Jon 2:11 - Takia

¹¹ Kulob girager en Jesus san urat malan malan Galili distrik lo Kana panu na igane ilasa ya. An lo iŋsan yaŋak tubun ak san dabai iŋ lo yen dan kuai isig, iŋsan megeloum dileg, iŋ o ilod lo rumok a.

Jon 2:11 Iomraidhean Croise

Jon 1:14

Ru an tamol nuŋon ilasag kuai isi a. Agog iŋ maŋ luluŋama lo ida mumado na ya. Rumok, Bai Anut iŋanen Nanun kisaek o lian idinig ipalu ya, ago dugo Nanun an san girager tubun ak mile ya. Ilo panek iŋ ru rumok da iŋ tinin iŋanefute ya.

Jon 1:17

Man dugo, Anut id Moses banin lo kubiaeŋ ipanad a, gug ilo panek iŋ ru rumok da man, Jesus Kristus lo mi ipanad a.

Jon 1:43

Dien dumasag, Jesus distrik Galili na yau o ilo sou igane ya. Iŋ Filip ileg irupei, “Oŋ ŋai da tau a.”

Jon 1:50

Agog Jesus ibol, “Ŋai oŋ gurab dabin fo mado dugo, ŋilio ŋabol an niŋen o oŋ ilo lo rumok i? Uloŋ ak, murnap oŋ mel tubun geig ak mel en iriŋani an ule uloŋ a.”

Jon 10:41

Ante tamolpein wei mi iŋsan na diaug igo dubol, “Rumok, Jon iŋ kulob girager ta kisaek igane man tia ya. Ago gug Jon tamol en niŋen ru fidian ibol na yan man ru rumok a.”

Jon 11:15

Gug ŋai ante ta ŋumado na yan niŋen o ilog uyan. Man dugo, en aŋ ibinawaŋ dop ŋai niŋeg o ilom lo rumok a. An niŋen o iŋsan na taup tile wa.”

Jon 11:47

Ago tag pris gurman adi, Farisi adi dida kaunsil digiaig dutumanig igo dubol, “Id dugo tigane wak i? Tamol an kulob girager wei mi igane da.

Jon 12:18

Tamolpein Jesus kulob a igane yan san ru duloŋ tag, diaug dal na dile ya.

Jon 12:37

Jesus kulob girager an fidian Juda adi naod na igane dugo dile ya, ak gug iŋ niŋen o ilod ta rumok na ya.

Jon 12:41

Aisaia ago ibol an san fun igo ya. Iŋ Kristus san girager tubun geig ak ile dugo, iŋ niŋen o ibol ilasa na ya.

Jon 14:13

Aŋ mel ta niŋen o ŋai yaŋag lo agudani tap, ŋai mel an ŋigane panaŋ a. An niŋen o Nanun urat dugo dugo igane dan lo, tamolpein Bai yaŋan tubun mi diabisa wa.

Jon 16:27

Tia, Bai iŋsen aŋ niŋemi wo imat da. Amaiak niŋen o iŋsen aŋ awam iloŋ a. Man dugo, aŋ ŋai o amat go Bai san na ŋumadog ŋupalu yan, ilom lo rumok a.

Jon 16:30

Gamu en maŋ maloŋ fufei ak, oŋ mel fidian uloŋ pasik a. An niŋen o ta iŋ oŋ isumiano wo mala igane san tia ya. An lo oŋ Anut san nag palu yan maŋ iloma lo rumok a.”

Jon 2:1

Nal uraru yau gug, panu Kana Galili distrik lo ante nug ŋanek san soubul digane. Jesus tinan ab an lo imado dugo, Jesus san megeloum dadi digiaig dupalug, nug ŋanek san soubul an lo dumado ya.

Jon 2:23

Jesus tumanek tubun Pasova dubol dan san saen lo, Jerusalem na imado dugo, doup tubun an iŋanen kulob girager igane yan dile tag, iŋ o ilod lo rumok a.

Jon 3:2

Tamol an tidom ta lo Jesus san na yaug, irupei, “Girek Maŋau, maŋ maloŋ ak Anut oŋ idinog maŋsama na girek maŋau igo palu ya. Man dugo, tamol enti a Anut ida dumado dan mi, kulob tubun tubun a oŋ gane dan iŋ ka igane wa. Iŋ Anut san tia dop man, urat a gane dan igane san tia ya.”

