Iosuaa 5:4 - Qaraaka uva tivatora

^4-6 Haaru Isipini vau entara Isareri vika ekaa vaiintive, vika maaquvarave, vaata toqakoka vaura. Ho vika Isipi mini ke 40 ihiara aahara vataini vi ani vau entara, qorainti vainti mini vatatoka kia vaata toqa nimitora. Vika Isipiqihai anu entara 40 ihi aitaromanta ho iqoka raqi vaiintika aahara vataini variqi vivi, Nora Kotira uva raqakora kaara mini ekaa qutu vura. Tota Noravano Kotiva nai kauqu aiqiqaa aqukero vikara tiharo, Ne ti uva raqakaara kaara, te ni kaivaqaukavarara tiha, Te karavano koqema kero qampiqaaina vatara ni Isareri nimirerave tuna uvava kiama niqi varianarove, tura.

Iosuaa 5:4 Iomraidhean Croise

Kaarantura 14:22

Maa vaiinti nahentikaqihairo kia voqavanovata te ni nimirera iaina vataraqaa vuanarove. Maa vaiinti nahentika Isipinivata qumina vatainivata vaiha, ti takuqi vai okararavata taveha, te nora kaiqa, vo kaiqa vo kaiqa varaunaravata tavaarave. Vika tavehavata, airi tataa ti uva raqakeha kia ti uva avate variarave.

1 Korinti 10:5

Kotiva tinavu kaivaqaukavaraqaa mintiakero koqemakero ekaa vikaqaa raqikiqiro vumanta ekaa vika vira uvaqai iriataara vaumanta vika airitahaa qaqirake vira uva raqa kovaro vira kaara Kotiva kia vika quahama nimitomanta vika qutu vuvaro vika vaatavano qumina vataini raumpirimavi vaura.

Iosuaa 5:3

Minti tuvaro Noravano Kotiva tunte iro Iosuaava ori vaihaira vara komanta ekaa Isareri qorainti vika nái vaata toqa kora. Vika vi vatara autu nteha, Gibeati-Haaraloti – Vaata Toqakaa Aiqinarave, tura.