Rom 5:5 - Takia

⁵ Agod id mala nouk tumado dan san kagin an nuŋon da ya, kagin an niŋen o id ilod ta muruan na da. Tia geig a. Man dugo, Anut Awan Urgun id ipanad an lo iŋanen ilo panek id bubed lo ikulmaek la ya.

Rom 5:5 Iomraidhean Croise

Aposel 10:45

Ilo rumok adi a tini suŋulon tutek san muluŋ lo dudu yan Jopa na Pita luan disag dupalu yan, durut saian geig a. Man dugo, ilo panek kawan ak oŋ Anut iŋanen Awan Urgun tamolpein Juda tia yan dam ipidinai a.

Aposel 2:17

“Anut ibol, ‘Saen wadan ipalu wo sumeik dop, ŋai ŋaineg Urgun tamolpein fidian sad tinid fo ŋuwali idup diŋane wa. Nanuk tamol ak, iŋ nanuk pein ak dam profet ru dubol ilasa wa. Aŋanem pinein foudi ak malad ŋutun dile wa. Aŋanem tamol busumadi ak ŋioŋ lo ŋioŋamin diŋane wa.

Aposel 2:33

Anut Jesus iŋaneg yaŋan tubun geig anda giraŋen won ak lo imado da. Anut gubak mi iŋanen Awan Urgun Jesus ipani wo promis ru ipani a. Aria, gamu promis an nuŋon ilasag Urgun iŋane ya. Ago dugo Jesus sen Urgun an maŋ tinima fo iwali idu ya, ago dugo aŋ mel en ale dugo kududom iloŋ a.

Rom 1:7

Aria, ŋai aŋ Rom tamolpein sam na girek en ŋigane ipalu da. Anut aŋ niŋemi wo tubun mi imat da, agog iŋsan tamolpein gun ak amado wo igiaŋ a. Anut idsad Tamad, agod Jesus Kristus idsad Tubun en, iŋ mi iŋsad ilo panek agod iŋsad maror aŋ lo pempem yen a.

Rom 8:28

Id taloŋ ak, tamolpein ensauta a Anut niŋen o dumat dan, ensauta a Anut yaŋad ipateg, igiaig iŋsan ilo girek san dal duri wo dan niŋedi wo gidad, mel dugo ilasa bo man, urat igane pidinai uyanan da.

Rom 9:33

Aisaia san girek igo yen da, “Ale, ŋai Saion lo pat ŋied isuep, diau dudu san ŋigansi wa. Ak man talpein enti pat en ilon lo rumok dop man miai ta ifuni na wa.”

1 Korint 8:3

Ak man tamol a Anut ilon ipani dan, iŋ tamol an iloŋ fufei da.

2 Korint 1:22

Iŋsan Ur id ilod lo igane ya. Kulob naok en lo id iŋsan mok ago kob ipanad a. Fun an niŋen o saen iŋsan Ur id lo yen dan taloŋ uyan dop man, id taloŋ ak id iŋsan mok a.

2 Korint 13:14

Jesus Kristus idsad Tubun en san ilo maror, Anut san ilo panek, agod ilo tumanek e Awan Urgun lo yen den aŋ da amado. Rumok.

2 Korint 3:18

Agod id ensauta a yamel malad ta ibalfutani na dan, id tig igo woŋ Tubun en san girager id naod kapen fo yan isapudade dugo imul yau da. Ago dop girager ta san na tupalu dop girager subuŋan taidam san na tau da, nek ago Tubun en idirad pe tibileksa yau oŋ da, an lo iŋsen igo mi ago tilasa wa. Man dugo, kulob en man Tubun ak enti a Ur an, iŋsan nag ipalu ya.

2 Korint 4:6

Wagam Anut igo ibol, “Tidom tubun ilon lo lilaman ta ided a.” Anut nek amaiak mi maŋ bubema ilon lo lilaman iganeg ided da. Lilaman an man, maŋ Anut san girager niŋen maŋau am da ya. Agod girager an san lilaman Kristus sen naon fo na ided dugo mile ya.

Galesia 4:6

Aŋ Anut iŋanen nanun igo woŋ amado da. Man niŋen o Anut iŋ Nanun san Awan Ur idinig ipalug, id bubed ilon lo iladu ya. Ago yan lo Awan Ur id ilod yabisa dop, Anut tiwagiŋ pe, “O Bai,” ago tabol a.

Galesia 5:22

Ak man Awan Urgun san nuŋon man, ilo panek, yousai, maror, mos ganek, ilo muŋanek, kagin uyanan ak gane dak, oŋane ru ganuri dak,

Efesus 1:13

Iŋ lo aŋ dam, ru rumok a patum ipasi san bilaluŋ uyanan aloŋ dugo iŋ o ilom rumok a, an lo iŋanen kob aŋane ya. Kob an man iŋsan Awan Urgun nek a id ipanad o promis ru ibol a.

Efesus 4:30

Aŋ Anut san Awan Ur ilo muruan apani amoi. Awan Urgun iŋ man Anut san kob aŋ ilom ilon lo igane ya, amaiak lo Anut iŋanen tamolpein iŋiliai san nal an lo aŋ dam sisem iŋiliaŋ a.

Filipai 1:20

Ŋai tini ganei tubun mi ŋigane da, agod ŋai ilog lo igo yen da, dal fidian lo ŋai miai ta ŋiŋane na wa. Tia, ŋai ilog dabai go pempem ago ŋigane se yak ago mi, gamu en dam Kristus iŋanen yaŋan ŋaisag tinig lo imasap yau dop tamolpein fidian ka dile wa, kumaen lo boi, tia, mateŋ lo boi.

1 Tesalonaika 4:8

Ak niŋen o tamol ta ru en patun ipani ak man, iŋ tamol mi patun ta ipani na da. Tia, iŋ Anut enti a Awan Urgun ipanaŋ dan patun ipani da.

2 Tesalonaika 2:16

Anut idsad Bai niŋed o imat dugo, iŋsan ilo panek lo maror bubed lo pempem yen yau san, agod mala nouk mel siŋaokan san da ipanad a. Anut nek an idsad Tubun en Jesus Kristus iŋsen ida

2 Timoti 1:12

Fun amaiak niŋen o ŋai gamu muruan igo ŋisini dak gug an o miai ta ifunag na da. Man dugo, Talpein a niŋen o ŋai ilog rumok dan ŋaloŋ a. Agod ŋai dam ŋaloŋ uyan en man, mel e ŋai iŋ banin lo ŋigane yen, iŋ ititiani uyanan san idaisuda ya. An lo ŋai ilog itarpasi siŋaokan a, an ta ideg yau na wa. Tia, an ago iŋ lo yen dop imul san saen ilasa wa.

1 Jon 4:19

Id aenta niŋedi wo tamat san fun man iŋ imug id niŋed o imat a.