Mak 13:27 - Takia

²⁷ Ago dop Tamol Nanun iŋanen eŋel adi idiraip dufufurak diau a. Ante dop iŋanen tamolpein kob ipidinai an dutumanai a. Iŋ tim sukurun iwoiwo an lo nap diŋal dupalu wa, ago mi yaup tan gigin itout ak ate wa.”

Mak 13:27 Iomraidhean Croise

Matyu 12:42

Kwin a saut lo ilasa yan man, aŋ gamu saen en san tamolpein dida Anut san bitinaek nal lo sisem amasap, kot lo atur a. Ago dop kwin an aŋ niŋemi wo ru ibol ilasa dop boum ipanaŋ a. Man ata wo? Kwin an iŋ tan asau mok imado bo man, Solomon san kankan milaen amaiak ibol ilasa dop iloŋ o ipalu ya. Ago yak gug tamol ta dam iŋ ente imado da, tamol an man Solomon iriŋani geig a.

Matyu 13:41

Tamol Nanun mitep iŋsan eŋel idiraip dudu wa. Agop iŋ mel fidian tamolpein idiri dop aupasek digane dan dibiai ak, agod tamolpein fidian a sad tureŋ saian an dam dibiaip, dutumanai kisaek pe iŋsan kagin panek aben patun fo diabibol dilasa wa.

Matyu 13:49

Saen gamu tumado den san wadan ifutani dop nek ago mi ilasa wa. Eŋel adi dudup tamolpein saiadi ak, uyadi ak da, sensen didirai idu wa. Agop saiadi ak diabibol diau dop

Matyu 24:22

Anut saen en itutep katukan a, iŋ ago ta igane na tap man, tamolpein fidian mi dideg diau a. Ak man, saen an lo dop Anut tamolpein a ipilianai la yan niŋedi wo ilon isou wa. Amaiak niŋen o iŋ saen an itutep katukan a.

Matyu 24:24

Man dugo, kristus sewak, iŋ profet sewak adi dida dilasa wa, ago dop iŋ kulob girager tubun ak, agod mel naon senamo geig ak tamolpein malad lo dukubiaip dile wa. An lo dop iŋ tamolpein a Anut ipilianai la yan dam dirawaip lo diau dudu wo ago maeg digane wa. Ago bo man dirawai san ta idaisuda na wa.

Matyu 24:31

Ago dop eŋel ta tour iwip Tamol Nanun iŋanen eŋel adi idiraip dufurak diau a. Ante dop iŋanen tamolpein a ipilianai an dutumanai a. Iŋ tim sukurun iwoiwo, agod tan tilianek fidian dam ante diŋal dupalu wa.

Mak 13:20

Anut saen en itutep katukan a, iŋ ago ta igane na tap man, tamolpein fidian mi dideg diau a. Ak man, saen an lo dop Anut tamolpein a ipilianai la yan niŋedi wo ilon isou wa. Amaiak niŋen o iŋ saen an itutep katukan a.

Mak 13:22

Man dugo, kristus sewak ak iŋ profet sewak adi dida dilasa wa, ago dop iŋ kulob girager ak, agod mel naon senamo geig ak tamolpein malad lo dukubiaip dile wa. An lo dop idaisuda tap, iŋ tamolpein a Anut ipilianai la yan dirawaip lo diau dudu wo ago maeg digane wa.

Mak 13:28

“Aŋ ai gurab lo ilo sou agane wa, iŋ maŋau ka ipanaŋ a. Saen iŋsan raen you aman da, agod roun foun ilasa dop, aŋ aloŋ ak madid itout go ad ilasa san saen sumeik ipani da.

Luk 16:22

“Tamol uraru an ago digane yau nag, bigabeg tamol an imat go, Anut san eŋel diŋaneg diaug, Abraham giraŋen na digane ya. Agog filian tamol an dam imat go disare ya.

Luk 18:7

Aŋ ilom dugo isou dak i? Ak dugo, Anut san pilianek tamolpein a tidom ad duwagiŋ dugo ibinawai o dusumiani dan, ibinawai o saen milaen imoi ak i?

Jon 10:16

Ŋai sipsip malan taida mi sad tamad, iŋ ar en san tia ya. Sipsip an dam ŋaŋal ŋupalup ar en lo diladu wa. Iŋ dam ŋai awag duloŋ a, ago dop man sipsip malan kisaek ak, agod iŋaned titianek tamol dam kisaek a.

Jon 11:52

Gug iŋ Juda adi mi wo ta ibol na ya, tia, iŋ Anut san tamolpein aben gidigidad dumado dan niŋedi wo dam ibol a. Jesus itumanaip Anut san nanun muroun igo kisaek mi dumado wa, fun naok ago yan Kaiafas san ru ilon lo yen da.

Rom 8:33

Enti Anut naon na itur pe, ensauta a Anut ipilianai an niŋedi wo, iŋsad muruan isini ipalup ibol ilasa wak i? Talpein ta ago igane san tia ya, man dugo, Anut iŋsen mi ensauta iŋanen an itaot idirai la ya.

Kolosi 3:12

Fun an niŋen o, aŋ gamu Anut anen pilianek tamolpein a, aŋ gun amado dugo iŋ niŋemi wo tubun mi imat da. An niŋen o nek ibol tamol ta kulos iŋal go tinin fo idiri dak igo woŋ, kagin en aburoup kulos oŋ nam tinim abuluwi wa: ilo muŋanek, ilo panek, sem ibiaŋ adu san kagin, mos kagin, agod muruan asini san kagin.

2 Tesalonaika 2:1

Teig taog, idsad Tubun ak Jesus Kristus imul ipalu san, agod id iŋ da sisem tutumani san dam niŋen o kudodom agure wa. Aenkadi Tubun ak san Nal ilasa la yan niŋen ago dubol da. Profet ru ta boi, tia, maŋsama girek ta boi, tia, ru tim maŋ awama lo ilasa ago dubol boi, gidad, ru naok ago yan aloŋ tap, ilom lo ta rumok na wa. Gidad, maŋ ru dabai ak lo igo murupaiaŋ den aloŋ a, ririan arut dop aŋanem kankan ta yau imul na wa.

2 Timoti 2:10

Amaiak niŋen o, muruan naok fidian an lo ŋeil funai oŋ dugo ŋumado se ya. Anut san tamolpein pilianek ak ŋibinawai o ago ŋigane da, an lo patu pasek a Jesus Kristus lo ipalu dan diŋane dop, girager pempem yen san an dam diŋane wa.

1 Pita 1:2

Bai Anut gubak mi aŋ gamugo alasa yan san saen lo iliaŋ iloŋ go ipilianaŋ an lo Awan Urgun iŋsan urat lo aŋ iŋanen tamolpein gun ak alasa ya. Agog aŋ iŋanen tamolpein awa bek san ago mi amado ator a, agod Jesus Kristus iŋanen dar ikulmaek an lo aŋsam aupasek isuas panaŋ a. Anut iŋsan ilo panek, agod iŋsan ilo maror ipanaŋ pe ilom lo italbusip tubun ilasa wan o ŋugudani da.