Juan 20:30 - Tagbanwa Calamian

³⁰ Dakele pang mga pruibang makabew̱ereng ang nagkarabuat ni Jesus ang nagkaraita yamen ang pinangugyatan na ang pagkatapus indi ra isinulatu tung librung atia.

Juan 20:30 Iomraidhean Croise

Juan 2:11

Yang binuat ni Jesus ang atia tung Cana duun tung sinakepan yang Galilea, yay primirung pisan ang pruibang makabew̱ereng ang binuat na. Ya ray nagpailala yang kagaeman na tung yamen ang nag̱apangugyatan na. Purisu asan da mas pang nagbaked yang pagtaralig̱en yamen tung anya.

Juan 21:25

Tung bag̱ay dakele pa ka rin ang mga pruibang makabew̱ereng ang nagkarabuat ni Jesus ang indi ra ka man isinulatu. Ay sipurki kung alimbawa sulipetenu pang sasa may sasa, siguru, maskin yang bilug ang kaliw̱utan, kulang ang pabtangan tung mga librung magkarasulatu.

Juan 6:2

Pagkaw̱ut na, buntun yang mga taung namagpakignunut da tung anya, natetenged naita ra nira yang mga pruibang ipinagpalapus nang nagpamaayen tung mga taung pamaglaru.

Roma 15:4

Nag̱asambitu tia ay natetenged kumpurming unu pay isinulat tung kasulatan atiing tukaw, ipinabtang da nganing asan ug̱ud ta yaten ang nag̱alayun simanyan, ya ray mapangayapan ta ta ipagpaktel ta tung mga isip tang mag̱agwanta tung mga kaliwag̱an ang asanita ra ka ngaeyangay ta kinaisipan tang matenten ang pagpakisew̱at tung tanan ang pinangakuan yang Dios tung kumpurming mga tauan na.

1 Corinto 10:11

Taa numanyan yang mga bag̱ay ang atiang nagkarainabu tung nira atii kanay, pulus pangkelan ta ta basian. Ipinagpasulat nganing yang Dios ug̱ud ta yaten ang lug̱ud da tung panguring panimpu, ya ray pag̱isipan tang pangamanan ang para indiita ra mausuy tung nirang magbuat ka ta makalalain ta isip yang Dios.

1 Juan 5:13

Yang mga bag̱ay ang atia, isinulatu ra tung numyung kumpurming pagtalig tung pag̱aningen ang Ana Yang Dios ug̱ud asan da nga siguruay mi ang naeyanganamu ra ka man ta ipagpangabui ming baklu ang anday pagtapusan na.