Luk 18:1 - Takia

¹ Jesus megeloum dugudani oŋ dop dumado wa, ago dop ilod ta isali na wo ru faŋan ta irupidai a.

Luk 18:1 Iomraidhean Croise

Luk 11:10

Fidian dugudani dan diŋane wa. Ta abaŋ yabi dan ile wa. Ta dalawan ituti dan Anut ipasi pani wa.”

Luk 21:36

Ago yak niŋen o aŋ pempem nal an atitiani dop abaŋ ale wo uyanan a. Ago dop aŋ pempem Anut agudani dop lo, muruan a fidian dilasa wan niŋen o ka asol aup, Tamol Nanun naon na atur a.”

Rom 12:12

Oŋane mala nouk mado dan lo utur dop you isa wa. Muruan lo dop utur sakar a. Pempem Anut gudani dop mado wa.

2 Korint 4:1

Amaiak niŋen o maŋ urat e Anut san ilo muŋanek lo mabi den niŋen o, iloma ta idu na da.

Galesia 6:9

Amaiak niŋen o id kulob uyan uyan an mi tigane san kagin lo tatur sakar a. An ago tigane wo ilod ta isali na wa. Man dugo, murnap idaned naon tiŋane san saen gamugo idu dop, id ilod ta idu yau na tap, idaned naon siŋaok aman an tiŋane wa.

Efesus 6:18

Aŋ saen fidian lo, gidad mel dugo ilasa yan, Awan Urgun san dabai lo agudani wa. Man niŋen o nal fidian malam ipuk pe ta ayalis na wa, ago dop Anut san tamolpein fidian niŋedi wo agudani wa.

Filipai 4:6

Aŋ melmel o ilom ta gidigidad na wa, tia, mel fidian niŋen o Anut mi asumiani wa. Mel fidian niŋen gudanek agane dan, aŋanem ru an Anut arupeip iloŋ a, agod ilo uyan ru dam arupei wa.

Kolosi 4:12

Epafras, iŋ dam aŋsam tamol kisaek a, agod ilo uyan ru irupaiaŋ da. Iŋ Jesus Kristus san urat tamol mok a. Iŋsan gadiŋ lo aŋ niŋemi wo urat wagai igane dugo, Anut igo isumiani da: Anut ilon dugo ibol dak aloŋ uyan pe, tinim ŋutum fidian lo ari apani wa, agod aŋ mel ta niŋen o, ta katuk amam na wa, an lo dop aŋanem ilo rumok Kristus lo yan dabai a.

Kolosi 4:2

Aŋ saen pempem Anut agudani dop amado wa. Saen agudani dan, ilo sou agane uyan gup, Anut asumiani, agod pempem Anut ilo uyan apani wa.