Jon 11:4 - Takia

⁴ Jesus an iloŋ go ibol, “Subam an man tamol an igane imat mok san tia ya. Tia, an man Anut san girager tubun ak tamolpein ikubiai dilep ate yaŋan diabisa san. Nek kulob an lo Anut Nanun dam yaŋan tubun ak iŋane wa.”

Jon 11:4 Iomraidhean Croise

Jon 10:38

Ak man rumok, ŋai iŋanen urat ŋigane da. An niŋen o gidad, aŋ ŋaisag ru ilom lo ta rumok na yak abol bo man, kulob girager ŋigane dugo, ale yan fidian an niŋen o, aŋ ŋai o ilom rumok a. An lo dop aŋ ilo girek aganep, aloŋ uyan ak igo, Bai ŋai lo imado dak, ŋai Bai lo ŋumado da.”

Jon 11:40

Ak man Jesus irupei, “Imug mi ŋai oŋ ŋurupaio la ya, oŋ ilo lo rumok dop man, oŋ Anut san dabai girager anda yan ule wa.”

Jon 12:28

Bai, gidad oŋsa bunu uyan uyan ak kubiai dile!” Jesus ago ibol dugo, Anut awan lak na idug igo ibol, “Ŋai yaŋag ŋiganeg tubun la ya. Gug fon ŋiganep, tubun geig a.”

Jon 17:1

Jesus ru an ibol itout dugo malan lak na isidag, ibol, “Bai, ŋaisag nal idu la ya. Oŋ nanu yaŋak tubun ak panip, iŋanen bunun kuai te gane ilasa wa, an lo Nanu dam oŋ yaŋak tubun ak ipanop, oŋane bunu kuai te igane ilasa wa.

Jon 17:10

Tamolpein a fidian ŋaisag man oŋsa ya, agod oŋsa man ŋaisag a. Iŋ lo ŋai yaŋak tubun ak ŋiŋane ya.

Jon 17:5

O Bai, wagam oŋ tan ta gane na dugo, oŋ ŋai da girager ilalaŋ aman an lo tumado ya. Ŋai oŋsa na ŋamul ŋupalu gup, girager an fon panag da wa.

Jon 2:11

Kulob girager en Jesus san urat malan malan Galili distrik lo Kana panu na igane ilasa ya. An lo iŋsan yaŋak tubun ak san dabai iŋ lo yen dan kuai isig, iŋsan megeloum dileg, iŋ o ilod lo rumok a.

Jon 5:23

Taman ilon man, nek ibol tamolpein Taman yaŋan disini dak igo woŋ, iŋ fidian Nanun dam yaŋan disini wa. Talpein enti a Nanun yaŋan ta isini na dan man, Taman a Nanun iganeg ipalu yan dam yaŋan ta isini na da.

Jon 8:54

Jesus ru naon igo ibol, “Ŋaiseg yaŋag ŋabisa dop man, ŋai yaŋag an kawan a. Gug ŋaisag Bai, iŋ aŋanem Anut abol dan, iŋ ŋai yaŋag yabisa da.

Jon 9:24

Ago tag tamol imug malan itau an afon mi duwagig durupei, “Oŋ Anut yaŋan mi wabisa. Man dugo, maŋ maloŋ ak, Jesus man aupasek tamol a.”

Jon 9:3

Ago gug Jesus awad yabig ibol, “Tamol en san ai wadan tia ya, tinan taman dam sad ai wadan tia ya. Kulob en igo ilasa yan, ate murnap Anut iŋanen urat san dabai tamol en tinin lo tamolpein ikubiaip dile wa.

Rom 11:11

Dugo, iŋ ŋied dusueg diau dudu yan fon dumasa san tia i? Man tia geig a. Tia, iŋ aupasek digane yan lo Anut gob adi patud ipasi san dal igane ilasa ya. Anut gob adi lo ago igane yan Isrel tamolpein tiŋae fufaik ipidinai a.

Filipai 1:11

Agod kagin itaotan san nuŋon wei mi Jesus Kristus lo ilasa dan, aŋ tinim lo idaisuda wa. An lo tamolpein iŋ Anut yaŋan girager aman da yak diabisa dop ilo uyan dupani wa.

Filipai 1:20

Ŋai tini ganei tubun mi ŋigane da, agod ŋai ilog lo igo yen da, dal fidian lo ŋai miai ta ŋiŋane na wa. Tia, ŋai ilog dabai go pempem ago ŋigane se yak ago mi, gamu en dam Kristus iŋanen yaŋan ŋaisag tinig lo imasap yau dop tamolpein fidian ka dile wa, kumaen lo boi, tia, mateŋ lo boi.

1 Pita 1:21

Kristus lo aŋ fun aganeg Anut a iŋ mateŋ lo ifufunig kumaen yabisag yaŋak tubun ak ipani an ilom lo rumok a, ago yan lo gamu aŋanem ilo rumok agod aŋanem tini ganei dam diaug Anut lo dututou da.

1 Pita 4:11

Ta iŋ ru ifulale san maŋau aman da tap, nek ibol Anut san ru mok mi ifulale dan igo ru ifulale wa. Ta iŋ binawek urat igane tap, dabai a Anut ipani dan lo urat an igane wa. Ago dop urat fidian lo tamolpein ka Anut per dupani wa, an man Jesus Kristus lo mi a.

1 Pita 4:14

Aŋ Kristus yaŋan niŋen o saian dupanaŋ tap man aŋ tamolpein Anut san bar aŋane ya, man dugo, Ur a Anut san agod girager san an aŋ tinim lo yen da.