Rom 1:9 - Takia

⁹ Man dugo, Anut e ŋai ilog fidian lo iŋanen Nanun san bilaluŋ uyan ak lo biabi ŋigane den, patug fo itur dugo ŋaisag ŋiŋeŋ isatuani da, ŋaisag gudanek lo pempem aŋ ilog isou dop niŋemi wo ŋugudani da.

Rom 1:9 Iomraidhean Croise

Mak 1:1

Dal en bilaluŋ uyanan Jesus Kristus Anut Nanun niŋen o fun igane ya.

Luk 18:1

Jesus megeloum dugudani oŋ dop dumado wa, ago dop ilod ta isali na wo ru faŋan ta irupidai a.

Aposel 12:5

Pita subanek ab lo imado dugo, Kris midaeŋ Anut Pita ibinawi wo gadiŋ dabai kasik digane se ya.

Aposel 19:21

Murnag mel fidian ilasag itout an, Pol yaup Masedonia nap Akaia na gup Jerusalem na yau o Urgun kankan ipanig ibol, “Aben an fidian ate ŋau itout gup, Rom na dam ŋau a.”

Aposel 24:14

Gug mel en niŋen o ŋai malak malak ŋabol ilasa san an niŋen o miai ta ifunag na da. Ŋaisiganeg ubou leil Anut ŋupani duman, ilo rumok san dal e ‘Dal En’ dubol demaiak iri panim, tubum bagema sad Anut ubou an mi ŋile da. Juda adi ilo rumok san ‘Dal En’ iŋ biatitek dubol da. Gug ŋaisag ilo sou lo man an biatitek tia ya. Ŋai ru kagin fidian Moses san kubiaeŋ lo, agod ru fidian profet adi digire yan dam fidian niŋen o ilog rumok da.

Aposel 27:23

Tidom na ŋaisag Anut niŋen o iŋ ubou ŋile dan san eŋel ta ŋaisag na ipalug ibol,

Aposel 3:26

Saen Anut iŋanen urat tamol tan en lo igane ilasa man, imug mi aŋsam na igane ipalu ya. Iŋ bar ipanaŋ o ipalu ya, ago dugo bar an igo ya, iŋ idiraŋ pe aŋ anen anen sem adaŋsap aŋanem kagin saiak saiak patum apani wa.”

Rom 9:1

Aria, Kristus malan lo ŋai ru rumok ŋabol da, ŋai ta ŋiraek na da. Agod Awan Urgun lo ŋaineg kankan dam ŋai ibalsiŋanag go ŋaloŋ ak, ŋai ru e ŋurupaiaŋ den rumok a.

2 Korint 1:23

Aria, ŋai Anut ŋuwagiŋ dop ŋaisag ru en iloŋ pe isatuanag a. Ŋai Korint na ta ŋupalu na yan san fun igo. Ŋai aŋsam naok naok aenta ŋile yak ta itaot na ya, an niŋen saen ante ŋupalup aŋ muruan ŋupanaŋ man ŋamoi a.

2 Korint 11:31

Anut iŋ Jesus idsad Tubun en san Anut, agod iŋsan Taman, iŋ yaŋan dam pempem per tupani wa. Anut en iloŋ ak ŋai ta ŋiraek na da.

Galesia 1:20

(An lo gamu ru e aŋ o ŋigire den, rumok mi, Anut naon na igo ŋabol da, ŋai aŋ ru sewak ta ŋupanaŋ na da.)

Efesus 6:18

Aŋ saen fidian lo, gidad mel dugo ilasa yan, Awan Urgun san dabai lo agudani wa. Man niŋen o nal fidian malam ipuk pe ta ayalis na wa, ago dop Anut san tamolpein fidian niŋedi wo agudani wa.

Filipai 1:3

Saen fidian ŋai aŋ ilog isou dop ŋaisag Anut ilo uyan ru ŋupani da.

Filipai 1:4

Ŋaisag gudanek fidian ŋigane dan lo Anut aŋ fidian ibinawaŋ o ŋusumiani da, agod an ŋai uyasusai lo mi ago ŋigane da.

Filipai 2:22

Gug aŋ aloŋ ak Timoti iŋsen ikubiai tile yak iŋ tamol uyan a. Man dugo, iŋ nek ibol awa yabek nanuk ta taman da urat digane dak igo woŋ, ŋai siŋireg na bilaluŋ uyan ak san urat an migane se ya.

Filipai 3:3

Man dugo, tamol a tinidi suŋulon tutek mok san, an man Juda adi tia ya, tia, an id ilo rumok adi idsed mi a. Id man Awan Urgun lo Anut san ubou tile da, agod Jesus Kristus niŋen o sed ipitianad da. Ago dugo id idsad tini ganei an mel ta idsed tinid san lo ta tigane na da.

1 Tesalonaika 1:2

Pempem maŋ aŋ niŋemi wo Anut ilo uyan mupani dak, saen fidian ibinawaŋ o mugudani da.

1 Tesalonaika 3:10

Tidom ad maŋ urat dabai mok naom mile wo mumosiai oŋ da. Ago dop aŋanem ilo rumok an mel ta lo katukan dop man, maŋ mel an ka mupanaŋ pe aŋanem ilo rumok idaisuda mi geig ilasa wa.

1 Timoti 2:7

Man niŋen o ŋai bilaluŋ tamol agod aposel iginiag a. An niŋen o ŋai gob adi iŋ ilo rumok nuŋon mi diŋane san niŋen o iŋsad girek maŋau ŋilasa ya. Ŋai ru rumok ak mi ŋabol da, ŋai seg tinig nam ta ŋusupale na da.

2 Timoti 1:3

Ŋaineg ilo sou muruan aman tia yan lo Anut ubou aman ŋile da, agod dal kisaek ago mi ŋai tubug muroug dam digane na ya. Ago dugo ŋai Anut ilo uyan ŋupani da, tidom ad pempem oŋ o ilog isou dop Anut san na ŋugudani da.

Filemon 1:4

O teig Filemon, saen ŋai Anut ŋugudani dan lo, oŋ o pempem ilog isou dop, Bai Anut ilo uyan ŋupani da.