Mak 6:31 - Takia

³¹ Ago dugo nal an lo man tamolpein wei geig Jesus megeloum adi dida sad na diau dumul oŋ dugo iŋ dunuai anen tia ya. Man niŋen o Jesus iŋ megeloum adi irupidai, “Id tumasap, aben ta tamolpein an tia yak ate taup, idsed kisaek dop kitek yaes tabal a.”

Mak 6:31 Iomraidhean Croise

Matyu 14:13

Saen Jesus Jon san mateŋ iloŋ man, wog fo isudag pasak nam aben ta yoitout yen dak ate yau a. Ak man saen aben a ate Jesus imug imado yak san tamolpein Jesus ibisawai an duloŋ man, iŋaned panu anen anen dibiseig, loŋ na diaug ŋied nam Jesus dirig diau se ya.

Mak 1:45

Gug tamol an yaug, mel en Jesus igane an niŋen o ibol itilani se ya, an lo ru an panu panu lo yau a. Man niŋen o Jesus iŋ fon panu tutubu yak lo walal te iladu san tia ya. Amaiak niŋen o iŋ aben tamolpein tia yak ante mi imado dugo tamolpein baŋen fidian lo yan iŋsan na dupalu se ya.

Mak 3:20

Aria, Jesus turan ta san ab lo iladu dugo tamolpein wei geig dupalug fon dutumani a. Iŋ iŋanen megeloum adi dida dusupinai se yan lo anaŋ diani san tia geig a.

Mak 3:7

Agog Jesus iŋanen megeloum dida dugursig you saltek san loŋ na dudu diau a. Ago dugo Galili tamolpein malan tubun Jesus ŋien aban fo diau a. Tamolpein tan titin wei mi kulob naok naok Jesus igane na yan niŋen o duloŋ an lo iŋsiganed panu panu dibiseig iŋsan na dupalu ya. Tan Judea adi wei mi dam dutumanig Jesus dirig diau a. Tamolpein malan tubun, Jerusalem na yak, Idumea provins lo yak, you Jordan aen ate yak, Taia iŋ Saidon da sad loŋ na yan dam dususag dutumani a.

Jon 6:1

Murnag Jesus anen megeloum dida dumasag wog diŋaneg, you Galili awan aen ate diau. You an yaŋan neinta Taiberias dubol da.