Matyu 22:3 - Takia

³ Iŋ imug mi tamol adi a iŋsan nug iwon san anaŋ diani wan nal dugon lo dupalu wo irupidai. Aria, anaŋ nal idu dugo iŋsinan urat tamol idiraig tamol an dil o diau a. Ago yak man iŋ dupalu wo dumoi a.

Matyu 22:3 Iomraidhean Croise

Matyu 21:34

Aria, ai wain nuŋod ifu san saen sumeik ipani dugo, iŋ iŋsan biabi ŋilaŋal idiraig iŋanen wain nuŋon disini wo diau a.

Matyu 23:37

“O Jerusalem, Jerusalem, oŋ profet ufu dumat na ya, oŋ tamol a Anut idinaig oŋsa na dupalu na yan ufu wo pat ubal na ya! Saen sapta, nek ibol kurek tinan subarin roun paen na nanun ituanai o dak ago mi, ŋai oŋsa nanu murou ŋutumanaip kagin ŋupidinai o, ilog tubun mi yen da. Ak gug aŋ amoi a.

Matyu 3:2

Iŋ ru kuai te iganeg ibol, “Aŋ ilom ibileksa wa, man dugo, Anut san kagin panek an sumeik ipanad la ya.”

Matyu 9:15

Agog Jesus irupidaig ibol, “Tamol ta iwon da sad nug ŋanek san saen an ilom isou a. Ak dugo, saen tamol an iŋanen turan muroun dida dumado dan, waliŋ diganep lo ilo muruan amad da dumado wo ago digane wak i? Tia geig. Gug nal ta ipalu dan te man, nug ŋanek san tamol an naon atna tia wa, nal an lo gup waliŋ digane dop ilo muruan lo ditata wa.

Luk 13:34

“O Jerusalem. Oŋ profet adi ufu dumat na ya. Anut tamol oŋsa na iginiai dupalu dan dam pat nam ufu da. Nal wei kasik ibol kurek ta nanun subarin paen na kagin ipidinai dak ago mi ŋai kagin ŋupanaŋ o ŋigane gug aŋ ŋai amoi a!

Luk 15:28

“Nanuk matu an ago iloŋ go tiŋaen saian tag ab ilon lo iladu san imoi a. Ago tag taman ilasag iŋanen nanun matu ak ab lo iladu wo ilon iŋane wo igane se ya.

Luk 19:27

Aria, ŋaisag ager adi ensauta a ŋai iŋsad kiŋ ŋilasa san o dumoi an, aŋal dida apalup, ŋai naog na afup dumat a.’”

Jon 5:40

Ago bo man, aŋ ŋaisag na apalup, kumaen an aŋane wo man amoi da.

Aposel 13:45

Agog saen Juda adi abaŋ ago dile man, turak tubun mi dususag ru saian geig ak nam ru dugon Pol ibol ilasa dan lo dipirgini se ya.

Rom 10:21

Ak man iŋ Isrel tamolpein niŋedi wo ago ibol, “Ŋai nal fidian ŋumasa ŋatur go banig ŋuwateg iŋ ŋuyuŋanai wo malag ŋigane da. Gug tamolpein an silei tinadi a, ŋai awag ta diabi na ya. Ad milaen ŋatur dugo, ru kagin a ŋurupidai se yan niŋen o pirginek ru dupanag na ya.”

Hibru 12:25

Kagin agane, enti iŋ iŋiŋeŋ dop awan ta aparsisali na wa. Tamol a tan en lo ru kagin irupidai dugo awan duparsisali na yan lo, muruan an diriŋani man tia ya. Aria, Enti a kumaen panu lo imado dugo ru kagin irupaiad dan, id iŋsan awan tiparsisali tap, tasol tau san tia geig a.

Hibru 9:15

Fun amaiak niŋen o Kristus iŋ kontrak foun en san tamol titiŋae ak igo imado da. An lo talpein ensauta a Anut ipilianai ak mi, iŋ kumaen pempem san melmel diŋane san ipilianaig yen dan diŋane wa. Man dugo, mateŋ a ilasa amaiak lo, tamolpein kontrak a wagam paen na dumado dugo aupasek digane na yan patud ipasi a.

Revelesen 22:17

Awan Ur iŋ Sipsip Nanun san pein da Jesus durupeig ago dubol, “Oŋ palu.” Agod talpein enti buk en lo ru iloŋ dan iŋ dam ka ibol, “Oŋ palu.” Talpein enti kulagun igos pe iluk o imat dop, iŋ ka ipalup you kumaen san an naon tia kawan iŋane wa.