Aposel 10:22 - Takia

²² Ago tag ru naon durupei, “Yu gurman tubun ak Konilias idinamag mupalu ya. Iŋ tamol itaot mok, Anut yaŋan lo ubou ile da. Juda tamolpein dam tamol an yaŋan disini da. Anut san eŋel gun ak ta ipalug oŋ igiop iŋsan ab lo waup ŋiŋe dop iloŋ o ago eŋel an irupei a.”

Aposel 10:22 Iomraidhean Croise

Matyu 1:19

Agog iŋ iwon Josef man tamol itaot ago yan lo iŋ pein an malak malak miai ipani man imoi, agog pasak nam pein an ibiseip isol yau o ilo sou ago igane ya.

Matyu 2:12

Agog dumul man Herod san na ta diau na ya, man dugo, insad ŋioŋ lo Herod san na ta diau na wo Anut geg ipidinai a. Ago yan lo dal senamo diŋaneg sed naod na dumul diau a.

Mak 6:20

Man dugo, Herod Jon niŋen o tubun mi irer se ya. Iŋ iloŋ ak Jon iŋ tamol itaot di gun a, an niŋen o talpein ta Jon muruan ipani san niŋen o iparfutani fufei na ya. Nal wei mi iŋ Jon da diŋiŋeŋ go Herod ilo uyan lo iŋanen ru iloŋ se ya. Ak gug ilon weiwei dugo ru fun iloŋ uyan san tia ya.

Mak 8:38

Tamolpein ensauta gamu dumado den aupasek agod kagin sisaiak san saen lo dumado da. Talpein ta saen en lo ŋaisag ru niŋen o miai ifuni tap, saen ŋaineg eŋel gun agod Tamag san girager da ŋupalu dop, ŋai nek ago mi talpein an niŋen o miai ifunag a.”

Luk 2:25

Aria, tamol ta Jerusalem na imado yan yaŋan Simion. Iŋ tamol itaot, agod Anut awan paen na imado ya. Anut Isrel tamolpein ibinawai san saen ilasa wo, malan iganeg imado se ya. Iŋ lo dam Urgun imado ya.

Luk 23:50

Tamol ta yaŋan Josef, iŋ Juda panu ta Arimatia dubol dan san tamol. Iŋ tamol uyan, agod itaot. Iŋ Anut san kagin panek ipalu wo malan igane se ya. Iŋ Juda sad kaunsil lo imado gug kaunsil dida Jesus san mateŋ o ilod ta kisaek na ya, agod awok ta ipidinai na ya.

Luk 9:26

Tamol Nanun iŋsan lilaman lo, Bai san lilaman lo, eŋel gun adi sad lilaman lo ipalu wa. Ta iŋ ŋaisag ru yaŋag da o miai ifuni tap, saen Tamol Nanun imul dop, iŋ dam tamol an niŋen o miai ifuni wa.

Jon 13:20

Ŋai ru rumok ŋurupaiaŋ da, ŋai urat tamol adi ŋidiraig diau a. Talpein enti a ŋaisag urat tamol iŋane dan, ŋai iŋiliag da. Ago dugo talpein enti ŋai iŋiliag dan, iŋ Bai enti a ŋai idinag go ŋupalu yan dam iŋane da.”

Jon 17:20

“Ŋai megeloum en niŋedi wo mi ta ŋugudano na da. Tia, mitep ŋidinaip, ŋaisag ru dufulalep tamolpein aenta duloŋ pe, ilod lo ŋai o rumok a. Tamolpein an niŋedi wo dam ŋugudano da.

Jon 17:8

Ru fidian ŋai panag an iŋ ŋupidinaig, diŋane ya. An lo iŋ duloŋ fufei mok, ŋai oŋsa nag ŋupalu ya, ago dugo oŋ ŋai dinag go ŋupalu yan dam ilod lo rumok a.

Jon 5:24

“Ŋai rumok nuŋon mi ŋurupaiaŋ da. Talpein enti iŋ ŋaisag ru iloŋ dugo, Anut ŋai idinag go ŋupalu yan ilon lo rumok dan, Anut ru ibol pe talpein an ideg yau ak ta mok igane na wa. Tia, talpein an kumaen pempem san iŋane la ya, iŋ mateŋ san dal ibisei lag, gamu kumaen san dal lo itor da.

Jon 6:63

Urgun mi iŋ tamol kumaen ipani da, tinid man iŋ kitek ibinawad san tia ya. Ru e ŋai ŋurupaiaŋ den, iŋ ur agod iŋ kumaen a.

Jon 6:68

Saimon Pita awan yabig ibol, “O Tubun ak, maŋ enti san na mau wo ubol di? Oŋane ru mi iŋ kumaen pempem san aman da ya.

Aposel 10:2

Iŋ, iŋanen samun fidian dida Anut yaŋan lo ubou dile da. Juda tamolpein filiad tia yan ibunawai siŋaokan dop, pempem Anut igudani se ya.

