Aposel 2:9 - Takia

^9-11 Id fidian tan asau ak sensen lo tupalu ya. Gug Anut mel tutubun igane yak id anen anen idsiganed muroud ru lo dubol dugo taloŋ da. Id aenkadi Patia, Media, Ilam na, agod aenkadi Mesopotemia, Judea, Kapadosia na tupalu ya. Aenkadi Pontas, Esia na, agod aenkadi Frisia, Pamfilia na dupalu ya. Aenkadi Igipta na, agod Libia san tan kilaken aenta Sairini giraŋen na, agod aenkadi Rom na dupalu ya. Aenkadi Juda mok, go aenkadi man Juda tia gug Juda sad ubou lo diau da. Agod aenkadi Krit na, aenkadi Arebia na dupalu ya. Id a fidian tupalu yan idsed awad anen anen taloŋ da.”

Aposel 2:9 Iomraidhean Croise

Aposel 16:6

Urgun iŋ Esia san tan fidian lo Anut san ru dubol ilasa wo man geg ipidinai a. Ago tag iŋ Frisia na, agod Galesia na mi tureŋ diabi na ya.

Aposel 18:2

Atna Juda tamol ta yaŋan Akwila ile ya. Tamol an Pontas tamol. Iŋ iwon Prisila da wari na geig Itali dibiseig Korint na dupalu ya. Man dugo, Kaisa a yaŋan Klodias dubol dan, Juda fidian a Rom na dumado dan Rom dibisei wo ru dabai nam ru kagin ago irupidai a. Ago tag Pol Akwila iwon da yil o sad na yau a.

Aposel 19:10

Anaŋar uraru nek ago mi igane dugo, Esia distrik lo Juda tamolpein, agod a Juda tia yan dam fidian Tubun en san ru duloŋ a.

Aposel 19:27

Agod muruan tubun ak yen da. Idsad bisnis yen yaŋak saian ak iŋane wa. Muruan an mi tia. Taidam tubud pein Atemis san tempel mel kawan dubol dop iŋsan yaŋan tubun an fon diabi idu wa. Tubud pein an Esia provins lo, agod tan titin fidian en lo tamolpein ago mi ubou an dile da.”

Aposel 19:31

Provins san tamol gurman aenta, iŋ Pol turan muroun, an dam ru kagin diganeg Pol san na yau. Kabelan tumanek aben lo doup malad lo ilasa banau o dumoi a.

Aposel 20:16

Pol Esia Provins lo saen ibidani man imoi tag, Efesus miriŋani wo ilon yen a. Man dugo, idaisuda tap, iŋ ririan Jerusalem na Pentikos saen fo mok ilasa wo ilon ago yen a.

Aposel 20:18

Dilasag dutumani gug irupidai, “Aŋ aloŋ ak, saen malmalan ŋai Esia provins lo ŋilasag, ŋaisag madok saen fidian ŋai aŋ da tumado na yan ale aloŋ.

Aposel 20:4

Tamol a Pol ida tureŋ diabi dan sad yaŋadi igo ya: Beria tamol ta yaŋan Sopater iŋ Pirus nanun. Tesalonaika tamol uraru Aristakus iŋ Sekundus da. Derbi na man Gaias sen kisaek. Agod Timoti, ago dugo Esia provins lo tamol uraru Tikikas iŋ Trofimas da ago fidian mi diau a.

Aposel 21:27

Nal 7 an itout o sumeik dugo Juda aenkadi Esia provins lo yan Pol tempel lo dile ya. Agog tamolpein fidian ated dusueg Pol diabig,

Aposel 24:18

Saen an lo, ŋai midaeŋ lo ikok ŋilasa la gug tempel lo ŋator dugo diliag a. Ago dugo ŋai atna doup ta dida mumado man tia, agod leiŋ dam tia ya.

Aposel 27:2

Agog maŋ Adramitium na wog ta fo misida ya. Wog an Esia provins lo panu loŋ na dien dan lo idu dop yau san. Agog miyawai a. Masedonia na taun ta yaŋan Tesalonaika dubol dan san tamol, yaŋan Aristakus, dam ida mau a.

Aposel 6:9

Gug Juda tamol aenkadi Stiven lo siai digane. Tamol an ubou ab yaŋan “Tamol kawan dumado dak” dubol dan sad tamol. Tamol an iŋsad panu Sairini, iŋ Aleksandria da. Agod Silisia iŋ Esia da provins uraru an sad tamol dam Stiven lo ager diabisa ya. Tamol amaiak fun diganeg Stiven lo ru nam yu digane ya.

Aposel 7:2

Ago tag Stiven ru naon irupidaig igo ibol, “Teig taog, tamag muroug, kududom agure! Id tubud baged Abraham wagam geig Mesopotemia na imado dugo, saen an lo iŋ gamugo Haran na yau dugo, Anut lilaman anda yan naon na ilasa ya.

Rom 16:5

Agod fon ilo uyan midaeŋ a iŋsad ab lo dutumani dan sad na migane yau a. Ŋaineg turag Epenetus ŋaisag ilo uyan iŋ apani, iŋ tamol malan malan Esia ilon lo iŋ Kristus niŋen ilon lo rumok a.

1 Korint 16:19

Aria, midaeŋ a distrik Esia ilon lo dumado dan fidian aŋ ilo uyan dupanaŋ da. Akwila iŋ Prisila da Tubun ak yaŋan lo aŋ dam ilo uyan dupanaŋ da. Nek ago mi midaeŋ a iŋsad ab lo dutumanig dumado dan, aŋ ilo uyan dupanaŋ da.

2 Korint 1:8

Teig taog, aŋ mel en niŋen aŋaoŋ o man maŋ iloma ta ibol na da. Saen maŋ Esia provins lo mumado dugo muruan tubun mi misini se ya. Maŋ mukubiani ak ibol dibilama tan na madug duparfufaramag matur dabai san tia yak igo ya. An lo maŋ iloma lo gamu en mamat dak ago mabol a.

2 Timoti 1:15

Oŋ uloŋ ak, talpein provins Esia lo yan patud dupanag go diau pasik a, Figelus iŋ Hermogenes da dam luluŋad lo ŋai dubusawag a.

1 Pita 1:1

Ŋai Pita, Jesus Kristus san aposel. Aŋ tamolpein Anut ipilianaŋ go aŋanem panu fun abiseig aug, Pontas na, Galesia, Kapadosia, Esia agod Bitinia na, aben a luluŋad lo tamol gol ak igo woŋ amado dan, aŋsam na girek en ŋigire da.

Revelesen 1:11

Awan an irupaiag go ago ibol, “Mel fidian e ule den man, buk lo girep, Kris midaeŋ seven an sad na ganep yau a. Oŋ ka ganep Kris midaeŋ o taun Efesus, Smerna, Pergamum, Taiataira, Sardis, Filadelfia, agod Laodisia na yau a.”

Revelesen 1:4

Ŋai Jon, ŋai ru e ŋigire yen man aŋ Kris tamolpein nek a Kris midaeŋ seven, tan Esia lo amado dan aŋsami a. Anut gamu imado dak, gubak mi imado ya, agod murna dop ipalu wa. Iŋ ka ilon ipanaŋ dop, ilo maror amado san ipanaŋ a. Agod ur seven Anut san kalik naon na dumado dan, iŋ dam ilo panek, agod ilo maror amado san ka dupanaŋ a.