Luk 3:8 - Takia

⁸ Aŋ ilom ibilisa dak iri panim, kagin an san nuŋon mok agane ilasa wa. Aŋ siŋanem ilom lo igo ta abol na wa, ‘Abraham man maŋ tamama ya, an maŋ o idaisuda ya.’ Man dugo, ŋai en ŋurupaiaŋ itaot da, Anut ilon ibol tap man, pat e dien den ka iŋal pe ibilisap Abraham nanun muroun mok oŋ dilasa wa.

Luk 3:8 Iomraidhean Croise

Matyu 21:43

“Amaiak niŋen o ŋai ŋurupaiaŋ da, Anut iŋsan kagin panek aben an, aŋ tuom lo ipasi yau a. An lo dop tamolpein sen ak ta, iŋ Anut san kagin panek aben an san nuŋon mok digane ilasa dan, kagin panek aben an iŋ ipidinai a.

Matyu 3:8

Aŋ kagin mok a ilom ibilisa dak iri panig yen dan mi agane ilasa wa.

Matyu 3:9

Aŋ aŋsem ilom lo igo ta abol na wa, ‘Abraham man maŋ tamama, an maŋ o idaisuda ya.’ Man dugo, ŋai en ŋurupaiaŋ itaot da, Anut ilon ibol tap man, pat e dien den ka iŋiliaip ibilaip Abraham nanun muroun mok dilasa wa.

Luk 13:25

Man dugo, ab taman dalawan ifutanip, an lo aenta asupakuk dop, patun fo atur a. Dalawan atitip, awagiŋ a, ‘Tubun en, oŋ dalawan pasi panama.’ “Gup iŋ ru naon igo irupaiaŋ a, ‘Aŋ dugon te alasa yan ŋai ta ŋaloŋ na ya.’

Luk 13:26

“Ago dop arupeip abol a, ‘Oŋ maŋ da sisem tani taluk na ya. Maŋsama panu lo dam piteŋanama na ya.’

Luk 14:9

Agop soubul taman an ipalup irupaio, ‘Oŋ gidad masa dop, iŋ aben en lo imasi wa.’ Agop oŋ miai tubun mi ifuno dop, masap waup, kapal wadan na yan fo masi wa.

Luk 19:40

Gug Jesus ru naon igo irupidai, “Ŋai ŋurupaiaŋ da. Iŋ dutokubol san tia ya. Iŋ awad itau tap, pat e dien dan naod diŋanep per dupanag a!”

Luk 19:9

Ago tag Jesus ibol, “Gamu ab en san muroun Anut san patu pasek iŋane ya. Man dugo, tamol en dam Abraham malan kubulan ta.

Luk 5:21

Ago tag kubiaeŋ san girek maŋau, iŋ Farisi dadi kankan diŋaneg ilod lo mi igo dusumiaeŋ, “Tamol en so tamol ta yak i? Ru a ibol dan man Anut kukokan igane da. Tamol ta muruan pasek san dabai anda man tia ya, Anut mi iŋ dabai anda ya.”

Jon 8:33

Ago tag iŋ ru naon igo durupei, “Maŋ Abraham malan kubulan mok a, maŋ urat bigabeg adi igo woŋ talpein ta paen na ta mumado na ya. Man ata wo maŋ talpein an paen na ta mumado na wak, ago ubol di?”

Jon 8:39

Iŋ Jesus awan diabig dubol, “Abraham mi maŋsama tamama.” Gug Jesus igo ibol, “Aŋ Abraham nanun muroun mok ak man, kagin naok a Abraham igane na yan aŋ atutuŋani wa.

Aposel 26:20

Malmalan mok Damaskus na ru ŋufulale se ya. Murnag Jerusalem nag, Judea sad gigin fidian log, Juda tia yak lo dam ŋaug, ru ŋufulale se ya. Iŋ bubed dibilisap, iŋaned saian patud dupanip, naodi Anut dupanip kagin saiak patud dupani an nuŋon kuai te digane ilasa wak san ru ŋufulale se ya.

Rom 4:16

Fun an niŋen o promis an ilo rumok lo mi ipalu ya. Ilo panek iŋ promis an san fun, man dugo, Anut sinan ilo panek lo mi Abraham promis an irupei a. Fun an lo promis an san nuŋon ilasag Abraham san malan kubulan fidian diŋane ya. An tamolpein a kubiaeŋ duganuri dan mi tia ya, tia, a iŋ Abraham san ilo rumok lo dutor dan dam promis an diŋane ya. Ata wo? Abraham iŋ id tamolpein naok naok fidian sad ilo rumok tamad a.

Rom 9:7

Ago dugo tamolpein an igo dubol, “Maŋ Abraham nanun muroun mok a,” dugo, an fidian Anut malan lo Abraham nanun muroun dumado di? Tia ya. Aloŋ, Anut san buk lo ru igo tusuti da, Anut Abraham irupeig ibol, “Aisak nanun muroun amaiak tamolpein dil pe oŋsa nanu murou ago dubol a.”

Filipai 1:11

Agod kagin itaotan san nuŋon wei mi Jesus Kristus lo ilasa dan, aŋ tinim lo idaisuda wa. An lo tamolpein iŋ Anut yaŋan girager aman da yak diabisa dop ilo uyan dupani wa.