Aposel 16:25 - Takia

²⁵ Tidom luak igo woŋ Pol iŋ Sailas da Anut dugudani dugo bar diabi se ya. Ago dugo subanek tamol fidian awad duloŋ se ya.

Aposel 16:25 Iomraidhean Croise

Luk 22:44

Ilon muruan an lo tubun mok igudani dugo iŋsan silali an dar oŋ naon tinin fo ilasag tan na idu se ya.

Aposel 15:22

Agog aposel, agod matu adi dida midaeŋ fidian dutumanaig, awad kisaek gug tamol ta dipilianaip Pol iŋ Barnabas da dida Antiok na diau wo dubol a. Agog Sailas, iŋ Judas yaŋan neinta Basabas dubol dan dipilianai a. Tamol uraru an ilo rumok adi luluŋad lo yaŋad ad da ya.

Aposel 16:19

Urat bigabeg pein an san tirnek tamol adi moni diŋane san dal itau an dile tag, Pol iŋ Sailas da duburoug, diriaig didaeŋ aben lo kot dupidinai o diau a. Ante gurman adi naod na dugunai a.

Aposel 16:33

Tidom an lo mi subanek ab san titianek Pol iŋ Sailas da dufunai na yan sad baob ifulanig ifou pidinai. Iŋanen samun fidian dida ilod lo rumok go suguek diŋane ya.

Aposel 5:41

Aposel adi ilod uyan dugo kaunsil sad tumanek ab dibiseig dilasa ya. Ata wo, iŋ Jesus yaŋan o tamolpein naod na muruan disini wo Anut ipilianai a.

Rom 12:12

Oŋane mala nouk mado dan lo utur dop you isa wa. Muruan lo dop utur sakar a. Pempem Anut gudani dop mado wa.

Rom 5:3

Agod an mi tia, muruan tinid fo ipalu bo man uyasusai tigane da. An lo id taloŋ ak, muruan tisini den iŋsan wadan man, id dabai ipanad pe tatur sakar a.

2 Korint 6:10

Maŋ iloma ipapao da, ago gug pempem yousai lo mi mumado da. Maŋ filiama tia ya, ago gug man tamolpein wei mi midirai filian tamol dilasa da. Maŋ mel amama tia ya, ago gug mel fidian maŋsama mi a.

Efesus 5:19

Ago dop aŋ ru girek Isrel bar san buk lo yen dan lo, ubou san bar lo, Urgun san bar lo dam nug lo aŋiŋeŋ a. Aŋanem tinim ŋutum fidian lo Anut ilo uyan apani wo bar abi wa.

Filipai 2:17

Urat e aŋanem ilo rumok lo ilasag Anut agane pani dan ibol alta igo woŋ a. Agod ŋaisag dar man ibol wain alta fo duwatik ak igo ya. Iŋ ŋaisag dar an alta fo duwatik idu tap, gidad, ŋai an niŋen o ilog uyan a, agod ŋai aŋ da sisem uyasusai lo mi tumado wa.

Kolosi 1:24

Ŋai madai, agod muruan a aŋ niŋemi wo ŋisini se yan niŋen o uyag isusa da, agod ŋai tinig madai dupani dan lo, Kristus tinin madai dupani amaiak san wadan ŋigane itout a. Kristus tinin man iŋanen midaeŋ, agod midaeŋ an ŋibinawai wo, ilo uyan lo muruan an fidian ŋisini da.

Hibru 5:7

Saen Jesus tan na imado se yan, iŋanen gudanek lo pempem imosiai dugo, awan tubun mi tinaŋ iganeg Anut o mateŋ san dabai lo ka patun ipasi wo igudani a. Agod iŋ Anut awan kagin ipani uyan go sen yabi idu ya, an lo Anut iŋsan gudanek iloŋ a.

Jems 1:2

O teig muroug, muruan naon dugo dugo yak asini dop ilom uyan oŋ a.

Jems 5:13

Aŋ ta luluŋam lo muruan isini di? Ago tap iŋ Anut san na igudani wa. Dugo, aŋ ta luluŋam lo ilon uyan di? Ago tap iŋ Anut yaŋan yabisa dop bar yabi wa.

1 Pita 4:14

Aŋ Kristus yaŋan niŋen o saian dupanaŋ tap man aŋ tamolpein Anut san bar aŋane ya, man dugo, Ur a Anut san agod girager san an aŋ tinim lo yen da.