Biblia Todo Logo
Bìoball air-loidhne

- Sanasan -




Aposel 4:32 - Takia

32 Ilo rumok adi fidian iŋsad kankan agod iŋsad ilod dam kisaek mi a. Ta iŋsan biouŋ biouŋ an iŋsiganen mi ago ibol man tia ya. Tia, fidian melmel nug duwae dupani se ya.

Faic an caibideil Dèan lethbhreac




Aposel 4:32
21 Iomraidhean Croise  

Ŋai tan en ŋibiseip, oŋsa na ŋupalu wo da. Gug iŋ ete tan na dumado wa. O Bai, oŋ gun ak, oŋane yaŋa dabai, nek ŋai panag en, an lo idaned tamolpein kaginad gane dop, iŋ kisaek mi dumado wa, nek ŋai oŋ da tumado dak ago mi a.


Tamol an pempem dugudani wo dutumani se ya. Jesus tinan Maria, iŋ pein aenkadi, agod Jesus tein muroun dam dida dutumani a.


Pentikos nal idu, agog ilo rumok adi fidian dupalug, kisaek mi dutumanig dumado dugo,


Aposel adi kulob girager wei kasik tamolpein luluŋad lo digane se ya. Ago dugo ilo rumok adi Solomon san Madok Aben ilon lo dutumani na ya.


Nek ago mi, id ilo rumok adi man wei mi bo man Kristus tinin lo tutumanig tinik kisaek tilasa ya. Agod id kisaek kisaek idsad tinid man aenta sad tinid san boi tumado da.


Ŋai teig taog, idsad Tubun en Jesus Kristus yaŋan lo ŋusumianaŋ da, aŋ fidian mi ilom kisaek dop aŋ luluŋam lo biatitek ta yen na wa. Ŋai ilog ibol dak, aŋ fidian mi ilom atumani, agod aŋanem ilo sou dam kisaek a.


Teig taog, gamu ŋai ru wadan ŋufutani dugo ilo uyan ru ŋurupaiaŋ da. Aŋanem kagin naok naok akubune wa. Aŋ ŋaisag ru kagin aloŋ uyan a. Aŋ ilom atumanip bubem kisaek amado, maror lo amado wa. Ago dop Anut a iŋ ilo panek san, maror san dam, iŋ aŋ da amado wa.


Muruan dugo ilasa tap, aŋ aŋanem tureŋ kagin apani uyanan a, kagin naok a bilaluŋ uyan ak Kristus niŋen o yaŋan tubun ak ipani san idaisuda yan, kagin amaiak mi agane wa. An lo dop gidad, ŋai aŋsam na ŋupalup ŋiliaŋ ak boi, tia, ŋai naog tia dop awam ŋaloŋ bo man, aŋ niŋemi wo ŋai ŋaloŋ ak, aŋ ilom kisaek mi lo atur sakar da. Ilom kankan kisaek lo atumanip dabai agane wa, an lo ilo rumok a bilaluŋ uyan ak igane ilasa dan tamolpein bubed lo ilasap yen a.


Ŋaineg ru kagin wadan igo ya. Aŋ fidian kankan kisaek, agod nug ilon imuŋani wa. Nug tein taon igo woŋ nug niŋen o amat a. Nug niŋen o bubem apasi wak, sem ibiaŋ adu dop aenta diriŋanaŋ ak ago ilom isou wa.


Ta iŋ ru ifulale san maŋau aman da tap, nek ibol Anut san ru mok mi ifulale dan igo ru ifulale wa. Ta iŋ binawek urat igane tap, dabai a Anut ipani dan lo urat an igane wa. Ago dop urat fidian lo tamolpein ka Anut per dupani wa, an man Jesus Kristus lo mi a.


Lean sinn:

Sanasan


Sanasan