Jems 2:5 - Takia

⁵ Aloŋ, ŋai teig muroug, Anut tamolpein yaŋad tan en lo tia yan yaŋad iŋane wa, agod iŋ ilo rumok lo idaisuda yan ipilianai la ya, an lo Anut dam san madok aben lo filian fidian ipidinai a. Man dugo, fidian enti iŋ niŋedi wo imat den, Anut promis ipidinai ak ago igane wa.

Jems 2:5 Iomraidhean Croise

Matyu 11:5

malad itau ak afon abaŋ dile dugo, ŋied saian ak afon tureŋ diabi dugo, a tinid lepra amad da yan tinid siŋaokan dilasa ya. Kududod itau ak ŋiŋeŋ afon duloŋ dugo, a dumat ak kumaen dumasag dumado dugo, agod tamolpein mel amad tia yak bilaluŋ uyanan ak ŋufulale pidinai dugo duloŋ da.

Matyu 25:34

“Agop Kiŋ tamolpein a tuon won ak ate dumado dan, igo irupidai, ‘Aŋ ŋaineg Bai san bar aŋane ya. Apalup kagin panek aben e Anut fun lo mok tan igane ilasa wo dugo ikubuneg yen den aŋane wa.

Matyu 5:3

“Talpein enti ŋutun lo binawek niŋen katukan, an bar iŋaneg imado da. Man dugo, Anut san kagin panek man iŋsan mok a.

Mak 7:14

Agog Jesus iŋ fon tamolpein fidian siŋiren na dupalu wo igiai a. Dupalug, ru ago ibol irupidai, “Aŋ fidian kududom agurep, ru en ŋabol dop, aloŋ fufei wa.

Luk 12:21

“Tamolpein ensauta a tan en lo iŋaned filian bageu san tubun mi dutumani wo dumat da, ago gug Anut malan lo man iŋ filiad tia ya, kagin nek ago mi iŋ lo ilasa wa.”

Luk 12:32

“O ŋaisag sipsip malan wei tia yan, arer amoi. Aŋanem Tamam iŋanen ilo uyan lo iŋanen kagin panek ipanaŋ a.

Luk 16:22

“Tamol uraru an ago digane yau nag, bigabeg tamol an imat go, Anut san eŋel diŋaneg diaug, Abraham giraŋen na digane ya. Agog filian tamol an dam imat go disare ya.

Luk 16:25

“Ago tag Abraham ru naon irupei, ‘Nanug, ilo isou. Saen oŋ tan na kumae mado dugo, oŋ oŋsa mel uyan uyan ak ŋane na ya, ago dugo Lasarus mel saian saian ak mi iŋane na ya. Gug gamu iŋ ilon pasa ibol dugo oŋ madai tubun geig ak sini da.

Luk 22:29

Ago tag nek ibol ŋaineg Tamag iŋsan tamolpein ŋitirnai san dabai ipanag ak igo, ŋai dam dabai ŋupanaŋ a, an lo dop ŋaisag tamolpein atirnai a.

Luk 6:20

Jesus iŋanen megeloum lo leil igane dugo ibol, “Aŋ a mel amam tiag amado dan, bar aŋaneg amado da. Man dugo, Anut san kagin panek man aŋanem mok a.

Jon 7:48

Dugo, maŋ gurman luluŋama lo, tia, Farisi adi luluŋad lo ta kisaek tamol en niŋen o ilon rumok ak ale i? Man tia geig a.

Aposel 7:2

Ago tag Stiven ru naon irupidaig igo ibol, “Teig taog, tamag muroug, kududom agure! Id tubud baged Abraham wagam geig Mesopotemia na imado dugo, saen an lo iŋ gamugo Haran na yau dugo, Anut lilaman anda yan naon na ilasa ya.

Rom 8:17

Aria, id Anut nanun muroun tumado tap, filian tiŋane san tamolpein tumado wa. Awo, id Kristus da madai tisini tap, id iŋ da Anut san filian tiŋane wa. Man dugo, id Kristus da madai tisini dan lo Anut mi id Kristus da girager ipanad a.

1 Korint 2:9

Ak man ru ta gubak mi digire yan igo ibol a, “Melmel a tamol malad nam ta dile na yan, kududod ta iloŋ na yan, kitek ilo girek aman ta digane na yan, melmel an Anut ikubune lag dien da, an lo dop tamolpein a iŋ niŋen o dumat dan ipidinai a.”

2 Korint 4:15

Amaiak niŋen o muruan a fidian misini dan man aŋ ibinawaŋ o misini da. Agod saen Anut san ilo panek ifufurak yau dop tamolpein wei mi ilo panek an diŋanep per dupani dop lo iŋsan girager lak na geig isuda yau a.

2 Korint 6:10

Maŋ iloma ipapao da, ago gug pempem yousai lo mi mumado da. Maŋ filiama tia ya, ago gug man tamolpein wei mi midirai filian tamol dilasa da. Maŋ mel amama tia ya, ago gug mel fidian maŋsama mi a.

2 Korint 8:9

Man dugo, aŋ Jesus Kristus idsad Tubun en san ilo panek kagin ale aloŋ la ya. Iŋ bo filian tamol a, ago gug man iŋ aŋ niŋem o filian tia yak ago ilasa ya. Ago dop iŋ filian tia yak niŋen o man aŋ filian tamolpein alasa wa.

Efesus 1:18

Ŋaisag gadiŋ lo Anut ŋusumianip aŋ lilaman ipanaŋ dop ilom isafulale wa. Agod melmel a aŋane wo igiaŋ go mala nouk amado dan san fun mok aloŋ uyan a. Agod Kristus san filian a girager aman da yan iŋsan tamolpein gun ak ipidinai o promis ru ibol an dam aloŋ uyan a.

