Matyu 16:1 - Takia

¹ Farisi adi Sadyusi dida Jesus san na dupalug dusubani wo bitinaek lo digane ya. Iŋ Anut san dabai nam kulob girager ta kob igo woŋ igane dop dile wo dusumiani a.

Matyu 16:1 Iomraidhean Croise

Matyu 12:14

Ak man Farisi adi dumasag ubou ab dibiseig Jesus palaŋ an dumari wo diaug dutumani a. Dal dugo man lo Jesus daoŋ dupani san niŋen o diŋiŋeŋ se ya.

Matyu 15:1

Agog Farisi iŋ kubiaeŋ san girek maŋau da Jerusalem dibiseig Jesus san na diaug dusumianig igo dubol,

Matyu 16:6

Agog Jesus irupidai, “Kagin agane wa, Farisi iŋ Sadyusi da sad yis an niŋen o kagin agane wo uyanan a.”

Matyu 19:3

Agog Farisi aenkadi san na dupalug diabi wo bitinaek diganeg dusumiani, “Idaned kubiaeŋ dugo ibol ak i? Mel ta niŋen o, tia, mel dugo dugo yak niŋen o, tamol ta iŋanen pein ka ibisei wak i?”

Matyu 22:15

Agog Farisi adi diaug, Jesus san ŋiŋeŋ lo dal dugo diabi san niŋen o dutumanig dukubiai se ya.

Matyu 22:18

Ago yak man Jesus iŋsad ilo sou saian an iloŋ dugo igo irupidaig ibol, “Aŋ balem rararu a, ata wo ŋai bitinaek lo aginiag o agane dak i?

Matyu 22:23

Nal kisaek an lo Sadyusi aenta Jesus san na dupalu ya. Tamol nek an pris gurman adi sad warou, iŋ tamol dumat pe murnap fon kumaen dumasa da wan niŋen o ilodi ta rumok na da. Agog Jesus igo dubol dusumiani,

Matyu 23:2

“Kubiaeŋ san girek maŋau iŋ Farisi dida Moses naon diŋane ya.

Matyu 27:62

Nal a Soubul Kubunek San dubol dan itout la gug, nal tinin te yak lo, pris tutubu adi agod Farisi adi diaug Pailat naon na dutumani a.

Matyu 5:20

Aloŋ uyan a, man dugo, ŋai itaot ŋurupaiaŋ da, aŋ gidad maeg aganep aŋanem kagin itaot an, kubiaeŋ girek maŋau adi, agod Fasidi adi dam, sad kagin itaot ak iriŋani wa. Tia tap, aŋ Anut san kagin panek lo aladu san man tia geig a.

Matyu 9:11

Saen Farisi adi ago dile man Jesus san megeloum dusumianai, “En ata wo aŋsam girek maŋau takis ŋilaŋal, agod aupasek tamolpein dida sisem anaŋ diani dak i?”

Mak 10:2

Ago dugo Farisi aenta dususag dusubani wo igo dusumiani, “Idaned kubiaeŋ dugo ibol ak i? Mel ta niŋen o tamol ta iŋsan pein ka ibisei ak i?”

Mak 12:15

Id ka tadad ak i? Tia, tia yak i? Itaot rupaiama.” Ak man Jesus tamol adi an balek rararu san kagin lo dubol an iloŋ uyanan a. An niŋen o iŋ isumianaig ibol, “Aŋ ata wo bitinaek lo aginiag dak i? Aŋ moni ta asini apalup ŋile.”

Mak 12:18

Agog Sadyusi adi mateŋ lo kumaen masa san tia ago ilod isou dan sumiaeŋ kisaek da Jesus san na dupalu ya.

Luk 10:25

Kubiaeŋ san girek maŋau ta imasag Jesus ibitinae wo isumiani, “Girek maŋau, ŋai dugo ŋiganep kumaen ŋiŋane wak i?”

Luk 11:16

Ago dugo aenta Jesus naon dukubiani wo kulob girager ta igane dop, dile wo dusumiani. An lo dop duloŋ ak, Anut sen idinig ipalu ya.

Luk 20:23

Gug Jesus iŋ dirawi wo digane dan iloŋ tag irupidai,

Luk 20:27

Sadyusi aenta Jesus san na dupalu. (Iŋsad ilo rumok lo ago dubol da: Tamolpein dumat dop, fon ŋutud kumaen dumasa san tia ya.)

Jon 8:6

Gug an man sen kawan iŋ dukubianip, ru sukurun ta ibol saian dop, ate dusubani wo ago digane ya. Gug Jesus itakoksig, banin kikoun nam tan aten fufo igire ya.

Aposel 4:1

Saen Pita iŋ Jon da tempel lo tamolpein ru durupidai dugo, pris adi, tempel titianek tamol sad gurman, iŋ pris warou a Sadyusi dubol dan aenta dida sad na dupalu ya.

Aposel 5:17

Juda sad pris malan te ak, Sadyusi a giraŋen na dumado dan dida, an fidian aposel adi sad urat dile tag, turak susai tiŋaed iŋanefute ya.

1 Korint 1:22

Juda adi kulob girager dile wo ilod ibol da, agod Juda tia yak adi man, kankan milaen ak abaŋ an diabi da.