Matyu 9:2 - Takia

² Ante tamol ta ŋien banin fidian ikikai aman ak kapal anda disinig Jesus san na dupalu ya. Agog saen Jesus iŋaned ilo rumok ile man, tamol an irupeig ibol, “O ŋai nanug, se ilo wabisa; ŋai oŋane aupasek fidian ŋusuas yau la ya.”

Matyu 9:2 Iomraidhean Croise

Matyu 14:27

Agog Jesus irupidai kisaek oŋ go ibol, “Dabai aŋane! Ŋaiseg o, asuruwor amoi!”

Matyu 4:24

Ago tag ŋiŋeŋ iŋ niŋen o ifurak yaug tan Siria ilon lo iŋsan yaŋan tubun geig ilasa ya. Ago yan lo tamolpein fidian subam amad da yan diŋal go san na dupalu ya. Tamolpein madai gidigidad tinid lo, agod subam naon funfun, tamolpein ur saiak saiak ilod lo yen dan, a saen wei mi kurbarib ifu dan, agod tamolpein ŋied banidi imat ak an fidian dusu dupalu ya, agog iŋ ikubuniai idu pasik a.

Matyu 6:12

Maŋsama gubun oŋ lo migane yan pasi yau a, nek ibol aenta sad gubun maŋ lo diganeg mupasi dak ago mi a.

Matyu 8:10

Jesus ru an iloŋ man, irut saian geig a. Agog idaŋsag tamolpein a ŋien aban diri se yan irupidai, “Rumok geig ŋurupaiaŋ da, tamol ta ilo rumok naok igo yak aman da Isrel ilon lo ŋile man tia ya.

Matyu 8:16

Aria, saen gurai isi dugo, tamolpein a tinid ur saian saian amad da yan diŋal dupalu ya. Ago dugo Jesus ru ta dabai anda yak lo ur saian an fidian ikudai diau a, agog tamolpein subam amad da yan dam ikubuniaig uyan dilasa pasik a.

Matyu 9:22

Saen iŋanen kulos isupuri man, Jesus idaŋsag ileg irupei, “O nanug pein, ilo wabisa, oŋsigane ilo rumok ŋai lo yan ikubunio ya.” Ago ibol man pein an tinin nek saen ante mi uyan ilasa kisaek oŋ a.

Matyu 9:5

Ata mel pasauman ak i? Aria, ŋai igo ŋabol, ‘Oŋane aupasek ŋupasi yau wo?’ Tia, ‘Masap kapal wabisap utor o?’

Matyu 9:6

Gug kulob e ŋigane en lo, ŋai Tamol Nanun, tan en lo Anut wagen lo aupasek ka ŋupasi yau amaiak aloŋ o ...” saen ago ibol man, tamol a ŋien banin ikikai aman ak irupei, “Oŋ masa utur pe oŋane kapal ŋanep oŋsigane na wau.”

Mak 1:32

Gurai isig ad idiau dugo, tamolpein fidian subam amad da, agod a ur saian saian amad da yan dam, diŋal go dupalu ya.

Mak 10:49

Jesus yau oŋ dugo wagiŋ an iloŋ tag, itur dugo tamolpein dubuluwi an irupidai, “Aŋ awagi.” Ago tag iŋ tamol malan itau an duwagig dubol, “Ilo wabisap, masa, iŋ igio da.”

Mak 5:34

Agog Jesus igo ibol irupei, “Nanug pein, oŋsigane ilo rumok iginiog uyan lasa ya. Oŋ ka ilo maror lo wau a, agod oŋane subam itout yau geig a.”

Mak 6:50

Man dugo, iŋ fidian Jesus ago dile an lo tubun mi direr dugo dusuruwor se ya. Ak man Jesus irupidaig ibol, “Dabai aŋane, en ŋaiseg, arer amoi!”

Jon 16:33

Aŋ ŋai lo amado dop, ŋaisag ilo maror aŋ da amado san niŋen o ru an ŋurupaiaŋ a. Tan en san tamolpein aŋ muruan dupanaŋ ak gug, aŋ ta arut arer na wa. Tia, aŋ ilom abisa, man dugo, ŋai yu ŋigane itout go, an lo tan en san tamolpein fidian sad dabai ŋabi idu la ya.”

Jon 2:25

Tamol ta kankan naok dugo yak a tamolpein bubed lo yen dan niŋen, Jesus iloŋ o kuai te ibol ilasa san urat aman tia ya. Man dugo, Jesus sen, kankan a fidian tamolpein ilod lo dien dan iloŋ pasik a.

Jon 21:5

Agog Jesus igiai, “O turag muroug, aŋ iy amam da i?” Iŋ awan diabig dubol, “Maŋ iy tia ya.”

Aposel 14:9

Saen Pol ru ifulale dan iŋ dam doup luluŋad lo imado dugo kududon igure se ya. Pol tamol an malan ti ibol go, ilon lo rumok ile yak niŋen o iloŋ ak, Anut tamol an ka ibinawi wa.

Aposel 19:12

Iŋsan silali isuas san yamel boi, urat san yamel an tamolpein subam amad da yan sad na diŋane diaup tinid fo digane dop subam ibisawai se ya. Ur sisaiak amad da yan dam nek ago mi digane se ya.

Aposel 23:11

Tidom an lo Tubun en Pol giraŋen na itur dugo irupei, “Dabai ŋane! Oŋ Jerusalem na ŋai niŋeg o ubol ago mi Rom na dam nek ago mi ubol a.”

Rom 5:11

An mi tia ya, idsad Tubun ak Jesus Kristus lo, id Anut da tutumani an niŋen o yousai tigane da. Man dugo, gamu Kristus lo id Anut da titiŋae mi siai yen an ipasi panad go Anut san turan muroun tilasag tumado da.

Jems 2:18

Ak man tamol ta iŋ igo ibol, “Oŋ ilo rumok ama da, gug ŋai kagin naok naok uyan ak amag da ya.” Ŋaisag ru naon man igo, “Oŋsa ilo rumok a kagin naok naok an tia yan kubiai dop ŋile. Ago dop, ŋai kagin naok naok uyan ak ŋigane dan lo ŋaisag ilo rumok ŋukubiai dop ule wa.”