Efesus 3:8

Gidad, ŋai Anut san tamolpein luluŋad lo, tamol kawan ak igo woŋ ŋumado bo man, iŋ ŋai ilon ipanag go urat emaiak ipanag a. Urat en man, Kristus san bunun uyanan a taloŋ san id ta idaisuda na yan niŋen o, gob adi naod na kuai te ŋabol ilasa dop duloŋ a.

1 Tesalonaika 2:12

Maŋ tan suek ru mupanaŋ dugo, ilo maror san ru murupaiaŋ se ya. Ago dugo aŋanem madok tan en lo man, Anut enti aŋ igiaŋ go iŋanen girager alep iŋsan kagin panek aben lo aladup fom idaisuda san niŋen o musurnaŋ se ya.

2 Tesalonaika 1:5

Kulob a kuai tem ikibiai panad dan man, Anut san bitinaek itaot mok a. Ru e ŋabol en fun man, muruan wei mi aleg, an lo Anut malan lo iŋ awok ipanaŋ dop, aben a Anut kagin ipanad san an lo aladu wa. Aŋ aben an san a, aben an lo au ak niŋen o aŋ madai gamu akubiani da.

1 Timoti 6:18

Iŋ urat digane uyan ak ubol a. Iŋaned filian mok man, tan en san biouŋ tia ya, tia, kagin naok naok uyan an digane san mi ak ago rupidai a, agod mel uyan uyan wei mi tamolpein a mel ta lo katuk amadi an dipidinai o tawaŋ digane wa.

2 Timoti 4:18

Rumok, Tubun en ago mi muruan fidian lo ŋai patug ipasi wa, agod patug ipasip iŋanen kagin panek san aben a lak na yen dan lo ŋau a. Id iŋ yaŋan pempem tabisa wa. Rumok.

2 Timoti 4:8

Amaiak niŋen o, kagin itaot an san naon Anut ikubuneg yen da, agod bitinaek san nal lo Tubun a bitinaek tamol itaot an naon ipanag a. Ŋai niŋeg o mi ago ta igane na da. Tia, tamolpein fidian Kristus kuai isi wo dumat dan anek anek atem naon kisaek ago mi ipidinai a.

Hibru 11:26

Iŋ misilanek Kristus yaŋan niŋen o ile man Igipta sad bala filian an fidian iriŋani pasik an ibol a. Man dugo, iŋsan ilo isou imug yau an lo iŋsan urat naon ile ya.

Jems 1:12

Tamol iŋ itur sakar pe, ate suek lo muruan isini tap iŋ dam ka ilon uyan a. Iŋ ate suek an iriŋani pasik tap, Anut iŋ murnap naon madok pempem san ipani wa, madok an kumaen panu lo yen da. Anut wagam ibol la ya, tamol iŋ ilon ipani mok tap iŋ kumaen imadop milaen a, an itout san tia ya.

Jems 1:16

Ago yak niŋen o, ŋai teig muroug, mel en ale dop niŋen o sem ta irawaŋ na wa.

Jems 1:19

Ŋai teig muroug, aŋ ru kagin en aloŋ uyan. Aŋ fidian kududom agurep ru aloŋ uyanan, ilo isou agane gup ru abol a, agod tiŋaem dam ta saian kisaek oŋ na wa.

Jems 1:9

Kris tamol ta iŋ yaŋan tia man ilon ka uyan a, man dugo, murnap Anut yabisap yaŋak tubun ak ipani wa.

1 Pita 1:4

Id nanuk foun tilasa yan lo Anut san mel uyan uyan ak lak na yen dan, iŋ ipilianad pe murna gup an fidian tiŋane wa. Melmel en ta idafur na wa, tamolpein sad aupasek iganep melmel an nun dilasa san tia ya, agod an sad leil siŋaokan an ta saian na wa. Melmel en murna san an Anut kumaen panu na aŋ niŋemi wo kagin ipani da.

2 Pita 1:11

Ago dop saen aŋ idsad Tubun en Jesus Kristus idsad patu pasek tamol san kagin panek aben an lo aladu wo dop man, malam dupare uyanan a.

Revelesen 2:9

Ŋai aŋsam na muruan di, madai dam ilasa yan ŋaloŋ a. Agod ŋai ŋaloŋ ak man, aŋ filiam tiag amado da. Ago bo man aŋ filiam amam da geig a. Taida mi, tamol aenta dam aŋ niŋem o uf ru dubol dan ŋaloŋ a. Tamol an iŋ Juda sadi ak ago dubol da, ak gug iŋ Juda sad tia geig a. Iŋ Satan san midaeŋ mi a.

Revelesen 21:7

Talpein enti yu igane itout dop mel en fidian iŋsad tamad imado wa. Ŋai man iŋanen Anut, agod iŋ dam ŋaineg nanug mok a.

Revelesen 3:18

Amaiak niŋen o ŋai kankan emaiak ŋupanaŋ o da. Aŋ ŋaisag na apalup melmel ibunawaŋ san ka adad a. Aŋ gol yai lo dumarig itaotan ilasa yan adad dop man, aŋ filiam mok amam da wa. Agod aŋ kulos milkouk ak tinim atuani san adad dop man, tamol adi aŋ taem kawan amado dan ta dile na wa, an lo miai ta ifunaŋ na wa. Taida mi, aŋ marasin malam te abubuni san adad dop man, abaŋ ka ale wa.