Luk 8:1 - Takia

¹ Murnag Jesus panu panu lo, agod taun tubun ak lo Anut san kagin panek san ru ibol ilasa dugo itor se ya. Iŋsan megeloum 12 an dam dida tureŋ diabi se ya.

Luk 8:1 Iomraidhean Croise

Matyu 11:1

Saen Jesus iŋanen megeloum ru kagin irupidai itout man, iŋ aben an ibiseig yau a. Yaug aben an san taun gidigidad dien dan lo sad tamolpein ipiteŋanai dop Anut san ru ifulale wo itor se ya.

Matyu 13:19

Ai patun dal te dudu man nek ibol tamolpein Anut san kagin panek aben san ru duloŋ dugo san fun ta diŋane na yak igo woŋ a. An lo Satan ipalup ru a Anut tamolpein ilod lo ipaeg yen dan iŋanep ipasi yau a.

Matyu 4:23

Aria Jesus aben Galili ilon lo fidian itiliani pasik go sad ubou ab ilon lo maŋau ipiteŋanai dugo, Anut iŋanen kagin panek an san bilaluŋ dam malak malak ifulale se ya. Saen an lo tamolpein ilod lo subam naon funfun fidian agod ŋied banid ikikai an ikubuniai idu se ya.

Matyu 9:35

Jesus panu fidian agog taun fidian lo itilianig itor se ya. Iŋaned ubou ab fidian ilod lo ipiteŋanai go aben gidigidad lo Anut san kagin panek an san bilaluŋ uyanan ak niŋen o ibol ilasa se ya. Agod subam naok funfun an fidian dam ikubuniai na ya.

Mak 1:39

An lo man iŋ Galili distrik ilon lo tureŋ yabi se ya, sad ubou ab fidian lo ru ibol ilasa dugo ur sisaiak tamolpein tinidi lo yan dam ikudaig dilasa diau a.

Luk 1:80

Nanuk an italbusig iŋanen ŋutun lo dabai iŋaneg imado se ya. Aria, iŋ aben kawan ak lo imado yaug, iŋsan saen fog Isrel tamolpein malad lo kuai te ilasa ya.

Luk 20:1

Nal ta Jesus tempel lo tamolpein naod na Anut san ru ifulale dugo maŋau ipiteŋanai se ya. Agog pris gurman adi, kubiaeŋ san girek maŋau, agod matu gurman aenta dida dupalug Jesus dusumianig dubol,

Luk 4:18

“Tubun en san Ur ŋai lo imado da. Man dugo, ŋai tamolpein kawan filiad tia yan, ru uyanan ak ŋurupidaip duloŋ o ipilianag a. Iŋ ŋai idinag go ŋupalu man, tamolpein ru igo ŋurupidai a: a Satan isubanai an ŋai ka ŋupasaip kuai te dilasa wa, a malad itapul idu yan fon abaŋ ka dile wa, a tamolpein sen ak banid lo muruan dile dan, ŋai iŋsad muruan ŋigane itout a.

Luk 9:6

Agog megeloum diaug, panu panu bilaluŋ uyan ak dubol ilasa dugo, subam adi dam dukubiniai se ya.

Aposel 10:38

Jesus Nasaret tamol Anut ipilianig, iŋ fo Urgun dabai da iganeg idu yan aŋ aloŋ a. Iŋ panu panu itor dugo binawek igane dugo, talpein enti ta ur saian sad gurman paen na dumado dan ikubuniai se ya. Man dugo, Anut iŋ da dumado na ya.

Aposel 13:32

“Promis a Anut idsad tubud baged ipidinai an nuŋon ilasa ya, an niŋen o maŋ gamu bilaluŋ an misini mupalug murupaiaŋ dugo aloŋ da.

Rom 10:15

Agod taida mi, talpein ta, aenta ta didinaig diau na yak ago tap, en dugo woŋ pe tamolpein an naod na Kristus san ru dufufale pidinai ak i? Nek ibol ru e digire en ibol ago, “Tamolpein a bilaluŋ uyan ak disini dupalu dan, iŋaned ŋiedi tureŋ diabi dan siŋaokan mok a.”