Matyu 3:7 - Takia

⁷ Ak gug saen iŋ tamol wei mi Farisi agod Sadyusi ago iŋ isuguai o naon na dupalug dilasa dugo yil a, agog ru dabai ipidinaig ibol, “Aŋ mot nanun moroun! Enti Anut san tiŋae saian mitep ilasa wan niŋen o ru kagin ipanaŋ dugo asol dak i?

Matyu 3:7 Iomraidhean Croise

Matyu 12:24

Ak man saen Farisi adi ŋiŋeŋ an duloŋ man ago dubol, “Tia, ur sisaiak sad gurman yaŋan Belsebul tabol damaiak, san dabai lo mi iŋ ur sisaiak ikudai diau da.”

Matyu 12:34

Aŋ mot wagai ak sad nanud muroudi! En dugo woŋ aŋ saian geig amado yan ru uyan ak ka abol ilasa wak i? Man tia geig a. Man ata wo? Kagin saian ak boi, uyan ak boi, tamol ilon iŋanefute yan iŋanep awan lo ibol ilasa wa.

Matyu 15:12

Agog iŋanen megeloum adi siŋiren na dupalug durupei, “Ak dugo, saen Farisi adi ŋiŋeŋ an duloŋ man, oŋ niŋe wo ilod saian an uloŋ ak i?”

Matyu 16:1

Farisi adi Sadyusi dida Jesus san na dupalug dusubani wo bitinaek lo digane ya. Iŋ Anut san dabai nam kulob girager ta kob igo woŋ igane dop dile wo dusumiani a.

Matyu 16:6

Agog Jesus irupidai, “Kagin agane wa, Farisi iŋ Sadyusi da sad yis an niŋen o kagin agane wo uyanan a.”

Matyu 22:15

Agog Farisi adi diaug, Jesus san ŋiŋeŋ lo dal dugo diabi san niŋen o dutumanig dukubiai se ya.

Matyu 22:23

Nal kisaek an lo Sadyusi aenta Jesus san na dupalu ya. Tamol nek an pris gurman adi sad warou, iŋ tamol dumat pe murnap fon kumaen dumasa da wan niŋen o ilodi ta rumok na da. Agog Jesus igo dubol dusumiani,

Matyu 22:34

Saen Farisi, Jesus ru a ibol an lo Sadyusi awad yabituani an duloŋ man, naon na dutumani a.

Matyu 23:33

“O aŋ mot adi, mot wagai ak sad nanud muroudi! En dugo woŋ Anut aŋ Ades lo au o irupaiaŋ an abiseip asol au ak i?

Matyu 5:20

Aloŋ uyan a, man dugo, ŋai itaot ŋurupaiaŋ da, aŋ gidad maeg aganep aŋanem kagin itaot an, kubiaeŋ girek maŋau adi, agod Fasidi adi dam, sad kagin itaot ak iriŋani wa. Tia tap, aŋ Anut san kagin panek lo aladu san man tia geig a.

Mak 12:13

Agog tamol tutubui adi iŋ Farisi aenta agod Herod san tamol aenta dam didinaig, Jesus san na diau a. Iŋ Jesus dibitinae dop siganen ru lo diabi wo ilod yen ak atem diau a.

Mak 12:18

Agog Sadyusi adi mateŋ lo kumaen masa san tia ago ilod isou dan sumiaeŋ kisaek da Jesus san na dupalu ya.

Mak 8:15

Jesus ru kagin ipidinaig ibol, “Kagin agane, Farisi sad yis, agod Herod san dam niŋen o kagin agane uyanan a.”

Luk 16:14

Farisi adi ru an fidian duloŋ go Jesus kukok an digane dugo nao futek ru tinin lo digane se ya. Man dugo, moni niŋen o tubun mi dumat a.

Luk 18:11

Farisi an imasag iŋsen niŋen o mi ilon lo igo igudani se ya, ‘O Anut, ilog uyan da. Man dugo, ŋai tamol aenta digane saian dan ago tia ya. Ŋai takis ŋilaŋal tamol igo tia ya. Ŋai ilosek ag tia. Ŋai ta ŋiraek na da. Ŋai jeit ta ŋabi na da. Ŋai tamol nuŋog mi a.

Luk 7:30

Gug Farisi iŋ kubiaeŋ san girek maŋau dadi, dal uyan a Anut ikubiai pidinai an diabiani a. An niŋen o suguek an ta diŋane na ya.)

