Juan 1:42 - Tagbanwa Calamian

⁴² Pagkatapus, dayun na rang ingkelan ti manung na tung ni Jesus. Numanyan, tung pagpamalad ni Jesus tung anya, dayun na rang inaning ang, “Yawa ti Simon ang ana ni Juan. Piru simanyan, papuanggaana ra yeen tung ni Cefas,” mag̱aning. (Kung ilakted tung bitalang Giniriego, yang papuangga nang atia ti Pedro).

Juan 1:42 Iomraidhean Croise

Mateo 10:2

Ya ra taa yang mga aran yamen ang mga taralig̱an ni Jesus ang sam puluk may durua bilang mga apustul na. Yang pagmangulu-mangulu tung yamen ang tanan ti Simon ang pinapuanggaan tung ni Pedro. Yang aruman na tung pagliliw̱utun yang ari nang ti Andres. Yang magdasun ti Santiagong durua kang mag̱ari ni Juan ang yay mga ana ni Zebedeo.

Marcos 3:16

Sam puluk may durua nga tauan ang pinamilik na ang ya ra taa yang mga aran nira. Ti Simon ang ya ray pinapuanggaan na tung ni Pedro.

Lucas 5:8

Pagkaita ni Simon Pedro tia, anday dumang binuat na, ya ra ngalw̱u tung tuud ni Jesus ang luminuud ang mag̱aning ang pagbitala, “Ay Ginuu, maayen pang pablag̱a ra ilem taa tung yeen. Indiaw magkabag̱ay tung nuyu, ay yuu telew̱aw ang pisan ta kasalanan,” mag̱aning.

Lucas 6:14

Ya taa yang mga aran nirang pinagpilik na. Ti Simon ang yay pinapuanggaan na tung ni Pedro, ti Andres ang ari ni Pedro, ti Santiago, ti Juan, ti Felipe, ti Bartolome,

Juan 13:18

Yang nag̱ipag̱aningung atia belag̱an ang mag̱aning ang yamung tanan ay nag̱adapatan na. Ay sasa may sasa tung numyung pinamiliku, nag̱aintindianu ra kang lag̱i kung unu pang sistimaay ta tau. Ug̱aring nagkamaning ilem tia yang pagpiliku tung numyu sasa may sasa ay ug̱ud asan da magkamatuud yang sasang napabtang tung kasulatan ang mag̱aning, ‘May sasang ungkuyung nagsaruanami pa ka man ang pagkatapus ya pa kay magtraidur tung yeen.’

Juan 21:2

Yami duun tung uras ang atii, ya ra taa ti Simon Pedro, ti Tomas ang atiang kaisan nag̱aguuyan yamen tung ni Kampi, ti Natanael ang atiang tag̱a Cana ang ya kag lulg̱ud tung sinakepan yang Galilea, yami pang duruang mag̱ari ang mga ana ni Zebedeo, asta yang mga kaarumanan pa yamen ang durua nga tauan.

Juan 4:16

Mag̱aning ka ti Jesus ang nagtimales, “Ala, mulika ra. Guuyan mu ra kanay yang kasawa mu ang pagkatapus magbalikamu ra ka taa.”

1 Corinto 1:12

Yang gustuung ianing tia ay katulad tung duma unu asan ang pamansianing ang tanira unu mga tauanu. Yang duma unu pamansianing ka ang tanira unu mga tauan ni Apolos. Yang duma unu pamansianing ka ang tanira unu mga tauan ni Pedro. Asta yang duma unu pamansianing ka ang tanira ilem unu ay ultimung mga tauan ni Jesu-Cristo.

1 Corinto 15:5

Pagbungkaras na, nagpaita ra tung ni Pedro, magdasun tung grupung pag̱aningen ang Sam Puluk May Durua NGa Tauan.

1 Corinto 9:5

Kung alimbawa, may kasawaw ka rin bilang sasang putulu tung ni Ginuu ta, belag bang may rasunung panuntunu duruami rang magpasuitu ang katulad ka tung pag̱abuat yang kadaklan ang mga apustul may yang mga putul ni Ginuu ta pati nganing ti Pedro?

Galacia 1:18

Pagkataklib yang tulung takun, bakluaw ra nagsablay-sablay ang nanungul-tungul duun tung Jerusalem ug̱ud magpailalaw ra tung ni Pedro. Durua ka ilem ang linggu yang panlumunanu duun tung anya.

Galacia 2:11

Taa numanyan atiing pagbalik yamen duun tung Antioquia, ti Pedro minangay ra ka duun. May mininsang pinarangkaung sinambeng natetenged may kamaling pag̱abuat na.

Galacia 2:9

Kapurisu pagkasiman yang mga putul tang atia ang yuu nag̱apaktelaw ka man yang Dios natetenged tung pagkaapustulu, kinumustaami ra ilem nira ni Bernabe ang kinaw̱ig ang san tuug̱ami ra ilem. Anday dumang namangumusta tung yamen ya ra ti Santiago, ti Pedro, may ti Juan ang ya ra ka man taang pag̱atelengan ta abwat yang pamagturuldukun da asan tung numyung atiang baklu ang ya ra nganing ag̱aningay nirang ultimu ilem tanira yang pamagmangulu tung tanan ang mga kaputulan. Yang pinag̱irig̱uan yamen tung uras ang atii ang yang pabilug̱an enged yamen ni Bernabe, ya ra yang pagparakaw̱utun yamen tung maning tung numyung mga tag̱a duma-rumang nasyun ig yang pabilug̱an enged nira ya ra yang pagparakaw̱utun nira tung mga masigkanasyun yamen ang mga Judio.