Rom 8:2 - Takia

² Man dugo, id tamolpein Jesus Kristus da tumado den kubiaeŋ foun en paen na tumado da. Kubiaeŋ en man kumaen san Ur igane ya. Aria, kubiaeŋ en id aupasek mateŋ da sad kubiaeŋ lo isubanad an kuai fo idirad tilasa ya.

Rom 8:2 Iomraidhean Croise

Jon 4:10

Jesus pein an ru naon irupeig ibol, “Oŋ talpein e, ‘you panag ŋaluk’ ago ibol an, agod Anut san lou panek an dam uloŋ uyan ak man, oŋ iŋ sumiani dop, you kumaen san an ipanop uluk a.”

Jon 4:14

Gug ta iŋ you a ŋai ŋupani wan iluk tap, iŋ afon you o ta imat na wa. Rumok, you a ŋai ŋupani wan, iŋ ilon lo pempem ibanai ilasa dop, kumaen pempem yen san ipani wa.”

Jon 6:63

Urgun mi iŋ tamol kumaen ipani da, tinid man iŋ kitek ibinawad san tia ya. Ru e ŋai ŋurupaiaŋ den, iŋ ur agod iŋ kumaen a.

Jon 8:32

Agop aŋ ru rumok an aloŋ a. An lo ru rumok san dabai lo aŋ urat bigabeg igo woŋ amado san tia ya.”

Jon 8:36

Ago yak niŋen o Nanuk iŋ aupasek san dabai aŋ ibiaŋ adu dan tuon lo ipasaŋ tap, aŋ bigabeg adi igo woŋ ta amado na wa, tia, nanuk mok igo woŋ ator a.

Rom 16:3

Akwila iwon Prisila da ilo uyan ŋupidinai, iŋ ŋai dibinawag go Jesus Kristus san urat migane ya.

Rom 3:27

Dugo, id an lo ka sed ipitianad ak i? Kagin naok ago man fun tia ya. Ata wo? Id Moses san kubiaeŋ kagin tupani dak lo yak i? Tia geig a. Id Jesus niŋen o ilod lo rumok da, nek fun an mi a.

Rom 5:21

Ago man, nek ibol aupasek itirnad go mateŋ igane ilasa yak igo woŋ, gamu id Anut malan lo itaot tumado dan lo, iŋsan ilo muŋanek ibuluwad pe itirnad dop kumaen yen yau san an idsad Tubun ak Jesus Kristus lo tiŋane wa.

Rom 6:14

Aŋ kubiaeŋ paen na ta amado na da, tia, aŋ ilo muŋanek paen na amado da. An lo afon aupasek aŋsam titianek tamol ta imado na wa.

Rom 6:18

Agod aŋ aupasek lo Kristus iŋiliaŋ go kuai te idiraŋ a. An lo aŋ kagin itaot agane san bigabeg adi alasa ya.

Rom 6:22

Gug gamu Kristus aŋ aupasek lo ipasaŋ go Anut san bigabeg alasa ya. An san nuŋon man iŋ aŋ gun idiraŋ alasa ya. Agod an san nuŋon man kumaen pempem yen san mi a.

Rom 7:21

An lo ŋai tinig ilon lo kubiaeŋ en ŋile ŋaloŋ da, saen ŋai mel uyan ak ta ŋigane wo ilog ibol dop, kagin saiak dam ŋai isaurag da.

Rom 7:23

Ak gug, ŋai kubiaeŋ naon sen ak tinig ilon lo dabai igane dan ŋile ŋaloŋ da. Kubiaeŋ an iŋ ŋaisag ilobol san kubiaeŋ da nug dufuni da. An lo dop aupasek san kubiaeŋ e tinig ilon lo dabai igane den ŋai isubanag da.

Rom 7:4

Amaiak lo aŋ dugo wak i? Ŋai teig taog, Jesus Kristus tinin lo, aŋ dam Moses san kubiaeŋ paen na amado yan atufulak pe mel sen ta san muroun amado wa. Anut tamol ta mateŋ lo ifufunig yabisa ya, an lo id Anut damon lo ai patun igo ilo rumok tamolpein foun ak igo woŋ tidirai dilasap nuŋod ifu wa. Aria, id tamol an muroun mi tumado wa.

Rom 8:1

Amaiak niŋen o gamu tamolpein Jesus Kristus lo dumado den, Anut aupasek san naon muruan ta ipidinai na da.

1 Korint 15:45

Fun an niŋen o Anut san buk lo igo digire ya, “Tamol a imug mi ilasa yan, Adam, iŋ tamol kumaen ak ago ilasag imado se ya.” Ak man Adam a murna geig amaiak, sen tinin ibileksag ur ilasag imado dugo, kumaen yen yau san ipanad da.

2 Korint 3:17

Aria, Tubun en iŋ Ur, agod aben a Tubun en san Ur yen dan te man iŋsan tamolpein bigabeg urat tia kawan dumado da.

2 Korint 3:6

Iŋsen maŋ ipilianama go iŋsan urat tamol igo milasag, kontrak foun amaiak san urat migane da. Kontrak wagam an pepa roun fo digire ya. Ak gug kontrak foun an pepa roun fo ta digire idu na ya. Tia, an man Urgun san urat a. Kubiaeŋ a digire yan man iŋ tamolpein ifu dumat da. Gug Urgun man iŋ tamolpein kumaen ipidinai da.

Galesia 2:19

Man dugo, kubiaeŋ an ifunag ŋamat a, an lo na ŋai afon kubiaeŋ paen na ta ŋumado na wa. Tia, gamu kubiaeŋ an san ar patun fo ŋilasa yan niŋen o, ŋai Anut mi paen na ŋumado da.

Galesia 5:1

Kristus id a Juda sad kubiaeŋ paen na tumado dan ipasad an lo, kubiaeŋ an san subanek fon ta ibiad sakar na wa. Amaiak niŋen o aŋ aŋanem madok foun ak lo atur sakar a. Aŋ sem idiraŋ pe fon kubiaeŋ san subanek lo aladu wo ago ta agane na wa.

Galesia 6:2

Nug san muruan asini wa, ago dop man aŋ Kristus san kubiaeŋ ibol ago aganuri wa.

Jems 1:25

Ak man kubiaeŋ Kristus awan lo ilasa yan itaotan geig, agod kubiaeŋ en subanek lo ipasad tilasag kawan tumado da. Enti kubiaeŋ an tig igo woŋ lo naon ilep lo Kristus awan iri dop man, bar iŋane wa. Gug iŋ kubiaeŋ an kawan ta iri na wa, tia, Kristus awan iloŋ gup iri uyanan o maeg igane wa. Iŋ Kristus awan iloŋ pe ilon iŋaoŋ kisaek oŋ san tia ya, tia, iŋ awan iloŋ gup iloŋ san nuŋon an itaot fo mi igane ilasa wa. Tamol naok an Anut san bar iŋane wa.

Revelesen 11:11

Ak man nal utol wadan da itout gug, Anut ur kumaen san an iganeg uraru an ilod lo iladu ya. Saen uraru an dumasag dutur se yan, tamolpein uraru an dil dugo direr saian geig dop sed ibibianai se ya.

Revelesen 22:1

Agog eŋel en ŋai you tubun ak ta ikubiaig ŋile ya. You en kumaen san, iŋsan lilaman nek ibol galas oŋ a. You en Anut iŋ Sipsip Nanun da sad kalik paen na ilasa dugo,