Rom 3:5 - Takia

⁵ An niŋen o idsad kagin a ta itaot na yan lo, Anut iŋanen kagin itaot ak kuai te igane ilasa da. An lo dop, id dugo tabol ak i? Dugo, Anut iŋanen tiŋae mumarek id tinid fo igane dan ta itaot na i? (Ru e ŋabol den niŋen o, tan en san tamol adi sad ilo sou ŋirig sumiaek ago ŋigane da.)

Rom 3:5 Iomraidhean Croise

Rom 12:19

Turag muroug, saen tamolpein dibiaŋ adu tap, aŋ pani naon afuli wo ago ta agane na wa. Tia, Anut anen tiŋae saiak an mi aben apani dop iŋsen mi pani an naon ka ifuli wa. Man dugo, ru girek lo ago ibol, “Tubun ak igo ibol, talpein enti igane saian ak naon panek man, ŋai mi a, ŋaiseg mi iŋsan pani an naon ŋufuli wa.”

Rom 2:5

Ak man oŋ bube sakar tinan a, agod oŋane aupasek an lo ilo bileksa man umoi da. Kagin an naon man, oŋse Anut san tiŋae mumarek an se itumani pano da. Agod nal idu dan te dop Anut san bitinaek itaot ak malak malak ikubiaip tile wa, saen an lo dop iŋsan tiŋae mumarek an oŋ tini fo iwali idu wa.

Rom 3:19

Aria, id taloŋ ak, Moses san kubiaeŋ dugo ibol dan, ru kagin an tamolpein a kubiaeŋ an paen na dumado dan mi irupidai duloŋ a. Awo, Juda adi iŋ Juda tia yak adi da aupasek paen na dumado da. An lo dop saen Anut ru ipidinai dop sed ibargiranai san ta idaisuda na ya, tia, tan en san tamolpein fidian Anut san bitinaek lo dutur dop ru naon durupei a.

Rom 3:7

Gug talpein ta ru naon en ka irupaiag, “Ŋaisag kagin sewak lo Anut san kagin rumok ak igane kuai te ilasap an lo iŋsan girager an awana da. An rumok tap, ata wo Anut kot ipanag dop ŋaisag aupasek an niŋen o ŋai ibiag ŋadu wak i?”

Rom 4:1

Amaiak niŋen o Abraham man iŋ maŋ Juda sama tubum bagem, tamol amaiak niŋen o id dugo tabol ak i? Iŋ mel a niŋen o imug mabol ilasa se yan dugon kuai ipani ak i?

Rom 5:8

Ak man Anut anen ilo panek tubun ak dal en lo ikubiai tile da. Saen id aupasek san dal turi dugo Kristus id niŋed o mateŋ ile ya.

Rom 6:1

Ago yak niŋen o id dugo ilod isou dak i? Dugo, id kagin saian an fon mi tigane yau dop lo Anut iŋanen ilo muŋanek an nal pempem mi ka ikubiai panad ak i?

Rom 6:19

Ŋai ŋaisag ru lo, aŋ ilom tia yak niŋen o tamol kagin ŋurig ŋabol da. Aŋ wagam aŋanem tinim san biabi anen anen, aupasek san bigabeg igo aganeg dilasa ya. Ago yan lo aŋ kagin sisaiak nun anda yak agane se ya. Nek ago mi gamu aŋanem tinim san biabi anen anen aganep, kagin itaot ak san urat bigabeg alasa dop gun amado wa.

Rom 7:7

An niŋen o id dugo tabol a, Moses san kubiaeŋ an aupasek ak i? Tia geig a! Kubiaeŋ tia yak man, ŋai aupasek ta ŋaloŋ na wa. Kubiaeŋ ago ibol, “Oŋ mala ta isi na wa.” Kubiaeŋ ago ta ibol na tap, en dugo woŋ ŋai mala isek fun ŋaloŋ ak i?

