Mak 5:9 - Takia

⁹ Aria, agog Jesus ur saiak an isumiani, “Oŋ yaŋa enti ak i?” Agog iŋ awan yabig igo ibol, “Ŋai yaŋag Legen, man dugo, maŋ wei kasik a.”

Mak 5:9 Iomraidhean Croise

Matyu 12:45

Amaiak niŋen o iŋ imul yaup, ur saiadi geig ak 7 taidam iŋal a. Ur an kulob sisaiak digane san man iŋ diriŋani geig a. Iŋ sisem ab an lo diladup dumado wa. Gubak mi tamol an san madok saian a, ak man gamu gup san madok saian geig a. Kagin nek amaiak tamolpein saiadi a gamu saen en lo dumado dan ilasa pidinai a.”

Matyu 26:53

Aŋ dugo ilom isou di? Ak dugo, ŋai Tamag ŋusumiani dop, eŋel malan 12 agod suguan taidam wei kasik dida ipanag kisaek oŋ o imoi ak i?

Mak 5:10

Agog iŋ afon mi Jesus ilon iŋane oŋ se, agop Jesus ikudai dop idiraip aben an ta dibisei na wo isumiani se ya.

Mak 5:15

Saen Jesus san na dilasa man, tamol imug mi ur sisaiak anda yan dileg durut dugo direr saian geig a. Man ata wo, gamu tamol en idagom dugo kankan uyan uyan aman da, ago dugo yamel sen ipulaug imasig imado dugo dile ya.

Mak 5:8

Iŋ Jesus ago isumiani a, man dugo, Jesus iŋ imug mi ur an irupei la yak igo ya, “Oŋ ur saiak, tamol en biseip lasa wau!”

Luk 8:30

Aria, Jesus tamol an isumiani, “Oŋ yaŋa enti?” Agog irupei, “Ŋai yaŋag Wei Kasik” Man dugo, gubak mi ur saiak wei mi tinin ilon lo diladug dumado se ya.