Rom 3:10 - Takia

¹⁰ Ru ta Anut san buk lo igo ibol, “Tamolpein fidian ta itaot na ya, ta kisaek dam tia ya.

Rom 3:10 Iomraidhean Croise

Matyu 15:19

Man ata wo? Kagin naok naok igo yan tamolpein sad ŋutud lo ilasa da: ilo sou saian ak san kagin, tamol ifuni imat dak, turan iwon ida dien dak, jeit kagin, gumagam kagin, supalek ru agod uf ru dam mi a.

Mak 10:18

Jesus ru naon ibol, “Oŋ ata wo ŋai uyag ak ubol di? Anut sen kisaek mi uyan aman a.

Rom 11:8

Nek ago mi ru girek lo ibol, “Anut iŋ diŋaoŋ san ur ipidinai a. Iŋ malad ipidinai bo man mel ta dile san tia ya. Iŋ kududod ipidinai bo man duloŋ san an dam tia ya. Iŋ ago digane ipalug gamu dam nek ago mi digane da.”

Rom 3:11

Talpein ta kankan milaen aman da man tia ya, agod talpein ta Anut abaŋan ta yabi na da.

Rom 3:23

man dugo, id fidian aupasek tigane na ya. Ago dugo idsad nao lalek man Anut anen nao lalek ago tia ya, tia, id fidian ta idaisuda na ya.

Rom 3:4

Man tia mok a. Gidad tamol adi fidian sewak bo man Anut man ago tia ya, tia, iŋ pempem rumok a. Ru ta Anut san buk lo igo ibol, “Saen oŋ ru ubol ilasa dop, tamolpein fidian kuai tem dile wak oŋane ru an itaot a, ago dop oŋ bitinaek lo udu bo man, bitinaek an oŋ riŋani wa.”

Taitus 3:3

Imug id dam ŋiŋeo tigane na ya. Agog awa parsisalek san kagin lo tumado na ya. Ilo rawek san kagin an lo dal saian ak turi se ya. Ilo imasa san kagin, agod tinid tufutuwi san kagin, an sad urat pinein tumado se ya. Siai kagin lo tumado na ya, agod aenta siganed mel o teil saiadi se ya. Aenta id lo siai digane dugo id dam nug nug lo siai tigane se ya.

1 Pita 1:16

Man dugo, Anut san girek ago ibol a, “Ŋai gun ak niŋen o, aŋ dam gun amado.”

Revelesen 21:8

Ak man, talpein a direr dugo dusuk dumul dan, talpein a iŋaned ilo rumok patud dupani dan, a kagin saian geig nun anda yak digane dan, talpein a dufu dumat dan, a jeit kagin digane dan, a nawir digane dan, a tubud sewak adi lo dugudani dugo sad ubou leil digane dan, agod tamolpein fidian ru sewak dubol dan, iŋaned aben man, yai saltek pat salfa lo ided dan ate dumado wa. En man mateŋ murnai a.”

Revelesen 22:15

Ak man goun adi agod tamol adi a nawir digane dan, tamol jeit kagin digane dan, tamol dufu dumat dan, a tubud sewak lo ubou dile dan, tamol fidian a kagin sewak duri dupani dan, tamol naok amaiak taun san ar patun fo dumado wa.