Rom 8:31

Amaiak niŋen o id mel an niŋen o dugo tabol ak i? Anut id turad igo imado tap, enti id iliad saian ak i?

Rom 9:30

Aria, an niŋen dugo ilod isou wak i? Id taloŋ ak gob adi iŋ gidad Anut malan lo ikok dumado wo urat ta digane na ya, ago bo man iŋ dal an dile ya. Man dugo, iŋ ilod lo rumok an niŋen o Anut iŋ itaot iginiai a.

1 Korint 15:32

Ŋai etna Efesas na tamol wei mi bor kasik igo woŋ dida nug mabi se ya. An tan en san mel mi ago tap, an dugo woŋ ŋai ibinawag ak i? Tamolpein dumat la yak fon kumaen ta dumasa na wa, an rumok tap, gidad ŋai ka Anut ilog iŋaoŋ pe igo ŋabol a, “Id gamu anaŋ mi tani taluk dop tumado wa, man dugo, gabulop id tamat a.”

1 Korint 9:8

Ak dugo, dag ru milaen mi e ŋabol den, tan en san tamolpein iŋaned kankan lo ilasag ŋiŋiŋeŋ dak ago ilom isou dak i? Ak man Moses san kubiaeŋ an lo ru naok kisaek ibol da.

2 Korint 6:4

Tia, maŋ Anut san urat tamol mok an mi dal funfun en igo mukubiaig dile ya. Muruan lo iloma ta isali na yan lo, madai lo, tinima san melmel niŋen katuk ama yan lo, iloma irer dan lo, bu dupanama dan lo,

2 Korint 7:11

Man dugo, aŋ ale uyanan a, ilo papao e Anut aŋ lo igane ilasa yen man kagin naok dugo yak aŋanem madok lo iganeg ilasa ya. Aŋ kagin uyanan lo atur ak, aŋ yaŋami akubune wo ilom yen dan, ru dabai lo aŋ “ago tia yak” abol dan, ilo urer ipanaŋ dan, maŋ o yaes isofutanaŋ dan, kagin uyan ak dabai lo agane dan, aŋ aŋsem bu ipanaŋ da. Aŋ dal fidian lo maŋ akubiai panama yan lo man, kagin naok naok a agane yan man uyanan mi a.

Galesia 2:18

Man dugo, ŋai Moses san kubiaeŋ tiri tupani san kagin naok naok amaiak ŋurube la ya. Aria, mel a ŋurube la yak, an afon ŋususe tap man, ŋai kubiaeŋ pilalek tamol igo woŋ ŋilasa da wa.

Galesia 3:15

O teig adi, ŋai gamu tou niganag lo piteŋanek a ŋurupaiaŋ dan san awan ŋubate wa. Tamol ta iŋ mitep imat ak niŋen o ilon isou tap, iŋ melmel nanun muroun lo itarpasip ipidinai san niŋen o, roun fo igire da. Aria, girek an igane itout gup girek an dabai anda yen da. Saen an lo gup, talpein ta girek an nuŋon tia yak ago igane ilasa san man tia ya. Agod iŋ ru kitek ta girek an awan ibatep ipani san dam tia ya.

Revelesen 15:3

Tamolpein an Anut san urat tamol Moses, agod Sipsip Nanun da sad bar diabi se ya. Bar an man igo ya. “O Tubun en, oŋ Anut, dabai fidian ama da ya. Urat fidian oŋ gane man tubun a. Maŋ mile dugo, iloma weiwei da. O Anut, oŋ tamol warou fidian sad kiŋ, oŋane kulob fidian itaot di rumok geig a.

Revelesen 18:20

“Aŋ kumaen panu san tamolpein, Babilon niŋen o gidad uyasusai tubun mi agane wa! O aŋ gun adi, aposel adi agod profet adi uyam isusa wa. Man dugo, Anut taun en san kagin ipupig ile yak niŋen o naon saian ak ipani a.”