Jon 1:24

Farisi adi luluŋad lo tamol aenta imug didinaig dupalu dugo, tamolpein dida dutur a.

Jon 8:44

Aŋanem tamam Satan, aŋ iŋanen nanun muroun mok a. An lo aŋ ilom man, iŋanen ilobol mi aganuri wa. Fun mok lo ipalug gamu en, iŋanen kulob mok man, iŋ tamol ifu dumat na ya. Iŋ tinin lo ru rumok ta yen na ya, ago tag ru rumok ak ta yabig iri na da. Saen iŋ ru sewak ibol dan, iŋanen muroun ru ibol da. Man dugo, iŋ sewak tinan, agod iŋ sewak fidian an sad tamad mok imado da.

Jon 9:40

Farisi adi aenta iŋ da dumado yan, ru an duloŋ go igo dubol, “Maŋ dam malama itau ak ago ubol di?”

Aposel 15:5

Gug ilo rumok aenta iŋ dida ilod ta kisaek na ya. Tamol an imug man iŋ Farisi a. Iŋ ilo rumok adi luluŋad lo malan kisaek dumado na ya. Tamol emaiak dumasag igo dubol, “Arupidai duloŋ pe, tinid suŋulon dutute dop Moses san kubiaeŋ ibol dan ago mi duri dupani. Kagin an ta diriŋani na wa.”

Aposel 20:31

Ago yak niŋen o kagin agane dop ilom isou. Anaŋar utol malag turon anda tidom ad aŋ kagin agane san ru kagin ŋurupaiaŋ na ya.

Aposel 26:5

Saen milaen mok iŋ duloŋ uyanan ak, maŋsama midaeŋ Farisi dubol dan san geggeg wei kasik an ilon lo ŋumado dugo sad kagin fidian an ŋiri na ya. Tag an dubol ilasa wo dumoi boi.

Aposel 5:17

Juda sad pris malan te ak, Sadyusi a giraŋen na dumado dan dida, an fidian aposel adi sad urat dile tag, turak susai tiŋaed iŋanefute ya.

Rom 1:18

Anut iŋsan tiŋae mumarek id kuai te ikubiai tile da. Anut iŋanen tiŋae mumarek an lo tamolpein iŋ patud dupanig kagin saiak saiak digane dan naon ipidinai da. Man dugo, iŋaned kagin saiak saiak digane dan lo ru rumok ak diabi idu da.

Rom 5:9

Gamu iŋsan dar lo id itaot idirad tilasa ya. Amaiak niŋen o rumok, murnap Kristus iŋsen id patud ipasi dop, Anut tiŋae mumarek an lo ta ifunad na wa.

1 Tesalonaika 1:10

Ago dugo aŋ, Anut san Nanun Jesus, kumaen panu ibiseip imul o dan niŋen o malam aganeg amado den, an niŋen o dam diŋiŋeŋ da. Iŋ gubak mi imat go Anut mateŋ aben lo ipasi iŋane ya. Anut san tiŋae mumarek murna ilasap lo tamolpein daoŋ ipidinai a, ak man Jesus mateŋ log imasa yan lo, id ilo rumok tamolpein daoŋ an lo patud ipasi wa.

Hibru 11:7

Ilo rumok lo mi, Noa Anut san ru kagin panek iloŋ a, an lo gidad mel an ta yil na ya, ak man Anut san awan aban an irig kagin ipani dugo wog tubun geig ak ifoug, ate iŋanen tamolpein ibinawai a. Iŋ ago igane an lo tan san tamolpein patud ipidinaig iŋaned aupasek iganeg walal te ilasa ya, agod ilo itaot an man ilo rumok igane ilasa dan anen muroun ilasa ya.

Hibru 6:18

An lo na mel uraru a tibilsa san tia yan, agod an niŋen o Anut sewak ipanad san ta isuda na yan, lo id tan suek tubun ak ipanad a, an lo id a aupasek niŋen o tasol man, melmel a naod na iganeg niŋedi wo mala naok tumado dan, tiŋanep tabi sakar oŋ a.

1 Jon 3:10

Ru en tamol dugon Anut nanun ago dugo, tamol dugon Satan nanun, an fud ifulaleg kuai tem tile da. Talpein a kagin uyan ak ta igane na yan iŋ Anut san muroun tia ya. Agod ta iŋ tein niŋen o ta imat na dan iŋ dam Anut san muroun tia ya.