Jems 5:3 - Takia

³ Agop aŋsam pat fidian dam teirteir lo isuda wa. Teirteir an aŋ tamolpein fidian sam kagin saiak saiak ikubiai dop dile wa. Teirteir an aŋsam mudam mi yai inani woŋ a. Fun dugo, tan en san nal wadan lo aŋsam filiami an atumani da.

Jems 5:3 Iomraidhean Croise

Aposel 2:17

“Anut ibol, ‘Saen wadan ipalu wo sumeik dop, ŋai ŋaineg Urgun tamolpein fidian sad tinid fo ŋuwali idup diŋane wa. Nanuk tamol ak, iŋ nanuk pein ak dam profet ru dubol ilasa wa. Aŋanem pinein foudi ak malad ŋutun dile wa. Aŋanem tamol busumadi ak ŋioŋ lo ŋioŋamin diŋane wa.

Rom 2:5

Ak man oŋ bube sakar tinan a, agod oŋane aupasek an lo ilo bileksa man umoi da. Kagin an naon man, oŋse Anut san tiŋae mumarek an se itumani pano da. Agod nal idu dan te dop Anut san bitinaek itaot ak malak malak ikubiaip tile wa, saen an lo dop iŋsan tiŋae mumarek an oŋ tini fo iwali idu wa.

2 Timoti 2:17

Piteŋanek ago yan, nek ibol baob geŋgeŋ igo ilasap midaeŋ luluŋad lo mudadi yani yau a. Tamol uraru mel naok a dupiteŋanai dan Himeneus iŋ Filetus da ya.

2 Pita 3:3

Mel en inug aloŋ o ŋamat da. Nal wadan dilasa dan san saen lo dop tamolpein aŋsam ilo rumok en kukok an digane san dilasa wa. Iŋ Tubun en san ru niŋen o disel a, agod ilod imasap mel dugo digane wo ilod ibol an mi duri da.

Revelesen 17:16

Mel kasik en, agod fai 10 e ule yen dam, iŋ sisem jeit pein an lo siai digane wa. Iŋ pein an san biouŋ fidian dupasi idup nuŋon kawan ilasa wa. Agop iŋsan tinin mudan diani dop yai lo dumarip inani yau a.

Revelesen 20:15

Tamolpein fidian yaŋad kumaen san buk ilon lo ta yen na tap, yai saltek lo diabibol dudu diau a.

Revelesen 21:8

Ak man, talpein a direr dugo dusuk dumul dan, talpein a iŋaned ilo rumok patud dupani dan, a kagin saian geig nun anda yak digane dan, talpein a dufu dumat dan, a jeit kagin digane dan, a nawir digane dan, a tubud sewak adi lo dugudani dugo sad ubou leil digane dan, agod tamolpein fidian ru sewak dubol dan, iŋaned aben man, yai saltek pat salfa lo ided dan ate dumado wa. En man mateŋ murnai a.”