Juan 19:14 - Tagbanwa Calamian

¹⁴ Taa numanyan yang kaldaw ang atii, ya ra kay nag̱ipagsimpan yamen ang mga Judio tung pista yamen ang atiang pag̱aningen ang Taklib. Yang uras kereng da yang kaldaw. Numanyan, mag̱aning si ti Pilato tung mga pamagpakigmaepet, “Uay, nani ra yang adi mi!” mag̱aning.

Juan 19:14 Iomraidhean Croise

Mateo 27:45

Taa numanyan atiing pagkereng da yang kaldaw, nangiklep da yang intirung banwang atii. Baklu ngaulikay yang sadlaw na ang mga pag̱alas tris da yang apun.

Mateo 27:62

Numanyan pagkapangayag ang ya ra ka yang kaldaw ang nag̱ipamaenay tang mga Judio, naang mga paring arabubwat ta katengdanan pati naang mga Pariseo, ya ray namagpakigkesen tung ni Gubirnadur Pilato. Mag̱aning tung anya, “Maginuung Gubirnadur, nag̱ademdeman yamen ang atiing bui pa yang mandarayang atia, may sasang ibinitala na ang tanya unu mabui si kang uman tung yaklung kaldaw.

Marcos 15:25

Yang uras ang ipinaglansang nira tung anya mga alas nuibing timpranu.

Marcos 15:42

Taa numanyan, atiing apun da yang kaliw̱utan, kinaw̱ut da yang uras ang dapat ipagtapus yang mga tau tung tanan ang mga pag̱urubraen nira ang para simpan da tanira tung pagkaw̱ut yang uras ang ipamaenay nira ang ya ray mag̱impisa tung pagkasantek yang kaldaw. Purisu may sasang tau ang tung makali nag̱ulag dang minangay duun tung ni Gubirnadur Pilato. Yang taung atia nag̱aranan tung ni Jose ig tag̱a Arimatea. Duru kang lag̱ing pagpakbat na tung uras ang ipagpalapus yang Dios yang paggaraemen nang magbawi tung nasyun nira. Maskin sasang pagpakigmaepet ang pag̱agalang ka pa man ta mupia yang mga kaarumanan nang mga pamagpakigmaepet tung banwa, pinaiseg na ra ka enged yang isip na ang asta nagpalangaas da ilem ang nag̱ingaluk tung ni Gubirnadur kung maimung itug̱ut na tung anya yang tinanguni ni Jesus ang para kaldaw pa mapalg̱ud dang lag̱i duun tung leyang.

Lucas 23:44

Numanyan atiing pagkereng da yang kaldaw, nangiklep da yang intirung banwang atii. Baklu ra ngaulikay yang sadlaw na ang mga pag̱alas tris da yang apun.

Lucas 23:54

Yang uras dang atii nagkatuun da tung uras ang dapat ang ipagtapus yang mga tau tung tanan ang pag̱urubraen nira ang para simpan da tanira tung pagkaw̱ut yang uras ang nag̱ipamaenay nira ang ya rang ya rang mag̱impisa tung pagkasantek yang kaldaw.

Juan 19:3

Pagkatapus siging pagpalenget nira tung anyang pagsaludu-saludung intrimis ang ya ra ag̱aningay nirang, “Yawang Adi yang mga Judio, basi pa ilem ang malawig da yang kabui mu!” mag̱aning. Tung pagpalenget nirang atia tung anya, muya-muyang dinapalan nira.

Juan 19:42

Kapurisu duun da ilem ituw̱ulay nira ang ipalg̱ud da yang tinanguni ni Jesus natetenged yay alenget. Yadwa pa, yang uras ang atii dapat ang ipagtapus nira tung tanan ang pag̱urubraen nira ang para simpan da tanira tung pagkaw̱ut yang uras ang nag̱ipamaenay yamen ang mga Judio ang ya rang ya rang mag̱impisa tung pagkasantek yang kaldaw.

Juan 19:5

Pagkatapus dayun na ra kang ipinalua ti Jesus ang yag susuklub tung kulu na yang binakurung nirang atiang kalarangan ang midyu tung kuruna ig ya kag susuutay na yang aw̱el ang atiang tapel. Mag̱aning ti Pilato tung mga tau, “Uay, telengan mi w̱a yang taung naang pag̱aningen ming sasang ribildi!”