Filemon 1:6 - Tagbanwa Calamian

⁶ Yang nag̱ipag̱ampuu para tung nuyu, putulu, ang ekel tung pagpadayun mu tung pagtaralig̱en mu tung ni Ginuung Jesus ig ekel ka tung pagkamalamad mu tung tanan ang kaayenan ang ipinakdul yang Dios tung yaten ang mga tumatalig, mas pang paderepan mu yang pagpakignunut mu tung tanan ang mga taung binuat da ka yang Dios ang mga tauan na ug̱ud yay ikadengeg ni Jesu-Cristo.

Filemon 1:6 Iomraidhean Croise

Mateo 25:16

Numanyan yang turuw̱ulun ang atiang piniaran na ta limang liw̱u, antimanung ingkelan na yang kuartang atiang ipinapanaw tung nigusyu. Yang pinakaw̱ut na, nag̱umintu ra ta lima pa ka enged ang liw̱u.

Mateo 5:16

Purisu ta yamu, maning pa tung pasig̱aaken mi ra ta mupia yang mga kaas mi ug̱ud kung maita ra nganing yang mga masigkatau mi yang pagburuaten ming matitinlu, ya ray dayawen nira tung Ama mi duun tung langit.

1 Corinto 14:25

Kung unu pay nag̱atipig̱an na, malw̱awan da. Unaw̱is magpadagpa ra ilem ang magsuku tung Dios ang nunut da ka ta pagdiklara na ang mag̱aning, “Talagang yang Dios asan da ka man agpagpakigsasa tung numyu!” ag̱aaning.

1 Corinto 16:9

Ay yang nag̱ipagpadayunu pa kanay tani, pinakdulanaw ra ni Ginuu ta ta lugarung durug tinlu ang para magparakaw̱utunaw ra yang Matinlung Balita tani, ang kung prusigiranu, puiding may pakaw̱utun nang durug tinlu. Yadwa pa duru kang pamagkuntra tani tung bitalang naang nag̱ipagpakaw̱utu.

Filipos 4:8

Mga putulu, nani pa yang sam bilug ang nag̱aeped ang gustuu pang sambiten tung numyu. Kaministiran ang yang pabilug̱an enged ta mga isip ming pirmi ya ra taa: kung unu pay talagang matuud, kung unu pay magkatama ang anday mansa-mansa nang malain, kung unu pay talagang matinlu ig nag̱auyunan ta kadaklan pati yang Dios, kung unu pay makasasadya ta isip ang talagang maayen ka man, kung unu pay may pagkatinlu nang landaw, ig kung unu pay magkabag̱ay ang dayawen, yang mga maning tia ya ray ipabalay mi tung mga isip mi.

Colosas 1:9

Purisu ya ray natengeran na ang ta yami tani, mag̱impisa pa atiing primirung pagkabalita yamen, muya-muyaamu ra ilem ang nag̱ipag̱ampu yamen tung Ampuan ta. Yang nag̱aingaluk yamen tung anya ang pasanag̱anamu ra anya ta maayen ug̱ud maintindian mi kung unu pay gustu nang yay buaten mi. Bilang pawayangen na ta mupia yang mga kinaisipan mi ang nunut da ka ta pagpatarem na ang para magmaskeamu rang magdeep kung yang nag̱itulduk tung numyu talagang uyun tung kamatuuran u kung belag.

Colosas 3:10

Kag yadwa pa, pinaeyanganamu ra ka ta pagkatau ming baklu ang ya ray ag̱imakluen dang ag̱imakluen yang Dios ug̱ud mas pang mag̱atuamu rang mag̱atu tung anyang nagpaeyang. Yang katuyuan na tia ay ug̱ud mas pang magtinlu rang magtinlu yang kaampiran mi tung anya.

Tito 3:14

Dispuis pa yang mga kaputulan ta asan, kaministiran kang aralan da ka nira kung ya pa ag̱aring magprusigir tung pagburuaten nira ta ikaayen yang duma ang talagang kaministiran enged ang taw̱angan ug̱ud indi ra magluang inutil.

Mga Hebreo 6:10

Ay yang Dios tanya, kumus pulus tung matadleng yang nag̱abuat na, talagang indi na ra ka enged paglipatan yang bedlay ming nanirbian tung anya nuntaa may yang gegmang ipinaita mi tung anya atiing pagtaraw̱angen mi tung mga kaarumanan ming mga tumatalig ang asta ra ilem simanyan ya ra kay nag̱apadayunan mi.

Santiago 2:14

Mga putulu, unu pay pulut na kung may sasang taung pag̱aning ang tanya unu pagtalig ka tung ni Ginuung Jesus ang pagkatapus anday pruibang maita tung mga ubra-ubra na? Kung maning ka ilem tia yang kantidad yang pagtaralig̱en na, maimu w̱asung asan da natapnay yang Dios?

Santiago 2:17

Maning kang pisan tia yang pagtaralig̱en yang sasang tau ang pagkatapus indi na ra ka nag̱apanuntan ta pag̱urubraen. Anday duma, yang pagtaralig̱en ang maning tia ya ra yang pag̱aningen ang pagtaralig̱en ang patay.

1 Pedro 2:12

Kaministiran ang pirmi tung matinlu yang mga ug̱ali mi tung pagterelengen yang mga kaarumanan ming indi pa nag̱atultul tung ni Ginuu ta. Ya ray prusigiran mi ug̱ud maskin bangdananamu nirang malalain ang mga tau, kung maita ra nganing nira yang mga pagburuaten ming mga matitinlu, ya ray ipagdayaw nira tung Dios kung uras dang magbalik taa tung kaliw̱utan.

1 Pedro 3:1

Ta yamung mga baw̱ay, katulad ka tung nag̱aingaluku nungayna, kaministiran magparanekamu kang pirmi tung mga kasawa mi. Ya ray dapat ang buaten mi ug̱ud maskin yang duma tung nira pagpakuindi ka man tung Matinlung Balita, maskin indi mi tag̱aman ang paintindien, asan da ilem tung mga ug̱ali ming matitinlu manlatay yang mga isip nira ang asta mananged da ka enged ang magtalig.

1 Pedro 3:16

Ug̱aring ilem, kung tumuw̱alamu ra nganing tung nira, kaministiran ang eklan mi tung pulus luay-luay ilem ang pagturuw̱alen ang may pagkaamumu mi ang indiamu ra ka maplekan ta ipanggalang mi ta mupia tung pagtalimaan. Dapat kang anday malain ang ipag̱imasul tung numyu yang mga painu-inu mi ug̱ud kung ay pa tiing agsawayenamu ta duma, duun da ka maeyak yang pagsaway kung maita na ra nganing yang mga pagburuaten ming matitinlu ang ya ray nag̱abuat mi natetenged tung pagkarapulitan mi ni Jesu-Cristo.

2 Pedro 1:8

Kipurki kung ita may mga ug̱ali tang mga maning tia ig kung ya rag deregte agderegte, indiita ra magluang inutil ang andang pisan ay luluaan nang matinlu yang pagkarapulitan tang naa ni Jesu-Cristo.