Matyu 24:3 - Takia

³ Jesus Did Oliv fo imasi dugo iŋanen megeloum mianuk lo san na dupalug dubol, “Oŋ rupaiama wa, saen dugomaiak lo melmel en dilasa wak i? Mel dugomaiak imug ilasa dop, ate maŋ maloŋ ak, oŋ umul palu o di? Agod saen gamu e tumado den itout o di?”

Matyu 24:3 Iomraidhean Croise

Matyu 13:36

Saen Jesus tamolpein dutumani an ibisawaig ab ilon lo iladu man, iŋsan megeloum san na dupalug ago dubol, “Ud a abi lo isa damaiak san fun ubol dop maloŋ a.”

Matyu 13:49

Saen gamu tumado den san wadan ifutani dop nek ago mi ilasa wa. Eŋel adi dudup tamolpein saiadi ak, uyadi ak da, sensen didirai idu wa. Agop saiadi ak diabibol diau dop

Matyu 15:12

Agog iŋanen megeloum adi siŋiren na dupalug durupei, “Ak dugo, saen Farisi adi ŋiŋeŋ an duloŋ man, oŋ niŋe wo ilod saian an uloŋ ak i?”

Matyu 16:27

Man dugo, Tamol Nanun mitep Taman san girager an lo ipalu dop, iŋanen eŋel adi dida dudu wa. Agop talpein fidian iŋaned urat dugo dugo digane na yan naon ipidinai a.

Matyu 16:28

Rumok ŋurupaiaŋ da, tamolpein aenta igo dutur dan gamugo dumat dop, Tamol Nanun amaiak Kiŋ igo woŋ ipalu dop dile gup, murnap dumat a.”

Matyu 17:19

Murna gug megeloum adi pasak nam Jesus san na dupalug dusumiani, “En ata wo maŋ ur saian an mukudi san tia yak i?”

Matyu 21:1

Jesus iŋanen megeloum dida Jerusalem sumeik dupani dugo, Did Oliv siŋiren na panu ta yaŋan Betfage dubol dan ate dilasa ya. Ago man Jesus megeloum uraru panu an ilon lo diau o idinai a.

Matyu 24:27

Man ata wo? Saen keit irafule dan, san lilaman aben o ad ilasa dak atep, aben o ad idiau dak ate yau dop, tamolpein fidian leil dupani wa. Nek ago mi, saen Tamol Nanun ipalu dan, kulob an san leil man naon kisaek a.

Matyu 24:30

“Saen an lo dop, Tamol Nanun san kob keit lo kuai isi wa, an lo dop tan en san tamolpein fidian tinaŋ aru digane wa. Ago dop iŋ fidian Tamol Nanun keit lo timtaen titiŋaem kuai te ilasa dop, dabai agod girager tubun geig ak da ipalu dan, dile wa.

Matyu 24:37

Kulob a Noa san saen lo digane yan, nek amaiak mi saen Tamol Nanun imul ipalu dop digane wa.

Matyu 24:39

Iŋ ilo girek amad tia dumado dugo, lom tubun ak ilasa saltik oŋ go tamolpein an fidian irianai diaug dumat pasik a. Nek ago mi, saen Tamol Nanun ipalu dop, tamolpein ta duloŋ na dop kulob an iŋ lo ilasa saltik oŋ a.

Matyu 24:43

Aŋ mel en niŋen ilo sou agane wa. Ab taman iŋ saen dugon lo gumagam tamol tidom lo ab igilep ilon lo iladu wan iloŋ tap, iŋ ŋioŋ ta yabi na wa. Tia, tawaŋ igane uyanan pe gumugam isadu san dal ifou wa.

Matyu 28:20

Ru kagin fidian ŋai aŋ ŋurupaiaŋ amaiak iŋ duri dupani uyanan o apiteŋanai a. Agod en ale, ŋai pempem mi aŋ da tumado da, ago mi yaup saen en itout a.”

Luk 21:7

Ago tag dusumiani, “Girek maŋau, saen dugon lo dop mel an ilasa wak i? Mitep ata kob mile dop ate maloŋ ak saen an ipalu wo sumeik di?”

Aposel 1:7

Ago tag awad yabig ibol, “Mel ilasa wak san saen, agod ata nal mok ate mel an ilasa wan Bai iŋsen ilon nam igansi la ya, ak gug aŋsem mel an san saen aloŋ san niŋen o ilon ta yen na da.

Hibru 9:26

Ago tap, saen Anut tan en igane ilasag ipalu an lo Kristus nal wei mi madai ile wa. Iŋ ago ta igane na ya, tia, nal kisaek o lian saen wadan lo ilasa ya. Iŋsinanen tinin ipidinai an lo aupasek ipasi yau san igane ya.