Jon 4:46

Agog Jesus fon Kana panu na ilasa ya. Panu ante imug you ibilisag wain ilasa ya. Ante imado dugo, kiŋ san urat tamol gurman ta nanun Kaperniam na imado yan, subam ifuni saian. Iŋ Jesus Galili distrik lo imado yan iloŋ tag, imasag ririan Jesus san na yau. Iŋ yaug, iŋanen nanun imat o itor dan, Jesus ikubunep uyan ilasa wo imosiai a.

Jon 4:54

Jesus iŋ Judea ibiseig Galili na ipalu gug, kulob girager en igane ya. Kulob en Jesus san urat girager tinin te yak Galili distrik lo igane ilasa ya.

Jon 5:23

Taman ilon man, nek ibol tamolpein Taman yaŋan disini dak igo woŋ, iŋ fidian Nanun dam yaŋan disini wa. Talpein enti a Nanun yaŋan ta isini na dan man, Taman a Nanun iganeg ipalu yan dam yaŋan ta isini na da.

Jon 6:14

An niŋen o tamolpein kulob girager dabai an dileg, agog nug lo diŋiŋeŋ go dubol, “Rumok nuŋon, aŋ ilom dugo isou dak i? En man tag Profet a Anut gubak mi ibol amaiak tan na ipalu wo tamol nek ema ya.”

Jon 6:2

Tamolpein wei mi Jesus ŋien aban fo diau, man dugo, iŋ tamolpein subam amadi da yak ibinawaig uyadi dugo kulob girager dile amaiak niŋen o iŋ ŋien fo diau na ya.

Jon 6:26

Jesus awad yabig irupudai, “Ŋai rumok nuŋon mi ŋurupaiaŋ da, aŋ kulob girager ale yan niŋen o ŋai ta abaŋag abig apalu na ya. Tia. Aŋ anaŋ anig luam ipuk amaiak niŋen o mi ŋai abaŋag abig apalu ya.

Jon 6:30

Ago tag iŋ dusumiani, “Oŋ enso kulob girager ta ganep, an lo maŋ mile dop iloma lo rumok ak i? Oŋ dugo gane wak i?

Jon 7:31

Tamolpein wei mi iŋ niŋen o ilod lo rumok go ago dubol, “Tamol en tag Kristus e. Ata wo? Tamol sen ak san kulob dabai tutubun igane dan tamol en san urat iriŋani wak i? Tia geig a.”

Jon 9:16

Ago tag Farisi aenta igo dubol, “Tamol an iŋ Anut san nag ta ipalu na ya, man dugo, iŋ Sabat nal san kubiaeŋ ta iri na da.” Gug aenta dubol, “En dugo woŋ pe tamol aupasek anda yak kulob girager igo yak ka igane wak i?” Nek an log nug ditarpaleg malan uraru dilasa ya.

2 Korint 3:18

Agod id ensauta a yamel malad ta ibalfutani na dan, id tig igo woŋ Tubun en san girager id naod kapen fo yan isapudade dugo imul yau da. Ago dop girager ta san na tupalu dop girager subuŋan taidam san na tau da, nek ago Tubun en idirad pe tibileksa yau oŋ da, an lo iŋsen igo mi ago tilasa wa. Man dugo, kulob en man Tubun ak enti a Ur an, iŋsan nag ipalu ya.

2 Korint 4:17

Man dugo, muruan e saen katukan mi yen san ak misini den man, girager tubun kasik bageu san ikubune panama da. Girager an pempem mi yen a, agod iŋanen tubun an tou mupani san maŋ ta idaisuda na wa. An niŋen o muruan gamu misini den an mel kawan mok a.

2 Korint 4:6

Wagam Anut igo ibol, “Tidom tubun ilon lo lilaman ta ided a.” Anut nek amaiak mi maŋ bubema ilon lo lilaman iganeg ided da. Lilaman an man, maŋ Anut san girager niŋen maŋau am da ya. Agod girager an san lilaman Kristus sen naon fo na ided dugo mile ya.

1 Jon 5:13

Aŋ Anut Nanun yaŋan niŋen o ilom lo rumok an, girek en ŋigire panaŋ da. Agop aŋ kumaen pempem san aŋane la yan aloŋ a.