Aposel 13:1 - Takia

¹ Antiok na midaeŋ ilon lo profet adi, agod girek maŋau adi dumado dan yaŋadi igo ya: Barnabas, Simion a yaŋan neinta Niger dubol da. Lusias iŋ Sairini tamol. Manain man iŋ Herod da dilasag ditalbusi kisaek. Agod Sol sen dam mi a.

Aposel 13:1 Iomraidhean Croise

Matyu 27:32

Iŋ Jesus dida tureŋ diabig diau dugo, yu tamol adi dal te tan Sairini san tamol ta, yaŋan Saimon dubol dan dile ya. Agog Saimon an disodudunig Jesus san aigim isini a.

Luk 3:1

Taibirias Kaisa anaŋar 15 Rom gabman kagin ipani dugo, Pontias Pailat Judea kagin ipani se ya. Ago dugo Herod Galili san tamol tubun geig, iŋ tein Filip dam nek ago mi Iturea iŋ Trakonaitis ida kagin ipidinai dugo, Laisenias provins Abilene kagin ipani se ya.

Aposel 11:30

Agog iŋaned filiad iri panim moni diganeg Barnabas Sol da moni dupidinaig disini diaug Jerusalem na ubou san gurman banid lo digane ya.

Aposel 12:25

Barnabas Sol da Jerusalem na ubou san gurman banid lo moni digane yan san urat digane itout gug, dumul go Antiok na diau a. Saen dumul an Jon yaŋan neinta Mak dubol dan diŋaneg dida diau a.

Aposel 13:9

Agog Sol yaŋan neinta Pol, Urgun buben iŋanefuteg malan ti ibol go Elimas ileg, irupei,

Aposel 15:32

Judas iŋ Sailas da sisem sad teid taodi ru wei mi nam tan suek ru dupidinaig dabai dupidinai a. Man dugo, tamol uraru en dam Anut san profet mi a.

Aposel 15:35

Ak man Pol iŋ Barnabas da Antiok na dumado dugo, ante tamol aenkadi wei mi dida Tubun en san ru dufulale dugo tamolpein maŋau dipiteŋanai se ya.

Aposel 19:6

Agog saen Pol banin gurmad fo igane man, Urgun iŋ tinid fufo idu ya, ago dugo muroun ru sensen ak lo diŋiŋeŋ dugo, profet ru dam dubol ilasa se ya.

Aposel 21:9

Iŋ nanun pein iwoiwo iwod tia dumado dan profet ru dubol ilasa da.

Aposel 4:36

Saen an lo iŋ luluŋad lo tamol ta yaŋan Josef imado da. Iŋ Livai san gugoi lo ilasa ya, gug iŋanen tinan man nui yaŋan Saiprus dubol dan ante igansi a. Aposel adi yaŋan neinta dupanig Barnabas dubol da. (Yaŋan an fun man, Ilo Yabisa San Tamol.)

Aposel 9:1

Saen an lo Sol iŋ Tubun en san tamolpein ifu dumat o urer ipidinai dugo ibol itor se ya. Agog pris malan te ak san na yaug, girek ta igire pani wo isumiani a. Girek an Juda ubou ab sad gurman adi Damaskus na yan ikubiai pidinai dop, tamol ta boi, tia pein ta boi, ilo rumok kagin a “Dal En” dubol dugo diri dan abaŋad ile tap, ibiap isubanaip, dida Jerusalem na diau a.

Rom 16:21

Timoti, ŋaisag urat kisaek an, ilo uyan ipanaŋ da. Nek ago mi ŋai turag muroug, Lusias iŋ Jason da agod Sosipata da dam ilo uyan dupanaŋ da.

1 Korint 11:4

An niŋen o saen tamol ta iŋ kabuŋan ituanig imado dugo gudanek igane dan, kagin an lo iŋsan tamol gurman Kristus miai ipani da. Nek ago mi iŋ kabuŋan ituanig imado dugo profet ru ibol ilasa dak tap, dal an lo dam Kristus miai ipani da.

1 Korint 13:2

Ŋai profet ru ka ŋabol a, agod mel mianuk ak fidian fud ŋaloŋ uyan a, agod taida mi ŋai maŋau fidian amag da ya, agod ŋaisag ilo rumok lo mi ŋabol pe tan bubun ta isuk yaup asau mi itur a, ak man ŋai ilo panek amag tia yak tap, ŋai tamol kawan mi a.

1 Korint 13:8

Ilo panek kagin pempem yen da, itout yau san tia ya. Ak man tamolpein gamu profet ru dubol ilasa bo man, murnap profet ru an itout yau a. Gamu talpein aenta tamolpein sen ak sad muroun ru lo diŋiŋeŋ dak gug fun ta duloŋ na da, ak man murnap kagin an itout yau a. Agod gamu aenta Urgun san dabai lo iŋ maŋau amad da ya, ak man murnap lou panek an itout yau a.

1 Korint 14:29

Aria, saen profet adi midaeŋ durupidai dop man iŋ uraru boi, tia, utol boi ago diŋiŋeŋ a. Ago dop tamolpein aenta man kududod mi dugurep ru dubol ilasa dan dukubianip dile uyan a.

1 Korint 14:32

Kabelan aŋ ilom lo tamol Anut awan iloŋ dan ririan ru ibol ilasa dak ago abol banau, ago tia ya. Man dugo, Anut anen profet adi dabai ipidinai an lo iŋsed ŋutudi ka ditirni wa. An niŋen o iŋ Anut awan duloŋ an ilod lo yen yaup iŋaned saen ilasa dan te gup, ru an tumanek lo dubol ilasa wa.

1 Korint 9:6

Tia dugo, ŋai Banabas da, nek ibol aposel aenta igo woŋ tia ya, maŋsema mi banima nam urat migane wak ago abol di?

Galesia 2:13

Agod Juda aenta a Kris dilasag Antiok na dumado dan iŋ Pita dida sewak kagin digane ya. An lo Barnabas dam iŋsad kagin sewak an iri panig balek uraru san kagin lo idu ya.

Galesia 2:9

Aria, saen Jems, Pita, Jon da ŋai awag duloŋ an, ilod isafulale man Anut ŋai lo iŋsan ilo panek iganeg iŋsan urat ŋigane wo ipanag a. (Tamolpein aenta tamol utol an “midaeŋ san bag tamol” igo dubol da.) An niŋen o ŋai Barnabas da iŋ banid won ak duwate dugo banid mabi a. Iŋ maŋ da nug tein taon igo woŋ diŋiliama ya, maŋ iŋ dida iloma kisaek go awama mutumanig igo mabol, maŋ uraru gob luluŋad lo bilaluŋ urat migane wa. Gug iŋ man Juda tamolpein luluŋad lo bilaluŋ urat digane wak ago dubol a.

Efesus 4:11

Iŋsan lou panek man igo ya. Ta aposel urat, ta profet urat, ta bilaluŋ urat, ta matu urat, aenta girek maŋau urat lo iginiaig dumado da.

Filipai 4:22

Anut anen tamolpein gun ak etna Rom na dumado den aŋsam na ilo uyan ru dupanaŋ a, agod aenta a Kaisa san ab lo urat digane dan iŋ dam malmalan mi ilo uyan ru dupanaŋ da.

1 Tesalonaika 5:20

Profet ta iŋ Anut san awan iŋanep ŋiŋeŋ an ibol ilasa dop man, aŋ ru an ru kawan ak ago ilom ta isou na wa.