jesu-Cristo para tung yaten ang asan da ag̱ipatielay na yang pag̱arasikasuen na tung yaten.

Mga Hebreo 13:5

Dispuis yang pagpangabui ta, amanan ta ang indi malaktan ta pag̱amluk ta tung kuarta, kung indi, kumpurmi ra ilem yang nag̱aprusigiran ta asanita ra ilem nga kuntintu. Kipurki yang Dios mismu nagpangaku tung yaten ang mag̱aning, “Indiamu ra ka enged paw̱ayaanung ipaalang-alang,” mag̱aning.

1 Juan 2:13

Napagsulataw ra tung numyung pagteg̱asan da tung pagtaralig̱en mi ang maning pa tung mga amaen ay kipurki nag̱askeanu ra ang pinaeyanganamu ra ta kaampiran mi tung ni Jesu-Cristo ang atiing anda pay naimu, asan da kang lag̱i. Napagsulataw ra tung numyung durug derep ang katulad ka tung mga sultirus ang pagsinupang da ay kipurki nag̱askeanu ra ang nadeeg̱an mi ra ti Satanas ang durug kalain yang intinsiun na tung numyu.

1 Juan 2:18

Yamung magkaw̱ig̱enung mga anaw, kung isip-isipenu, midyu tung alenget da yang pagtapusan yang panimpung naa. Nagngel mi ra ka ang tung uri may sasang taung maglua ang yay magpakigkuntra tung ni Ginuung Jesu-Cristo. Ang pagkatapus numanyan ang mga panguras ang naa, dakele rang mga palatkaw nang pamaglua. Purisu asan da nga pamalaray ta ang alenget da yang pagtapusan yang panimpung naa.