Iburu 4:9 - Mi Namani Tino

⁹ Io, mi Rangi Minaes a ngas mon, mi minaes nian mi kuoluon e Raban.

Iburu 4:9 Iomraidhean Croise

Mataio 1:21

Eie ta kava ka madar tamat, ma e ta ngas vuotongie ngan e Iesu, simi vunan eie ta vatoa ken kulou si kegi sar sinavei tsokor.”

Tito 2:14

A nga terie eie kesen surie giet nia vara ketseketseng nge giet sibu suada sinavei rong tsak sibu vinuor, ma nia vara melemelen nge giet va giet ta mang tsorubeit mi kuoluon tuktuk ese gi ta lalaron beitsak nia tsana mi kienelei.

Iburu 11:25

A nga lalaron va ta nga sorokie mi putu meie ken kulou e Raban, ma a kap nga tino ngan mi nires ta kuvu simi sinavei tsokor ian ta kap mon potaram.

Iburu 3:11

Io, o nga aor rarap nge tsana kong vakavakariem va, ‘Gi ta kap ba buer oit nia rubukien si kong minaes.’”

Iburu 4:1

Io, surie ken kinubuits e Raban va giet ta rubukien si ken minaes, a ngas mon malan, nga ta ngas nenei kalei va ka mei senga ta kap mang kor sorvekenan.

Iburu 4:10

Eie ese ta rubukien nge suvuon mi minaes meie e Raban, ta maes rivie ken sar tsientsang kesen malan e Raban ta nga maes rivie ken tsientsang.

Iburu 4:3

Surie giet te nga vodovodon tuktuk, giet te nga rubukien si ken minaes malan mo e Raban ta nga pevien, “O nga vakavakariem sien o ta nga aor rarap, ‘Gi ta kap rubukien si kong minaes.’” A nga pevien ne, misasien a te nga tsang vaton ken tsientsang sien ta nga vogosongie mi mangmagoso enaenamon.

Iburu 4:8

Sien va e Iosua a te nga teir minaes segie, va e Raban a kap nga vakokoit surie ka ra mene te buer.

1 Petro 2:10

Vourvour, kap va enga mi kuoluon e Raban, eiekesen, ine, nga te me tsorubeit mi kuoluon. Vourvour, nga kap nga suvuon ken aor molous, eiekesen, ine, nga te me suvuon ken aor molous.

Puek Vasangan 14:13

Ma samo, o nga rongomie mi ien kuvu simi rangit, “Vavataor malan ine, ‘Mi nires leong segie ese gi ta maet simi vunan gi tsok simi Nguts vakaek ine simi ra ma sibu ra vevemuir.’” Mi Moromoruo a nga pevien, “Io, gi ta maes si kegi tsientsang ngeisngeis, simi vunan bu vuovuan kegi sar tsientsang ta so nomeie gie.”

Puek Vasangan 21:4

Eie ta dou vopura bu dunutina kokouk sibu matagie. Ma ta kap ba buer ka miensei, ka masitinoiv, ka tina, o, ka vinavasor, simi vunan bu kepineits kebeir gi te voto rovoriu.”