Iosuaa 3:16 - Qaraaka uva tivatora

¹⁶ aruvuhairo tuvi vau namariva kia tuvitare viraitiro, kumpetaqiro viharo Saretaani vatuka tataaqa vau vatukara Adaamuni vaavi araviro vaura. Aruvuhainaava mintuvaro aateraini vitare vi vauva kia Qutuvi-Varuvava vaunaini oru viraitiro, aaharaiqama vura. Ieriko vatukavano vurunto vaumanta vaiinti nahenti Iotani Namari aahara vau taqa vare hini mantaraini oru vaura.

Iosuaa 3:16 Iomraidhean Croise

Okara 14:3

Avuhainauka 5navu nái iqoka vaiinti ntita vare Sidimi Uqitakanta ruvaaqumavi vaiha vaqa ntiha vaura. (Maa entara Qutu vi Varuvava minima vairo.)

1 King 4:12

Banaava – viva Ahilutira maaquvano vaiharo Tanaki vatukave, Megido vatukave, vitantaqaa raqikiharo, Beti-Sani vatukavano vau vataraqaavata raqiki vaura. Vi vatava Saretaani vatuka aumanto vauvaro Jeseriri vatukavano sauti mantaraini vaura. Vi vatava viviro, Abeli-Mehola vatukavanovata, Jokimeamu vatukavanovata vaunaini vuru taiqora.

1 King 7:46

Avuhainaa vaiintivano tuvaro Huraamuva Iotani Uqitaini vi haikara vi haikara autireva vi kaiqara varora. Sukoti vatuka hini vauvaro Saretaani vatuka hini vauvaro tavaarana aaqatai vata koqeva vauvaro Huraamuva vi haikara maraqura aaqatai vataqi autukero, ˻viraqaahairo viva baraasi ori ravitavura aaqatai vataqi qihia kovaro baraasivano aaqatai aututora viraqi vaiharo kempukaiqama viro maraqura aututova qovarama vura.˼

IHI (Psalms — Buk Song) 114:3

˻Ho Isareri vika Isipi ke vuavaro˼ Naare Namarivano vika tavero qetakero vivaro Iotani Namarivanovata kia tuviraitiro, tuvurantero vira.

IHI (Psalms — Buk Song) 114:5

Naare Namarivauvo, vi entara nana haikavano qovaraiqivarae are qetakera vuanarave? Iotani Namarivauvo, nantivarae are kia tuviraitira, tuvurantera vuanarave?

IHI (Psalms — Buk Song) 29:10

Noravano Kotiva nai avuhainaa taintaqaa oquviro vaiharo nora namariqaa raqiki vairave. Noravano Kotiva Avuhainaava ekaa enta ekaa enta raqikiqiro vuanarove.

IHI (Psalms — Buk Song) 33:7

Taqu vohaiqaqi namari kaqa kaintema kero, Noravano Kotiva nora namari vohaanaini ruvaaquma kero vataira. Vaiintivano kara vatai naavuraqi kara qantukero vataintema kero, Noravano nora namari vona vona ruvaaqumakero vataira.

IHI (Psalms — Buk Song) 66:6

Viva tinavu kaivaqaukavara nora namari aaharaiqama nimitaimanta vika aahara vatavau taqa vare hini mantaraini vuarave. Kaiqenavu virara irihama tenavu quahaqi viha, vira quahama amitaare.

IHI (Psalms — Buk Song) 74:15

Arema vata qantua kaararo viraqihairo aruvu namarivano qovaramaviro tuvi vaira. Arema namari tuvi vaira vo namari vo namari aaharaiqama kaanara.

IHI (Psalms — Buk Song) 77:19

Are ni variana aarava nora namariqi vaivaro kia vaiinti vovanovata are aiqu ntavataanara tavaira.

IHI (Psalms — Buk Song) 78:13

Kotiva Naare Namari rairakero tinavu kaivaqaukavara ntita varero vuru hini mantaraini kaira. Viva vika ntitero vi vaivaro namarivano hini hini vaaviarama viro, vaantaavura voqaara vaira.

Katu Varora 14:21

Ho Mosiva nai kauqu tutukero nora namariqaa aave vatovaro entaqi Noravano Kotiva tuvaro uvaivano noraiqaakero utiharo namari venta ventamaqiro vuvaro aahara vatavano qovarama viro vauvaro namarivano rairaviro hini hini vaumanta

Katu Varora 14:22

Isareri vika namari avutana aahara vata vaura vura. Namarivano hini hini vaavi vauvaro avutantuna aahara vata vauraqaa vika oritare vura.

Katu Varora 14:29

Isareri vikaqai qaqi aahara vatavaura vi vauvaro namarivano hini hini vaavi araviro vaumanta vika qaqi vitare vura.

Katu Varora 15:8

Are nena aiho vuaqa kaararo nora namarivano hini hini vaavi araviro vairave. Vaantaavuravano vaavi vaintema kero, namarivano vaavi vairave. Nora namari veva muntukaraqi vai vatava aaharaiqama viro kempukaiqama viro vairave.

Kaarantura 34:3

Noravano Kotiva Mosira nora vata, Iutaa uqitaini vau vatara sautini vaura umiqero, airi deti katari vau vatukara Ierikovata qumiqero, viraqaahairo hini sauti mantaraini Soaa vatukavata umiqora.

Iosuaa 3:13

Noravano Kotiva ekaa maa vataraqaa raqiki vaira Vokise, vira kaiqa vara amite variaka vira aqu vare ni nivuni Iotani Namariqi otunte, vika nái aiqu namariqi ntava taivaro namarivano kia tuvitare viraitiro, kumpetaqiro viharo vaaviarama viro varianarove, tiro.

Iosuaa 4:22

vika mintima tivarave: Haaru ekaa Isareri vaiinti nahenti Iotani Namari aaharaiqama vuraqaa taqa vare vu entarara irihama maa orinavura vaavi aratorave, tivarave.

Iosuaa 5:1

Amo vatanaa avuhainauka Iotani Namari hini mantaraini kuari avu ruhunkinaini vaukave, Kenaani avuhainauka Meditarenia Namari auvahini vaukave, vikavata iruvaro Noravano Kotiva Isareri namari ho taqa vare vuate tiro, Iotani Namari aaharaiqama nimitora. Vika vi uvara iruvaro voqama kero naatu itomanta vika iqoka raqi kempukava kia vaumanta vaura.

Qiata Vaiintinavu 7:22

Gideonira iqoka vaiinti 300navu nái aanumaara/noma vuaqe vauvaro Noravano Kotiva vika navutaaka avu aato hampiqama komanta vika nái paipeqohai nai ari nai ari i vaura. Vika mintiaqi viha kantamaqi vivi, Saretaani vatuka tataaqa Beti-Sitaini vi, vihai Tabaati tataaqa Abeli-Mehola vatukaini oruntora.