Aposel 10:21

Ago tag Pita idug irupidai, “Tamol abaŋale dan ŋai nek en. Aŋ ata wo apalu yak i?”

Aposel 10:30

Ago dugo Konilias ibol, “Nal utol yau la ya. Gamu saen nek igo 3 klok guraian ŋaisiganeg ab lo ŋugudani dugo, gamu nam tamol kulos malan milkouk geig ak idirig naog na itur a.

Aposel 10:33

Ago yak niŋen o gamu nam oŋ palu wo ru ŋigane ya. Agog oŋ gane fufeig palu ya. Gamu maŋ fidian Anut malan lo mumado da. Ak niŋen o Tubun en ru dugon rupaiama maloŋ o ibol man, ubol dop maloŋ o tinima migane da.”

Aposel 10:6

Iŋ tamol ta yaŋan Saimon ida loŋ aen te dumado da. Tamol an melmel funfun suŋulod ikubune dop igane igos da.”

Aposel 11:14

Tamol a bilaluŋ irupaio wan lo oŋ agod oŋane samun fidian dam patu pasek diŋane wa.’

Aposel 22:12

“Agog tamol ta yaŋan Ananaias, iŋ pempem Anut san ubou ile da. Iŋ idsad kubiaeŋ kagin ipani da. Juda tamolpein Damaskus na dumado dan iŋ Ananaias yaŋan diabisa da.

Aposel 24:15

Ŋai Anut niŋen o mala nouk ŋumado dak ago mi Juda adi e dutur den iŋsad mala nouk dam naon kisaek mi a. Mala nouk nek en lo, mitep nal ta ilasa dop lo tamolpein itaot ak, agod a ta itaot na yan dam fidian mateŋ lo dumasa da wa.

Aposel 6:3

Ago yak niŋen o teid taod, tamol 7 luluŋam lo Urgun amad da yak, kankan milaen ak, agod yaŋad uyan ak mi apilianaip urat an banid lo tigane wa.

Rom 1:17

An niŋen bilaluŋ uyanan en lo, Anut iŋsen dal foun ak ta tamolpein iŋ malan lo itaot dumado wak san igane ilasa ya. Dal an san fun, agod dal an san wadan man ilo rumok lo mi a. Nek ibol ru ta Anut san buk lo digire yan ibol, “Talpein enti iŋ Anut malan lo itaot ak, iŋanen ilo rumok lo mi kumaen imado wa.”

2 Korint 5:18

Kulob an fidian sad fun man Anut mi a. Iŋsen mi Kristus lo iŋsan turan muroun idirad a. Agod Anut iŋsen maŋ tamolpein maŋal dop iŋanen turan muroun midirai san urat migane wan, maŋ banima lo igane ya.

1 Timoti 3:7

Agod ta dam, tamolpein a idsad ar patun fo dumado dan iŋ tamol uyanan ak ago dubol a. An tia tap, iŋ niŋen o dubol saian dop Satan san dob lo idu wa.

Hibru 10:38

Gug ŋaisag tamol itaot an ilo rumok lo mi imado wa, gug iŋ isuk imul tap, ŋaisag ŋutug lo iŋ o man ilog ta uyan na wa.”

Hibru 11:2

Ilo rumok an lo tamol wagam dumado na yan malak malak lo Anut per ipidinai a.

Hibru 12:23

Aŋ Anut san nanuk matu matu ak yaŋad buk lo igireg yen dan sad midaeŋ ilon lo aladu ya. Aŋ Anut a tamolpein fidian sad bitinaek tamol an san na apalu ya, agod tamol itaot ak sad ur Anut idiraig itaot mok dilasa yan dam sad na apalu ya.

2 Pita 3:2

Kankan en igo ya. Ru a profet gun adi wagam mi dubol na yan, agod ru kubiaeŋ a aŋsam aposel adi awad lo aŋsam bunawek Tubun en ibol panaŋ an dam ilom isou wa.

3 Jon 1:12

Tamolpein wei mi Demitrius san kagin uyanan an niŋen diŋiŋeŋ da. Agod ru rumok iŋsen mi iŋ niŋen o dam ru uyanan ak ibol ilasa da. Ŋai dam iŋsan kagin uyanan ak niŋen o ŋiŋiŋeŋ da, an niŋen o uloŋ ak ŋaineg ru en rumok a.

Revelesen 14:10

aria, iŋ gidad wain naon sen ak ka iluk a. Wain en man Anut san ilo wananan agod Anut iŋ wain en you da ta ibilisa dop, tia, wain an iŋanen ilo mumarek san gab lo iwali wa. Ago dop talpein en ka iluk a. Ago dugup eŋel gun ak malad lo, Sipsip Nanun malan lo dam, talpein en iŋ yai lo, agod pat salfa inani dak lo, madai iŋanep ago imado yau a.