Aposel 15:9 - Takia

⁹ Id Juda, agod a Juda tia yan iŋ malan lo id sensen man tia ya. Iŋ o ilod rumok an lo bubed ifulanaig ikok dilasag nek id ago mi a.

Aposel 15:9 Iomraidhean Croise

Aposel 10:15

Ago tag awan an fon ibol, “Mel dugon Anut ikokan ibol ak, oŋ waliŋ ganep, nun ta ubol na wa.”

Aposel 10:28

Agog Pita irupidai, “Aŋ aloŋ ak. Juda sad kubiaeŋ ibol ak, Juda tamolpein diaup tamolpein Juda tia yan dida ta mok dutumani na wa. Ak man Anut igo ikubiai panag, ŋai tamol ta nun ak ta ŋabol na wa. Ikok tia yak dam ta ŋabol na wa.

Aposel 10:34

Agog Pita iŋsan ŋiŋeŋ fun iganeg ibol, “Gamu gug ŋaloŋ la ya. Rumok, Anut san kagin panek tamol fidian lo man naon kisaek mi a.

Aposel 11:12

Urgun ŋai ilog weiwei ŋamoip, ririan iŋ dida mau wo ibol a. Ago tag Jopa na ilo rumok tamol 6 luag disag dida Sisaria na mau a. Agog fidian Konilias san ab lo miladu ya.

Aposel 14:1

Kagin naon kisaek an ago mi Aikoniam na ilasa ya. Pol iŋ Barnabas da Juda ubou ab lo ru dufulale uyanan mok an lo Juda adi agod Juda tia yan dam wei mi ilod lo rumok a.

Aposel 14:27

Antiok na dilasag ilo rumok adi dutumanaig, Anut urat iŋ lo igane na yan san ru durupidaig duloŋ a. Agog Anut tamolpein Juda tia yan ilod lo rumok san dal ipasi an dam dubol duloŋ a.

Rom 3:22

Id itaot tilasa man Anut idsad ilo rumok Jesus Kristus lo ipanad a. Id fidian Jesus Kristus ilod lo rumok dan, an tiŋane wa. Id fidian, Juda adi, agod Juda tia yak dam naon kisaek mi a,

Rom 3:9

En dugo, id Juda adi tamolpein aenta a Juda tia yan tiriŋanai ak i? Man tia geig a. Ŋai gubak mi ŋukubiaig ale la ya, Juda tamolpein agod a Juda tia yan dam aupasek san dabai paen na tumado da.

1 Korint 7:18

Ak dugo, tamol ta saen Anut iwagi dan iŋanen tinin suŋulon dutute la yak tap, an gidad imoip ago ka yen a. Tia, Anut tamol ta iwagi gug tinin suŋulon ta dutute na tap, iŋ tinin suŋulon dutute wo isumianai man imoi a.

Galesia 3:28

Fun amaiak niŋen o gamu gup ta iŋ Juda tamol, ta iŋ Juda tia yak, enti iŋ bigabeg urat san subanek lo imado dan, enti iŋanen ilobol lo mi itor dan, enti iŋ tamol, enti iŋ pein, yaŋak an ago ta tipate na wa. Yaŋak naok ago yan man mel kawan a. Man dugo, gamu aŋ fidian mi man Jesus Kristus lo kisaek a.

Galesia 5:6

Man dugo, saen talpein ta iŋ Kristus da dutumani dan, gidad muluŋ lo idu boi, tia, muluŋ lo ta idu bo man an mel kawan a. Mel kisaek nek en mi iŋ tubun a, id ilo rumok amad da yan lo tamolpein aenta ilod tipidinai da.

Efesus 3:6

Ru mianuk an man igo ya, aŋ gob adi Juda tamolpein dida sisemi Anut san bar uyan uyan ak aŋane wa. Aŋ iŋ dida atumani an lo tinim kisaek alasa ya. Agod melmel a Anut san promis lo tiŋane wo ibol an, id sisem tiŋane mok a. An bilaluŋ uyanan Anut Kristus lo ipanad an lo ilasa ya.

Kolosi 3:11

Fun an lo na id foud tilasa yan luluŋad lo tarpalek man tia ya. Grik iŋ Juda dadi, tamol a tinid suŋulon dutute yan, a tinid suŋulon ta dutute na yan, tamol asau ak, tia, tamol kasik yu gidigidad digane dak, tamol urat bigabeg ak, tia, tamol kawan imado dan, an fidian kisaek a. Gamu Kristus mi malan te ya, man dugo, iŋ tamol naok an fidian ilod lo imado da.

1 Pita 1:22

Aŋ ru rumok ari apani na yan lo aŋ gamu ŋutumi adiraig gun dilasag, an lo aŋanem Kris teim taom niŋedi wo amat dan, an mi nuŋon a. Amaiak niŋen o aŋ ilom ŋutum rumok amam da nug niŋen o amat a.