Jon 1:19 - Takia

¹⁹ Jon ru e Jesus niŋen o ibol ilasa yen man igo ya. Saen Juda gurman adi a Jerusalem na dumado dan pris aenta, Liwai adi da didinaig Jerusalem dubuseig diaug, Jon fun duloŋ o dusumianig dubol, “Oŋ enti i?”

Jon 1:19 Iomraidhean Croise

Jon 10:24

Ago dugo Juda adi dufutani dulubanig igo dubol, “Nal saŋeptap oŋ enti mok an kuai tem ubol dop maloŋ ak i? Oŋ Kristus dop man, kuai tem ubol dop maloŋ.”

Aposel 19:4

Ago tag Pol irupidai, “Jon san suguek man tamolpein iŋaned aupasek patud dupani ak san a. Iŋ Isrel tamolpein irupidai, ‘Tamol a ŋai ŋieg aban fo ipalu dan ilom lo rumok a. Tamol an Jesus.’”

Aposel 13:25

Saen Jon iŋanen urat wadan ifutani wo sumeik dugo isumianai, ‘Aŋ ŋai enti abol dak i? Ŋai man tamol a malan agane dan tia ya. Tia, tamol an ŋai ŋieg aban fo ipalu da. Ŋai iŋsan sendal san kam ŋupasi san ta idaisuda na ya.’

Jon 2:18

Jesus ago igane dugo Juda gurman dileg, dumoi go dubol, “Oŋ ata kulob girager ta ganep maŋ milep maloŋ ak, oŋ en so dabai ta lo igo gane dak i?”

Jon 5:10

Ago yak niŋen o Juda adi tamol a tinin uyan an dupeig dubol, “Gamu man yaes bilabal san nal, oŋsigane gadab sinip utor san man geg mok a.”

Jon 6:52

Ago tag Juda adi iŋsed nug dupei dugo dubol, “En dugo woŋ pe tamol en iŋsen tinin ipanad pe tani wak i?”

Jon 6:41

Saen Jesus, iŋsen anaŋ lak na yak ibiseig idu yen ago ibol dugo, Juda adi iŋ tiŋaed saian go iŋ niŋen o duŋurŋur se ya.

Jon 2:20

Agog Juda adi Jesus durupei, “Ab en anaŋar 46 lo diabig itout a. Gug gamu oŋ en nal utol lo mi wabisa da wo ubol dak i?”

Jon 5:15

Agog tamol an yaug, Juda gurman adi irupudai duloŋ, “Tamol a ŋai ikubuniag go uyag an man yaŋan Jesus.”

Jon 5:16

An niŋen o Juda adi Jesus yaes bilabal nal lo urat igane an niŋen o tiŋaed saian go fun diganeg muruan dupani se ya.

Jon 5:18

Ru an niŋen o Juda adi tiŋaed saian go, Jesus dufuni imat o maeg tubun mi digane na ya. An sabat nal ipilali ak niŋen o mi iŋ ago ta digane na ya, tia, Anut iŋ taman mok ibol ak, ru naok an lo iŋsen Anut da tou kisaek mi ibol da, an lo tiŋaed tubun mi saian a.

Jon 7:1

Murnag Jesus iŋsen ilon dugo yen dak irig, Galili distrik lo mi itor se ya. Man dugo, Juda adi iŋ dufuni imat o digane se ya, an lo iŋ Judea distrik lo yau man imoi a.

Jon 7:11

Aria, tumanek tubun an ilon lo, Juda gurman adi Jesus abaŋan diabi dugo, niŋen o dusumiaig dubol, “Tamol an dugon te imado dak i?”

Jon 7:15

An niŋen o Juda adi durut saian go dubol, “Tamol en maŋau ta dipiteŋani na ya. Ago gug en dugon te maŋau igo yan iŋane yak i?”

Jon 8:22

Ago dugo Juda adi igo dubol, “Iŋ ibol ak, iŋ ate yau dan id ate tau san tia ya. Dugo, dag iŋsen ifuni imat o ago ibol di?”

Jon 8:48

Juda adi tiŋaed saian dugo awan diabig igo dubol, “Oŋ Sameria tamol, agod oŋ ur saiak ama da ya! Ago mabol an ta rumok na yak i?”

Jon 8:52

Juda adi ago duloŋ go awad ipuk go dubol, “Maŋ gamu maloŋ uyan ak, oŋ ur saian ama da ya. Abraham imat la yak, profet adi dam wagam mi dumat la ya. Ago bo man oŋ talpein oŋane awa iri ipani dan mateŋ ile san tia ubol da.

Jon 8:57

Ago tag Juda adi durupeig dubol, “Ak dugo, oŋsa anaŋar gamugo 50 yabi bo man oŋ Abraham ule ubol di?”

Jon 10:31

Ago tag Juda adi fon pat duburoug, dufuni imat o da.

Jon 11:19

Juda tamolpein wei mi Marta Maria da ludi imat ak niŋen o dabai dupidinai o dususa ya.

1 Jon 1:5

Ru a iŋ awan lo maloŋ an mabol aloŋ da. Anut mi iŋ ilalaŋ. Iŋ lo tidom tubun ta yen man tia geig a.